Johan 15:11 - Tedim Bible Revision 2017

¹¹ Note hangin kei ka lungdam theih nading le noteʼ lungdamna a cingtaak a suah theih nadingin hih thute a hong gen ka hi hi.

Tedim Bible

¹¹ Note sungah ka lungdamna om a, note lungdamna a kicin’ nadingin hih thute note kiangah kong gen zo hi.”

Johan 15:11 Iomraidhean Croise

Isaiah 53:11

Amah in a gimna thaman mu-in a lungdam ding hi. A mawk thuak ahih lohna thei-in a thuman ka nasem pa in mi tampi tak a dik suaksak dinga, amah in amauteʼ mawhnate pua ding hi.

Isaiah 62:4

Nang pen a kinusia, hong kici nawn lo dinga, na leitang pen Gamkhing, kici nawn lo ding hi. Nang pen ama tungah ka lungkimna om, hong kici dinga, na leitang pen a Kiteen pih, kici ding hi. Bang hang hiam cih leh nang tungah Topa lungkim a, na leitang pen a kiteen pih zi tawh kibang ding hi.

Jeremiah 32:41

Amaute tungah hoihna ka bawl manin ka lungdam dinga, ka lungsim khempeuh tawh thuman takin hih gamah amaute ka phut ding hi.

Jeremiah 33:9

Jerusalem khuapi pen kei adingin lungdamna, minphatna le minthanna ahi hi. A sunga om mite tungah hoihna le hauhna ka tunsakna thu a za minam dangte lau-in a liing ding uh hi.

Zefaniah 3:17

Topa na Pasian un note hong ompih a, ama vangliatna in hong gualzosak hi. Note tungah Topa lungkim dinga, ama hong itna tawh hong thakbawl ding hi. Noteʼ hangin Topa lungdamin la sa dinga,

Luka 15:23

Tua ciangin i bawng no limci pen hong go unla, lungdam pawi bawl ni.

Luka 15:32

Tu-in na naupa a si sa hong hingkik a, a mang sa hong tungkik ahih manin lungdamin pawi i bawl ding ahi hi,’ ci-in a pa in a dawng hi,” a ci hi.

Luka 15:5

A muh ciangin lungdam mahmah in a liangko ah pua-in ciahpih ding hi.

Luka 15:9

A muh ciangin a lawmte le a veengte samin amaute kiangah, ‘Ka sum mansuah sa mukik ka hih manin ka nuam mahmah hi. Lungdamna pawi bawl ni,’ ci ding hi.

Johan 16:24

Tu ni ciang dong keima min suangin bangmah na ngen nai kei uh hi. Tua ahih manin ngen le-uhcin hong kipia ding ahih manin na lungdamna uh hong cingtaak ding hi.

Johan 16:33

Keimah tawh na hong kipawlna uh hangin lungnopna na neih theih nadingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Johan 17:13

Tu-in nangma kiangah a hong pai ta ding ka hih manin keimah bangin amaute in lungdamna cingtaak a neih theih nadingun leitungah ka om lai-in hih thute a gen ka hi hi.

Johan 3:29

Mo pen zi nei ding tangvalpa ading bek ahi hi. Zineipa kiangah a ding a lawmpa in ama kampau ding bek ngai a, ama awging a zak ciangin nuam mahmah hi. Tua mah bangin tu-in ama hangin ka nuam a, keima lungdamna kicing ta hi.

ROM (Romans) 15:13

Kha Siangthoʼ huhna tawh noteʼ lametna a khan semsem theih nadingin, lametna a hong pia thei Pasian in, amah na upna uh hangin lungdamna le nopsakna tawh note hong kidimsak tahen.

2 KORIN NIHNA 1:24

Hih bangin um un, ci-in thatang hat thu tawh a hong gen ding ka hi kei uh hi. Note na upna uh ah kip khin na hih manun noteʼ lungdam nadingin note tawh na a sem khawm ka hi uh hi.

Efesa 5:18

Zu in mi siasak thei ahih manin zu ne kei unla, Kha Siangtho tawh a kidimin om zaw un.

Filippi 1:25

Hih thu a hoih pen ding hi, ci-in thei tel ka hih manin noteʼ khantoh nading le upna hangin na lungdamna uh a khangsak dingin note ka hong hin pih lai ding hi.

1 THESALONIKA MASA 5:16

Lungdam tawntungin,

1 PETER MASA 1:8

Amah mu ngei lo napi-in na it uh a, amah mu ngei lo napi-in a thu umin kam a gen zawh loh zah dongin nakpi takin na lungdam uh hi.

1 JOHAN MASA 1:4

Koteʼ lungdamna a cingtaak theih nadingin hih lai a hong gelh ka hi uh hi.

2 JOHAN NIHNA 1:12

Gen ding tampi ka neih lai hangin lai-in hong gelh lo zaw-in, eiteʼ lungdamna a kicin zawk theih nadingin kei hong pai-in khatlekhat maitang kimu-in thu gen khawm dingin ka kingaihsun hi.