Johan 15:5 - Tedim Bible Revision 2017

⁵ “Kei pen leenggui ka hi a, note pen a hiang na hi uh hi. Note in kei tawh loin bangmah hih thei lo ding na hih manun kei tawh a kizomte in gah tampi na gah ding uh hi.

Tedim Bible

⁵ Keimah in leenggah gui ka hi hi. Note in a hiang na hi uh hi. Keima sungah om a, ama sungah ka om leh, tua mi in tampi a gah thei hi. Bang hang hiam na cih uh leh, kei sungah na om kei uh leh, bangmah na hih thei kei ding uh hi.

Johan 15:5 Iomraidhean Croise

Paunak 11:30

Midikte a khansau a, migilote khansih hi.

Hosea 4:8

Ka miteʼ mawhna amaute in hauhlawh uh a, ka mite a mawh semsem ding uh a ut uh hi.

Mattiu 13:21

Ahi zongin amaute sungah thuktum zo lo ahih manin tawl khat sung bek um uh hi. Tua ahih manin Pasianʼ thu hangin haksatna ahi a, bawlsiatna ahi zongin khat peuhpeuh a tun ciangin tawpkik pah uh hi.

Johan 12:24

A mantakin ci lehang, mangbuh hum tang khat leilak ah kituhin si masa kei leh tang khat bek mah hi ngitnget hi; ahi zongin si masa leh tang tampi tak hong nei thei hi.

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Johan 5:19

Tua ahih manin Jesu in amaute kiangah, “A mantakin gen lehang: Tapa in ama thu bek tawh bangmah sem lo a, a Pa in a sep a muh teng bek a sem ahi hi. Tua hi a, a Pa in a sep teng mah a Tapa in zong a sem ahi hi.

Johan 9:33

Tua ahih manin Pasian kiang panin hong pai hikeileh hih bang hih thei lo ding hi,” ci-in a dawng hi.

Sawltak 4:12

Ama hang bek tawh hotkhiatna kingah thei ding hi. Bang hang hiam cih leh eite in hotkhiatna i ngah theih nadingin leitung khempeuh ah Pasian in hong piak min dang khat zong om lo hi,” ci-in a gen hi.

ROM (Romans) 12:5

Tua mah bangin eite mi tampi ihih hangin pum khat ihi a, pumpi nate bangin khatlekhat a kizom ciat ihi hi.

ROM (Romans) 6:22

Ahi zongin tu-in mawhna bawlnopna panin suakta-in Pasianʼ khut sung mi na hi ta uh hi. Tua thu hangin na ngah uh na pen Pasian adingin a kipia khin nuntakna hi a, a tawntung nuntakna tawh a kizom ahi hi.

ROM (Romans) 7:4

Sanggamte aw, note zong tua mah tawh a kibang na hi uh hi. Khris tawh pum khat na hihna uh hangin thukham tawh kisai thu ah a si khin na hi uh a, Pasianʼ nasepna ah eite a man nei i suah theih nadingin sihna panin a kithokiksak Khris tawh nupa na hi uh hi.

1 KORIN MASA 10:16

Nekkhawm bawlna ah leenggahzu hangin Pasian tungah lungdamna ko-in i dawn ciangin Khris sisan hangin thuphate eite in zong a ngahkhawm cihna hi lo ahi hiam? I balnen anlum i nek ciangin zong Khris pumpi hangin thuphate mah a ngahkhawm cihna hi lo ahi hiam?

1 KORIN MASA 12:12

Pumpi pen khat bek hi napi-in na a tuamtuam a nei hi. Pumpi in na a tuamtuam tampi a neih hangin pumpi khat bek mah ahih veve mah bangin Khris zong pumpi na a tuamtuam a nei pumpi khat ahi hi.

1 KORIN MASA 12:27

Tu-in note khempeuh pen Khris pumpi na hi uh a, na vekpi-un a pumpi na khat ciat na hi uh hi.

2 KORIN NIHNA 13:8

Bang hang hiam cih leh kote pen thuman nasepna a khaktan thei dingte hi loin a khan nadingin nasemte ka hi uh hi.

2 KORIN NIHNA 9:10

Tua ahih manin vawh ding khaici le nek ding an hong pia Pasian in noteʼ cit piakna hangin nopsakna lian tampi na ngah theih nadingun note tungah a kisam khaici hong guanin a pungsak ding hi.

Galati 5:22

Ahi zongin Kha Siangthoʼ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

Efesa 5:9

Bang hang hiam cih leh khuavak sunga omna in a hoih, a man, a thutakte hong piangsak hi.

Filippi 1:11

Jesu Khris in note mihoih a hong suahsak theihna le mite in Pasian pahtawi-in a phat theihna thu, noteʼ gamtat hoih in midangte tungah kilangsak ding hi.

Filippi 4:13

Khris in a hong piak vangliatna tawh hihte khempeuh nawk zawh nading thahatna a nei ka hi hi.

Filippi 4:17

Note tung panin na tampi ka ngah nop man hi lo a, noteʼ hamphatna a kibehlap nading ka deihna hizaw hi.

Kolose 1:10

Tua bang hileh Topaʼ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasianʼ thu na theihna uh hong khang semsem ding hi.

Kolose 1:6

Note in Pasian hong hehpihna thu za-in, ahi bangbangin na theih hun uh a kipanin thupha na ngah uh bangin leitung midang khempeuh tungah zong lungdamna thu in thupha tunin, leitung khempeuh ah a kizel ahi hi.

Jeim 1:17

A hoih thu le na khempeuh, Pasian kiang panin hong pai hi a, vantung khuavak a Piangsak pa ahih manin amah kikheel ngei lo a, amah a kihei manin khua zong mial tuan lo hi.

1 PETER MASA 2:4

Mite in bangmahin kimang lo hi, ci-in a nilkhiat hangin Pasian in a manpha hi, ci-in a teel, nuntakna a pia thei suangpi ahi Topa kiangah na pai un.

2 PETER NIHNA 3:18

Hehpihna thu le i Topa le Honpa Jesu Khris theihna thu ah na khangto semsem zaw un. Tu hun a kipanin a tawntungin amah in minthanna ngah paisuak tahen. Amen.