Johan 16:25 - Tedim Bible Revision 2017

²⁵ “Tu hun ciang dong hih thute thu gentehna zangin kong gen hi. Ahi zongin thu gentehna ka hong zat nawn loh hun hong tung dinga, tua hun ciangin a teltakin Pa Pasianʼ thu kong gen ding hi.

Tedim Bible

²⁵ “Tua thute thugentehna tawh kong gen zo hi. Thugentehna tawh gen loin, Pa’ thu note kiangah a tel takin kong gen nading ahun hong tung ding hi.

Johan 16:25 Iomraidhean Croise

Late 49:4

Paunak thu theih hak khat ka ngaihsun dinga, laiza lasakna tawh a khiatna ka gen tel ding hi.

Late 78:2

Note tungah thu gentehna zangin ka kam ka-in thu kong gen ding hi. I pu i pate in hong gen sa, eite in i zak sa le i theih sa, tanglai-a thuthukte ka hong gen khia ding hi.

Paunak 1:6

paunakte le thugentehnate hoihtakin thei-in, mipilteʼ kampau le a thugente uh a theih nading ahi hi.

Ezekiel 20:49

Tua ciangin kei zong, “Topa Pasian aw, kei hong sawl kei in. Mi khempeuh in kei pen khiatna nei-a thugen thei pa hi, ci-in a hong ngaihsut uh ka hi hi,” ci-in ka nial hi.

Marka 4:13

Tua ciangin Jesu in, “Note in hih thu gentehna thei lo na hi uh hiam? Thei lo na hih uh leh, thu gentehna khat peuhpeuh bangci theih ngei ding na hi uh hiam?

Marka 4:34

Thu gentehna lo tawh thu hilh ngei lo hi. A nungzuite guak tawh a om khawm ciangin a thu khempeuh a gen tel zel hi.

Marka 8:32

Hih thu a kitel takin amaute kiangah a gen hi. Peter in Jesu paikhiat pihin, “Hih bangin thu gen kei in,” ci-in a taii hi.

Johan 10:24

Jew mihonte ama kiangah hong kikhawm uh a, “Thu kitel loin bang tanvei koih hong sawm na hi hiam? Khris na hih leh zong teltakin hong gen in,” ci-in a dot uh ciangin

Johan 10:6

Jesu in hih thu gentehna tawh thu a gen hangin amaute in Jesuʼ gen nop thu a theithei tuan kei uh hi.

Johan 16:12

“Ka hong gen ding tampi tak om lai hi; ahi zongin hong gen lai leng note adingin tam lua ding hi.

Johan 16:2

Amaute in a kikhopna uh innte panin note hong hawl khia ding uh hi. Note hong that mite pen Pasianʼ nasemin a kingaihsut ding uh hun hong tung ding hi.

Johan 16:32

Note khempeuh kithehthangin na inn ciat uh zuanin kei bek na hong nusiat ding uh hun a hong tung ding hi bek loin tu-in a hong tung hi ta hi. Ahi zongin kei guak a hong kinusia hi lo a, Pa in kei hong ompih hi.

2 KORIN NIHNA 4:2

Ka thuhilhna uh ah mite khembawl loin, Pasian thu zong a man lopi-in ka gen kei uh a, tua bang a zumhuai simtham tatnate ka zang het kei uh hi. Pasian muhna ah a langtangin thuman takin ka gamta uh a, mi khempeuh a lungkim theih nadingin ka hanciam uh hi.