Johan 13:15 - Tedim Bible Revision 2017

¹⁵ Note tungah ka hong gamtat bangin note na gamtat theih nadingun a lim a hong lak ka hi hi.

Tedim Bible

¹⁵ Bang hang hiam na cih uh leh, keimah in note tungah ka hih bangin note in na hih nadingun lim kong lak hi.

Johan 13:15 Iomraidhean Croise

Mattiu 11:29

Keima hakkol zamin kisuan unla, kei kiangah hong kisin dih un. Kei pen kiniamkhiatin nem hithiat ka hih manin ka kiangah na tawl uh a dam ding hi.

ROM (Romans) 15:5

Note in lungsim kikhatin i Topa Jesu Khrisʼ Pa ahi Pasian na phatkhawm theih nadingun Pasian in thuak zawhna le thahatna hong pia henla, Jesu Khris deihna bangin gamta-in khatlekhat kithutuak takin hong omsak tahen.

Efesa 5:2

Khris in eite a hong it manin Pasian in eiteʼ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

1 PETER MASA 2:21

Khris mahmah in zong note adingin thuakin, ama khekhap na zuih theih nadingun etteh ding lim hong nusiat ahih manin hih bangin a thuak ding mahin Pasian in note a hong sam ahi hi.

1 PETER MASA 5:3

Noteʼ kep dingin a hong kipia tuute, aana neihna tawh a cing hi loin tuuteʼ etteh dingin a gamtate na hi un.

1 JOHAN MASA 2:6

Pasian tawh ka kipawl hi, a ci mi khempeuh, Jesu Khris a gamtat bangin a gamtat ding ahi hi.