Johan 13:8 - Tedim Bible Revision 2017

⁸ Peter in, “Nang peuhmah ka khe ka hong silsak ngei buang kei ding hi,” a cih ciangin, “Na khe hong silsak kei leng, kei tawh na kipawl thei nawn kei ding hi,” a ci hi.

Tedim Bible

⁸ Piter in “Ka khe cikmah hunin na sil kei ding hi,” a cih ciangin Zeisu in, “Nang kong sil kei leh, kei tawh na kipawl thei kei ding hi,” ci-in a gen hi.

Johan 13:8 Iomraidhean Croise

Piancilna 42:38

Ahih hangin amah in, “A sanggampa si a, amah bek om ahih manin ka tapa in note hong zui suk lo ding hi. Noteʼ pai nading na khualzinna uh ah ama tungah siatna tung kha zenzen leh, khangham khit nungin dah lua-in ka si ding hi,” a ci hi.

2 SAMUEL NIHNA 20:1

Tu-in tua lai ah Benjamin mi, Bikhriʼ tapa Sheba min nei, mi ginalo khat hong om kha hi. Amah in peengkul tumin, “Davidʼ sungah tanh i nei kei a, Jessiʼ tapaʼ sungah gamh i nei kei hi; na inn ciat uh ah ciah un, Israel-te aw,” a ci hi.

1 KUMPI MASATE 12:16

Kumpipa in amauʼ thu a ngaih lohna Israel-te khempeuh in a muh uh ciangin mite in kumpipa dawng uh a, “David sungah kote in bang ngah nei ka hi uh hiam? Jessi tapa sungah gamhluah ka nei kei uh hi. Israel-te aw, na inn ciat uh ah ciah un. Rehoboam in ama ading vaihawm tawm tahen,” a ci uh hi. Tua ahih ciangin Israel-te a inn ciat uh ah kihem uh hi.

Late 51:2

Ka khialhna panin hong silsiang kiuhkeuh inla, ka mawhna panin kei hong siangsak in.

Late 51:7

Puknah tawh hong nul in; kei ka siang ding hi. Hong sil in; vuk sangin ka ngo zaw ding hi.

Ezekiel 36:25

Note tungah tui siangtho kong theh dinga, na milim biakna uh le note hong ninsak na dang khempeuh panin kong siangsak ding hi.

Zekhariah 13:1

“Tua ni hong tun ciangin Davidʼ suanlekhakte le Jerusalem khua miteʼ mawhna le nitna teng khempeuh a silsiang dingin tuinak khat hong phul ding hi.

Mattiu 16:22

Tua ciangin Peter in Jesu paikhiatpih a, “Topa aw, hih bangin Pasian in piangsak kei hen. Nang tungah hih bang piang thei ngei peuhmah lo ding hi,” ci-in a taii bawl hi.

Mattiu 21:29

amah in, ‘Kuan nuam kei ing,’ ci napi-in a lungsim kikheelin a kuankik hi.

Mattiu 26:33

Peter in, “A dang khempeuh in hong taisan zongin keʼn kong nusia ngei kei ding hi,” a ci hi.

Mattiu 26:35

Ahi zongin Peter in, “Nang tawh sih khawm nading ciang dong ahi zongin kong nial ngei het kei ding hi,” a ci veve hi. Tua mah bangin nungzui dang khempeuh in zong a ci ciat uh hi.

Johan 13:6

Simon Peterʼ khe silsak dingin a kipat ciangin Peter in, “Topa aw, ka khe hong silsak zenzen ding na hi hiam?” a na ci hi.

Johan 13:9

Tua ciangin Simon Peter in, “Topa aw, tua bang ahihleh ka khe bek hong silsak kei inla, ka khutte le ka lu zong hong silsak in,” a na ci leuleu hi.

Johan 3:5

Jesu in, “A mantakin kong genin ah, mi khatpeuh tui le Kha Siangtho tawh a suahkik kei leh Pasianʼ Ukna sungah lut thei lo ding hi.

Sawltak 22:16

Tu-in bang ngak lai ding na hi hiam? Tho inla, Pasian kiangah thu ngenin kituiphum inla, na mawhnate silsiangsak in,’ hong ci hi.

1 KORIN MASA 6:11

Note pawl khat, tua bangin na gamta uh hi. Ahi zongin note pen i Topa Jesu Khris le i Pasianʼ Kha Siangtho hangin mawhna panin a hong kisiangsak khin sa, Pasianʼ tungah a kipia sa, Pasian tawh a kipawl sa mite na hi uh hi.

Efesa 5:26

Pawlpi pen paubaanna a om het lo, a siangtho mahmah in Khris kiangah a kipiak theih nadingin Pasian thu tawh tui ah a silsiang khit ciangin Pasian kiangah a ap theih nadingin pawlpi adingin Khris a kipia ahi hi.

Thu-hilhkikna 12:12

Topa na Pasian uh mai ah note le na tapate uh le na tanute uh, na nasem numeite uh le na nasem pasalte uh le noteʼ neih bangin tanh ahi a, luah ahi zongin a nei lo na khua sung uh a om Levi mite tawh lungdam khawm un.

Kolose 2:18

Maang a muhna hangun a thupi diakin kingaihsunin, a kilawm lo zah dongin kiniamkhiat nading le vantung mite biak ding a hong hanthawn miteʼ khem sa-in ta kei un. Tua bang mite pen amauʼ ngaihsut tawmna tawh a kihisak mawk hi a,

Kolose 2:23

Hih bang gamtatnate pen a tungtham in i et ciangin limtakin biaknopna lungsim a piangsak ding, kiniamkhiatna a piangsak ding, pumpi ki-uk zawhna a piangsak ding tawh kibang hi. Ahi zongin a taktakin hihte khat beek in pumpi ki-uk zawhna piangsak zo lo hi.

Titu 3:5

amah in eite hong hon khia hi. Eite in na hoih i sep zawhna hangin hong hon khia hi loin eite tungah suahtakna le nuntakna thak a hong pia Kha Siangtho in hong sawp siangna hangin a hong hehpihna tawh a hong hon khia ahi hi.

Hebru 10:22

Tua ahih manin mawhna thu ah kisuanna lungsim om nawn loin, tui siangtho tawh i pumpi a kisawp sa-in muanna le lungsim takpi tawh Pasian kiang zuan ni.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesu Khris kiang panin note tungah hehpihna le nopsakna thupha hong tung tahen. Tua Jesu Khris in eite hong it a, ama sihna tawh i mawhna panin eite hong suaktasak a,

Mangmuhna 7:14

“Ka thei kei hi, topa aw. Nangmah in na thei zaw ding hi,” ka ci hi. Tua ciangin amah in keima kiangah, “Hih mite pen bawlsiatna lianpi thuakin a hong suakta mite ahi uh hi. Amaute in a puan uh sawp siangin Tuuno sisan tawh a paaksak uh ahi hi.