Johan 13:34 - Tedim Bible Revision 2017

³⁴ Note tungah ka hong piak thak thu in: Note khatlekhat na ki-it ding uh ahi hi. Note ka hong it mah bangin note khatlekhat na ki-it un.

Tedim Bible

³⁴ Thupiakna thak kong pia hi: Note khat leh khat na ki-it un la, keimah in note kong it mah bangin khat leh khat na ki-it un.

Johan 13:34 Iomraidhean Croise

Late 119:63

Kei pen, na thuhilhte a zui, nangmah a hong zahtakte tawh a kikhawl pa ka hi hi.

Late 16:3

Leitungah a om mi siangthote ahihleh, amaute nampi hi a, amaute sungah ka lungkimna teng om hi.

Siampi Laibu 19:18

Note in nomauʼ mipihte tungah phu la loin, amau na lungsim neih kei ding uh a, nomau na ki-it uh bangin na veengte uh na it ding uh hi; kei pen Topa ka hi hi.

Siampi Laibu 19:34

Note lakah a hong peem khualmite tualsung mi mah bangin na ngaihsun ding uh a, nomau mah bangin amaute na it ding uh hi; bang hang hiam cih leh note pen Egypt gam sungah khualmi na hi ngei uh hi; kei pen Topa na Pasian uh ka hi hi.

Mattiu 5:44

Ahi zongin keʼn note kiangah kong genin ah: Na galte uh na it unla, no hong bawlsiate adingin thu na ngetsak un.

Johan 15:17

Tua hi a, note kong thupiak in: Khatlekhat na ki-it un, cihna ahi hi.

Johan 17:21

Pa aw, amaute khempeuh pum khat a suah theih nadingun ka hong ngetsak hi. Nangmah in kei na hong sawlna thu leitung mite in a up theih nadingun ei tegel pawl khat ihih mah bangin amaute zong eite tawh pawl khat hong hi tahen.

ROM (Romans) 12:10

Unau ki-itna lungsim nei unla, khatlekhat kizahtak bawl ding lamsang kidem un.

ROM (Romans) 13:10

Midangte a it mi peuhmah in amaute tungah siatna bawl het lo ahih manin itna i neih ciangin Thukham buppi a zui khinta ihi hi.

ROM (Romans) 13:8

Khatlekhat ki-it ding cih loh buang, kuama tungah leiba nei kei un. Midang a itte in Thukham deihna teng a zui khin ahi hi.

Galati 5:22

Ahi zongin Kha Siangthoʼ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

Galati 5:6

Bang hang hiam cih leh Jesu Khris tawh i kipawl ciangin vun atna le vun at lohna a thupi tuan om lo a, Khris i upna hangin midangte i itna a thupi hi bek hi.

Galati 6:10

Tua ahih ciangin hunhoih i ngah simin midangte tungah a hoihin i gamta dinga, a diakdiakin thu upna sungah i innkuanpihte khempeuh tungah i hoih gamtat ding i phawk ding hi.

Galati 6:2

Thuhaksa na tuah uh ciangin khatlekhat na kihuh un. Tua hileh Khrisʼ thukham a zui na hi uh hi.

Efesa 5:2

Khris in eite a hong it manin Pasian in eiteʼ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

1 THESALONIKA MASA 3:12

Kote in note ka hong it zahun, note khatlekhat na ki-itna uh le mi khempeuh na itna uh, hong liansak semsem tahen.

2 THESALONIKA NIHNA 1:3

Sanggamte aw, noteʼ upna nakpi takin khang a, note khatlekhat na ki-itna uh lian semsem ahih manin Pasian tungah lungdamna koh ding a kilawm ahih mah bangin, note hangin ama tungah lungdamna ka ko tawntung uh hi.

Hebru 13:1

Khris sungah unau bangin na ki-itna uh na zomsuak un.

Jeim 2:8

Lai Siangtho sungah, “Nangmah na ki-it bangin na veengte na it in,” ci-in a genna Topaʼ Thukham zui le-uhcin a hoih hi pah hi.

1 PETER MASA 1:22

Tu-in lungdamna thuman na zuihna hangun note kisiansuah khinin, na thu up pih mite uh lungsim tak tawh it thei khinta na hih manun na lungsim khempeuh uh tawh limtakin na ki-it un.

2 PETER NIHNA 1:7

Pasianʼ deih bangin na gamtatna uh sanggam ki-itna tawh na behlap un; na sanggam ki-itna uh itna thukpi tawh na behlap zawh nadingun na hanciam un.

1 JOHAN MASA 3:11

A kipat cil a kipanin na zak tawntung uh thu pen khatlekhat i ki-it nading thu ahi hi.

1 JOHAN MASA 3:23

Ama hong thupiakna in: A Tapa Jesu Khris umin zui-in, Khrisʼ hong sawl bangin eite khatlekhat i ki-it ding ahi hi.

1 JOHAN MASA 4:21

Khris in eite tungah hong thupiakna in: Pasian a it mi in a Khristian mipihte zong it ding hi, cihna ahi hi.

2 JOHAN NIHNA 1:5

Tua ahih ciangin ka hong it tonu aw, ka hong thum nopna panin: Eite khempeuh khatlekhat ki-it ni, cihna ahi hi. Hih kong gen thu pen thu thak hi lo a, a kipat cil pek a kipanin i neihsa thupiakna ahi hi.