Johan 11:53 - Tedim Bible Revision 2017

⁵³ Tua ahih manin tua hun a kipanin Jesu a thah theih nadingun a vaihawm uh hi.

Tedim Bible

⁵³ Tua ahih ciangin tua ni-a kipan Zeisu a thah nadingun amaute kikumin a vaihawm uh hi.

Johan 11:53 Iomraidhean Croise

Piancilna 37:18

Amaute in gamlapi ah amah na mu uh a, amauteʼ nai ah amah hong tun ma-in amaute in amah thah ding na vaihawm uh hi.

Nehemiah 13:21

Ahi zongin amaute hilh kholin amaute kiangah, “Bang hangin kulh gei ah giak na hi uh hiam? Nong giahkik uh leh note tungah thu kong bawl ding hi,” ka ci hi. Tua hun a kipanin Sabbath ni-in amaute hong pai nawn lo uh hi.

Nehemiah 4:16

Tua hun a kipanin ka khutnuai-a om mite kim khat in na sem a, a kim khat in a teipite, a lumte le a thalte uh tawi-in sik puan silhin ding uh a, uliante in kulh a ciang Judah mi khempeuh uk uh hi.

Late 113:2

Topaʼ min in tu a kipanin thupha ngah tawntung tahen.

Late 2:2

Leitung kumpite le gam ukte in Topa le ama sathau nilh pa langpangin vaihawm uh a,

Late 31:13

Ka galteʼ kihuauna ka za a, ka kiim ka pam ah launa om hi. Kei hong langpangin amaute in vaihawm khawm a, thah dingin kei hong sawm uh hi.

Late 71:10

Bang hang hiam cih leh ka galte kihoho-in, keimah hong thahnopna thu kikumkum uh hi.

Jeremiah 38:15

Kei zong Zedekiah kiangah, “Thuman bangin hong gen leng kei nong that taktak ding hi. Ka ngaihsutna hong pia taleng zong nong mang nuam kei ding hi,” ka ci hi.

Jeremiah 38:4

Tua ciangin kumpipaʼ uliante in kumpipa kiangah, “Hih mipa i that lum ding hi. Bang hang hiam cih leh hih thute a gen manin hih khuapi sungah a om lai galkapte le mi khempeuhte lungkiasakin tha zawsak hi. Hih mipa in i gam miteʼ phattuam nading zong loin a gim ngah nading uh a zong zaw ahi hi,” a ci uh hi.

Mattiu 12:14

Ahi zongin Farisi mite paikhia uh a, Jesu a thah theih nading uh vai a hawm uh hi.

Mattiu 16:21

Tua hun a kipanin Jesu in a nungzuite kiangah, “Jerusalem khua ah ka pai ding hi. Upate, siampi liante le Thukham hilh siate tung panin gimna tampi ka thuak ding hi. Kei hong kithat dinga, ni thum ni-in hong kihingkiksak ding hi,” ci-in teltakin gen a kipan hi.

Mattiu 22:46

Kuamah in ama thudotna kam khat beek dawng thei lo uh hi. Tua hun a kipanin kuamah in Jesu kiangah thu a dong ngam nawn kei uh hi.

Mattiu 26:4

kuama theih lohin Jesu simmatin a thah theih nading uh a vaihawm uh hi.

Mattiu 26:59

Siampi liante le uliante in Jesu a thah theih nadingun zuau teci a pang ding mi a zong uh hi.

Marka 14:1

Paisan Pawi le Silngo Sawh loh Anlum Pawi a tun ma ni nih ni-in siampi liante le Thukham hilh siate in Jesu simmatin a thah theih nading uh lampi a zong uh hi.

Marka 3:6

Tua ahih ciangin kikhopna inn panin Farisi mite pai khia-in Herod pawlte kim khat tawh kikhopna nei pah uh a, Jesu a thah theih nading uh a vaihawm uh hi.

Johan 11:47

Tua ahih manin siampi liante le Farisi mite in thu vaihawm uliante tawh kikupna khat nei uh a, “Hih mipa in nalamdang tampi bawl ahih manin bang cih ding ihi hiam?

Johan 12:10

Lazarasʼ hangin Jew mi tampite in amauʼ makaite taisanin Jesu um uh ahih manin siampi liante in Lazaras zong thah a sawm uh hi.

Johan 7:1

Tua khit ciangin Galilee gam sungah Jesu zin kawikawi hi. Jerusalem khua-a om Jew mi uliante in amah that nuam uh ahih manin Judea gam sungah zin nuam nawn lo hi.

Sawltak 5:33

Uliante in hih thu a zak uh ciangin heh mahmah uh ahih manin sawltakte thah dingin a ngaihsun uh hi.

Sawltak 9:23

Tua zawh ni tampi khit ciangin Jew mite kikaikhawmin Saul thah sawm uh a,