Johan 12:13 - Tedim Bible Revision 2017

¹³ Tua ahih manin amah a dawn dingin Jerusalem panin mihonpi pai khia-in nisuh hiangte tawi kawmin, “Pasian phat un! Pasian in Topaʼ min tawh hong pai pa thupha pia tahen! Pasian in Israel Kumpipa thupha pia tahen!” ci-in a kiko uh hi.

Tedim Bible

¹³ Tua ciangin nisuh hiang tawi-in Topa dawn dingin a paikhia uh a, “Hosanna, Pasian’ min tawh hong pai Israel Kumpipa in, Thupha ngah ta hen!” ci-in a kiko uh hi.

Johan 12:13 Iomraidhean Croise

Isaiah 44:6

Topa, Israel Kumpipa le amah Tan pa, Vanglian Topa in hih bangin gen a, “Kei pen a masa pen le a nunung pen ka hi hi. Kei sim loh pasian dang om lo hi.

Hosea 3:5

Tua khit ciangin Israel mite in Topa amauʼ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

Siampi Laibu 23:40

Note in a ni masa ni-in singkung hoih gahte, nisuh hiangte, a teh tam singhiangpite le lui a gialhekte la-in, Topa na Pasian uh pahtawina, ni sagih sung pawi na bawl ding uh hi.

Zefaniah 3:15

Topa in na galte hong phiatkhiatsak khin a, hong langpang khempeuh hong hawl khiatsak khin hi. Topa ahi Israel kumpipa nang tawh hong om a, na launa ding bangmah om nawn lo hi.

Mattiu 23:39

Nang kiangah kong genin ah: ‘Topaʼ min tawh a hong pai mipa in thupha ngah tahen,’ na cih hun hong tun matengin kei nong mu nawn kei ding hi,” a ci hi.

Mattiu 27:42

“Amah in midangte hon khia thei napi-in a mahmah kihon khia thei lo hi. Amah, Israel miteʼ Kumpi ahi hi. Tu-in singlamteh tung panin hong kum suk leh i um ding hi.

Johan 1:49

Tua ciangin Nethanel in, “Sia aw, nang, Pasianʼ Tapa na hi hi. Israel miteʼ Kumpi zong na hi hi,” a cih ciangin

Johan 12:14

Lai Siangtho sungah, “Zion khua mite aw, lau kei un. En un, na kumpipa uh hong pai a, la no tungah hong tuang hi,” ci-in a kigelh mah bangin Jesu in la no khat mu ahih manin tua la no tungah a tuang hi.

Johan 19:15

amaute in, “That in, that in, singlamteh tungah that in,” ci-in a kiko uh hi. Pilat in, “Na Kumpipa uh that mawk ding ka hi hiam?” a cih ciangin siampi liante in, “Rom gam khempeuh a uk Kumpipa sim loh kumpi dang ka nei kei uh hi,” ci-in a dawng uh hi.

Mangmuhna 15:3

Amaute in Pasianʼ nasem Moses la le Tuuno la sa uh a, “A Vanglian Topa Pasian aw, na nasepnate lamdangin lian mahmah hi. Khang tawntung a Kumpipa aw, na nasepnate ah thumanin na thutang hi.

Mangmuhna 19:16

A puan tung le a phei tungah, “Kumpiteʼ Kumpi, topateʼ Topa,” ci-in a min kigelh hi.

Mangmuhna 7:9

Tua khit ciangin ka khuadak leh mi namkim, pau namkim panin kuama sim zawh loh dingin a tam mahmah mihonpite, tokhom mai le Tuuno mai ah ding uh a, puan pak silhin a khut uh ah nisuh hiang a tawi uh ka mu hi.