Johan 13:13 - Tedim Bible Revision 2017

¹³ Note in kei pen Siapa le Topa, na hong ci uh hi. Na hong cih uh mah bangin a man ka hi hi.

Tedim Bible

¹³ Note in keimah ‘Sia’ leh ‘Topa’ nong ci uh hi. Tua thu aman hi, nong cih uh bangin ka hi hi.

Johan 13:13 Iomraidhean Croise

Jeremiah 1:12

Tua ciangin Topa in, “Na man hi; bang hang hiam cih leh ka thugente ka tangtunsak nadingin kei zong ka ngak hi,” hong ci hi.

Mattiu 20:28

Mihing Tapa zong nasem nei dingin hong pai hi loin midangte ading na semin, mi tampi tat nading a si dingin a hong pai ahih mah bangin note zong a tua ci ding na hi uh hi,” a ci hi.

Luka 10:28

Tua ciangin Jesu in, “Na dawnna man mahmah hi. Tua bangin gamta lecin nuntak tawntungna na ngah ding hi,” a ci hi.

Luka 6:46

“Bang hangin, ‘Topa aw, Topa aw,’ hong ci napi-in ka hong gente zui lo na hi uh hiam?

Luka 7:43

Simon in, “Leiba tam a maisakna pa in it zaw dingin ka um hi,” ci-in a dawn ciangin Jesu in, “Na genna man mahmah hi,” a ci hi.

Johan 11:2

Mary i cih pen Jesu sathau nuhin a sam tawh a nulsak nu hi a, Lazaras pen ama u ahi hi.

Johan 11:28

Tua khit ciangin Martha a inn ah va tai-in a naunu Mary va huausim a, “Siapa hong pai a, nang hong sam hi,” a ci hi.

Johan 11:3

Tua ahih manin a nau numei tegel in Jesu kiangah, “Topa aw, na it mipa a ci na hi,” ci-in thu a zasak uh hi.

1 KORIN MASA 12:3

Tua ahih manin Kha Siangtho in lam a lah mite in, “Jesu in samsiatna ngah tahen,” a cih lohna le Kha Siangtho in lamlak kei leh kuamah in, “Jesu pen Topa hi,” a cih theih loh nading thu na theih ding uh ahi hi.

1 KORIN MASA 8:6

eite adingin Pasian khat bek, Pa khat bek a om hi. Ama adingin i nuntakna pa, na khempeuh a piangsak pa ahi hi. Eite tungah nuntakna a hong pia, na khempeuh a piangsak Topa Jesu Khris khat bek a om hi.

Efesa 6:9

Tote aw, silate in note hong bawl mah bangin note in zong amaute limbawl unla, tawn gawpgawpnate zang nawn kei un. Note le na silate uh vantung panin To khat khutnuai ah a om na hihna uh le tua Topa in kuamah maitang zahtak tuam nei loin a kibangin mi khempeuh thu a khen ahihna thu na phawk ta un.

Filippi 2:11

Jesu Khris in Topa ahi hi, ci-in taangko-in Pa Pasian a min thangsak ding uh hi.

Filippi 3:8

Hih bang nate bek hi loin, ka Topa Jesu Khris ka theihna manpha zaw lua sa ka hih manin na dang khempeuh ka sum ngam zaw lai hi. Khris hangin na dang khempeuh ka nusia khin a, Khris tawh ka kipawl theih nadingin na dang khempeuh ninneng bang lelin ka ngaihsun hi.

Jeim 2:19

Pasian khat bek om hi, ci-in na um hi. Tua pen hoih mahmah hi. Dawite nangawn in zong tua bangin umin lau-in liing deldel uh hi.