Johan 16:5 - Tedim Bible Revision 2017

⁵ Tu-in ahihleh kei hong sawl pa kiangah a ciahkik ding ka hi hi. Tua hi napi-in, ‘Koi ah pai ding na hi hiam?’ ci-in kuamah in na hong dong kei uh hi.

Tedim Bible

⁵ Ahih hangin tu-inah kei hong sawlpa kiangah pai ding ka hih ciangin, ‘Koi lai-ah pai ding na hi hiam?’ ci-in note lakah kuamah in nong dong kei uh hi.

Johan 16:5 Iomraidhean Croise

Johan 13:3

A Pa in ama khut sungah vangliatna khempeuh a piakna le Pasian in amah a sawl mah bangin tu-in Pasian kiangah a paikik ding ahihna thu zong a thei hi.

Johan 13:36

Tua ciangin Simon Peter in, “Topa aw, koi ah pai ding na hi hiam?” ci-in a dot ciangin Jesu in, “Ka paina dingah tu-in na hong zui thei nai kei ding hi; ahi zongin nidang ciangin na hong zui ding hi,” ci-in a dawng hi.

Johan 14:28

‘Ka va paikhia dinga, ahi zongin note kiangah ka hong paikik ding hi,’ ka cihna thu na za khin uh hi. Kei sangin a lian zaw Pa Pasian kiangah a va pai ding ka hih manin kei na hong it nak uh leh ama kiangah ka paina hangin na nuam zaw ding uh hi.

Johan 16:10

Pa kiangah pai ding ka hih manin kei na hong mu nawn kei ding uh hi, ka cihna thu a manna lak dinga,

Johan 16:16

“Tawl khat khit ciangin na hong mu nawn kei ding uh a, tawl khat khit ciangin na hong mukik ding uh hi,” a cih ciangin,

Johan 16:17

a nungzuite pawl khat kidong uh a, “Tawl khat khit ciangin kei na hong mu nawn kei ding uh a, tawl khat khit ciangin na hong mukik ding uh hi, a cihna le Pa kiangah a ciahkik ding ka hi hi, a cihnate bang a cihnopna ahi hiam?” a kici uh hi.

Johan 16:28

Pa kiang panin hong pai-in leitung a hong tung ka hi a, tu-in leitung nusia leuleu-in Pa kiang a zuankik ding ka hi hi,” a ci hi.

Johan 17:13

Tu-in nangma kiangah a hong pai ta ding ka hih manin keimah bangin amaute in lungdamna cingtaak a neih theih nadingun leitungah ka om lai-in hih thute a gen ka hi hi.

Johan 17:4

Nangmah in sep dingin na hong piak nasep khempeuh sem khinta ka hih manin leitungah na min a thangsak ka hi hi.

Johan 6:62

Mihing Tapa ama omna ngei ah a ciah tokik a mu hi le-uhcin bang na ci ding uh hiam?

Johan 7:33

Jesu in tua mite kiangah, “Note lakah tawl khat ka om lai dinga, tua ciangin kei hong sawl pa kiangah ka pai ding hi.

Hebru 1:3

Tua Tapa in Pasianʼ minthanna vang hong taang khiasak a, Pasianʼ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasianʼ taklam, vantungah a tu hi.

Hebru 12:2

Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.