Johan 15:22 - Tedim Bible Revision 2017

²² Kei hong pai kei-in amaute tungah thu a gen lo hi leng amaute in mawh pua lo ding uh hi. Ahi zongin tu-in ahihleh a mawhna thu uh ah kiphel nading a paulap ding uh bangmah om nawn lo hi.

Tedim Bible

²² Kei hong pai loin amau kiangah thu hilh lo hi leng, amaute in mawhna a nei kei ding uh hi. Tu-in ahih leh, amau mawhna pan suahtak theih nading a nei kei uh hi.

Johan 15:22 Iomraidhean Croise

Ezekiel 2:5

Amaute in nangma thu hong mang a, hong mang kei zongin, amaute lakah kamsang khat a om khit lamtak thei ding uh hi.

Luka 12:46

tua nasem paʼ topa pen ama upmawh loh ni, a theih kholh loh hunin hong tung ding hi. A topa in nakpi takin amah gim pia dinga, a thumang lo mite tawh a kibangin a thuaksak khawm ding hi.

Johan 12:48

Kei hong nialin ka thugen a sang lo mite in thukhen ding khat nei uh hi. Nitawp ni ciangin keima thugente pen amauteʼ thukhen ding ahi hi.

Johan 15:23

Kei hong mudahte in ka Pa zong a mudah ahi hi.

Johan 15:24

Kuamah in a bawl ngei loh nalamdangte amaute lakah a bawl lo hi leng amaute in mawh pua lo ding uh hi. Ahi zongin amaute in ka nalamdang bawlte mu khin uh ahih manin kei le ka Pa a hong mudah khawm uh ahi hi.

Johan 16:9

Amaute in kei hong up loh manun a mawhna uh lak dinga,

Johan 19:11

Jesu in, “Pasian in nang tungah hong pia lo hileh kei tungah thu na nei het kei ding hi. Tua ahih manin nangma khut sungah kei hong apteʼ mawhna lian zaw hi,” ci-in a dawng hi.

Johan 9:41

Jesu in, “A mittaw hi le-uhcin mawhna tawh na kipelh ding uh hi. Ahi zongin khua mu thei ung, ci na hih manun na mawhna uh a ngei mahin a om lai ahi hi,” ci-in a dawng hi.

Sawltak 17:30

Pasian in mihingteʼ theih loh hun lai-a a gamtatnate uh phamawh a sak loh hangin, tu-in mun khempeuh a om mi khempeuhte a gamtat siatna panun a kihei nadingun thu a hong pia khinzo hi.

ROM (Romans) 1:20

Pasian in leitung a piansak cil a kipanin a kimu thei lo ama pianzia ahi tawntung vanglian pa le Pasian ahihna thute ama bawl sa nate tung panin teltakin hong kilang hi. Tua ahih manin, “Thei kei ing,” ci-in paulap a zon theih nading uh om lo hi.

ROM (Romans) 2:1

Tua ahih ciangin midangteʼ thu a khen note pen kuakua hi ta le-uhcin na suakta tuan kei ding uh hi. Midangte na mawhsakna uh thute mah note zong gamta veve na hih manun, no zong a mawh mah na hi uh hi.

Jeim 4:17

A hoih a manin gamtat ding thei napi-in a gamta lote a mawh ahi hi.

1 PETER MASA 2:16

Sila ahi lo mi bangin gamta unla, ahi zongin gitloh gamtat nadingin na suahtakna uh zang loin Pasianʼ sila bangin na gamta zaw un.