Johan 12:16 - Tedim Bible Revision 2017

¹⁶ Tua hun laitakin a nungzuite in hih thu a khiatna thei lo uh hi. Ahi zongin Pasianʼ pianzia nei-in Jesu a thawhkik khit ciangin Lai Siangtho in amah a gen ahihna le ama adingin hih bangin a piang ahihna thu a nung phawk uh hi.

Tedim Bible

¹⁶ Tua thute a cilin a nungzuite in a theih loh uh hangin, Zeisu in minthan’na a ngah khit ciangin Topa thu tua bangin kigelh a, ama tungah tua bangin a bawl ding hi a cihna thu a phawk uh hi.

Johan 12:16 Iomraidhean Croise

Marka 16:19

(Tua bangin Topa Jesu in amaute tungah thu a gen khit ciangin vantungah kila to-in Pasianʼ tak lamah a tu hi.

Marka 9:32

A nungzuite in hih ama thuhilhna thei lo uh a, ahi zongin amah dong ngam lo uh hi.

Luka 18:34

Ahi zongin nungzuite in hih ama thugente tel zo lo uh hi. Amauteʼ tel zawh loh dingin kihem gen ahih manin, Jesuʼ gente bang a cihnopna ahi hiam, ci-in a thei kei uh hi.

Luka 24:25

Tua ciangin Jesu in amau tegel kiangah, “Bangzah takin hai a, bang dingin kamsangteʼ thugen um thei lo na hi uh hiam?

Luka 24:45

Tua ciangin Lai Siangtho sung thu a theih nadingun a lungsim uh honsak a,

Luka 9:45

Ahi zongin amaute in a cihnopna thei lo uh hi. Amaute in a theih tel loh nading mahun a kibawl hi a, bang a cihnopna hiam, ci-in Jesu kiangah lah a dong ngam kei uh hi.

Johan 12:23

Tua ciangin Jesu in, “Mihing Tapa in Pasianʼ pianzia a ngah ding hun hong tung ta hi.

Johan 14:26

Ahi zongin Pa in keima tangin a hong sawl ding Huhpa Kha Siangtho a hong tun ciangin note tungah thu khempeuh hong hilh dinga, note tungah ka hong gen sa thu khempeuh zong hong phawksakkik ding hi.

Johan 16:4

Hih bangin a hong gamtat hun uh hong tun ciangin kong gen thute na phawk theih nadingun a hong gen khol ka hi hi. “Note tawh hong om khawm ngawn ka hih manin a kipat tuung lamin hih thute kong gen kei hi.

Johan 17:5

Pa aw, leitung a kipiansak ma-in nang tawh i neihkhawm na pianzia mah tu-in nangma omna munah hong pia ta in.

Johan 2:22

Tua ahih manin sihna panin amah a kithawhkiksak ciangin a nungzuite in Jesuʼ thugen phawkkik uh a, Lai Siangtho le Jesuʼ thugente a um uh hi.

Johan 7:39

Jesu in hih bang a gen ciangin amah a umte in a ngah ding Kha Siangtho thu a genna hi a, tua hun laitakin Pasianʼ pianzia nei-in sihna panin Jesu kithokiksak nai lo ahih manin Kha Siangtho kipia khia nai lo hi.

Sawltak 2:33

Amah in Pasianʼ tak lamah omna dongin liatna ngah a, ama tungah Pasian in a ciam sa Kha Siangtho zong a ngah khin hi. Tu laitak a na muh na zak uh nate pen kote tungah a hong piak tua Kha Siangtho ahi hi.

Sawltak 2:36

“Tua ahih ciangin singlamteh tungah na thah uh hih Jesu pen Pasian in Topa le Khris in a bawl khitna thu, Israel mi khempeuh in teltakin thei ta un,” a ci hi.

Sawltak 3:13

I pupite Abrahamʼ Pasian, Isaacʼ Pasian le Jakobʼ Pasian in a nasem Jesu tungah ama vangliatna a pia hi. Note in aana neite khut sungah tua Jesu na pia uh a, Pilat mangpa in amah khah dingin a ngaihsut khit nangawnin Pilatʼ maitang mahah amah na nial teitei uh hi.

Hebru 12:2

Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.

Hebru 8:1

Tu-in i gen nop thu pen hih bang ahi hi: Vantungah Pasianʼ tokhom tak lamah a tu tua bang Siampi Lianpen khat a nei ihi hi.