Johan 13:19 - Tedim Bible Revision 2017

¹⁹ Hih thu hong tun taktak ciangin, ‘Kei kua ka hihna,’ na hong theih nadingun a hun ma-in a hong ma gen ka hi hi.

Tedim Bible

¹⁹ Hih thute hong tun’ ciangin tua pa ka hih lam na theih nadingun, hong tun’ ma-in no kiangah kong genkhol hi.

Johan 13:19 Iomraidhean Croise

Isaiah 41:23

Note pen pasian-te na hihna uh ka theih nadingun tu khit ciangin a hong piang ding thute kote tungah hong gen un. Kote lungkia-in ka lau nadingun phatna ahi a, siatna ahi zongin khat peuhpeuh hong bawl dih un.

Isaiah 43:10

“Note pen keima teci na hi uh hi,” Topa in ci a, “Kei pen Amah ka hihna thu, nangmah in thei-in keimah nong up nading, nong theih tel nadingin kong teel sa ka nasem pa na hi hi. Keiʼ ma-in pasian om lo a, keiʼ khit ah zong kuamah om lo ding hi.

Isaiah 48:5

note in, “Ka milim un hihte bawl a, a kisui ka milim uh le a kisung ka milim un thu pia hi,” na cih theih loh nadingun tanglai a kipanin note tungah hih thute kong gen a, tuate hong pian ma-in note tungah kong zasak khol hi.

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawl khol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Mattiu 11:3

“Nang pen a hong pai ding pa na hi hiam, tua ahih kei leh a dang na lamen lai ding ka hi uh hiam?” ci-in a dongsak hi.

Mattiu 24:25

A hun ma-in hong gen khol khin ka hih manin limtakin kidawm un.

Luka 21:13

Hih hunsung pen note in Lungdamna Thu na gen theih nading uh hunhoih ahi hi.

Johan 1:15

Johan in ama thu gen a, “Keima nungah hong pai hi napi-in keima suah ma-in amah om khin ahih manin kei sangin amah lian zaw hi,” ci-in ka gen pa pen hih pa ahi hi, ci-in a kiko hi.

Johan 14:29

A thu hong pian taktak ciangin ka thugente na up theih nadingun a pian ma-in a hong gen khol ka hi hi.

Johan 16:4

Hih bangin a hong gamtat hun uh hong tun ciangin kong gen thute na phawk theih nadingun a hong gen khol ka hi hi. “Note tawh hong om khawm ngawn ka hih manin a kipat tuung lamin hih thute kong gen kei hi.

Johan 4:26

Jesu in, “Tu-a nang tawh a kiho keimah pen tua na gen pa ka hi hi,” a ci hi.

Johan 8:28

Tua ahih manin Jesu in, “Mihing Tapa na khai khit uh ciangin ‘Kei kua ka hi hiam?’ cih thu na hong thei ding uh hi. Tua hun ciangin keiʼ thu bek tawh bangmah hih loin, ka Paʼ hong hilh sa teng bek a gen ka hihna thu na thei ding uh hi.

Johan 8:58

Jesu in, “A taktakin ci lehang, Abraham a pian ma-in kei ka om khin hi,” ci-in a dawng hi.