Johan 11:51 - Tedim Bible Revision 2017

⁵¹ Hih bangin thu a gen ciangin ama lungsim a gen hi lo a, tua kumin siampi lianpen a sem ahihna tawh Jew miteʼ tangin Jesu a si ding ahihna thu a gen khol ahi hi.

Tedim Bible

⁵¹ Tua bang a cihna in ama ut thu gen ahi kei hi. Tua kumin amah siampi ukpa ahih ciangin, Zeisu in mite tangding a si ding tham loin,

Johan 11:51 Iomraidhean Croise

Paikhiatna 28:30

Thukhenna awmdal sungah Urim le Thummim na koih dinga, Topaʼ mai ah a pai ciangin Aaronʼ lungtang tungah tuate om ding hi. Tua bangin Aaron in ama lungtang tungah Israel miteʼ thukhenna Topaʼ mai ah pua tawntung ding hi.

Daniel 9:26

Tua hun a bei khit ciangin sathau kinilh pa thuman lopi-in a kithat ding hi. Galsim dingin a hong pai galkap maang lianpa in khuapi le biakinnpi a susia ding hi. A beina pen tuiciin tun bang hi dinga, a tawp dongin galdona le kisiatna vive ahi dingin Pasian in thu a khen zo hi.

Gamlak-vakna 22:28

Tua ciangin Topa in la pau theisak a, la in Balaam kiangah, “Thum vei dong nong sat nadingin nang bang hong cih ka hi hiam?” a ci hi.

Gamlak-vakna 24:2

Balaam khuadak a, a namnamin Israel-te in giahphual a sat a mu hi. Pasianʼ Kha ama tungah hong tunga,

Mattiu 20:28

Mihing Tapa zong nasem nei dingin hong pai hi loin midangte ading na semin, mi tampi tat nading a si dingin a hong pai ahih mah bangin note zong a tua ci ding na hi uh hi,” a ci hi.

Johan 11:49

Tua laitakin amaute sung panin tua kumin siampi lianpen a sem Kaiafas a kici mipa in, “Note in bangmah na thei kei uh hi.

Johan 18:13

tua kumin siampi lianpen a sem Kaiafasʼ sungpa Annas kiangah a paipih masa uh hi.

1 KORIN MASA 13:2

Thuhilh siamna nei-in, thusim khempeuh thei-in, na khempeuh thei-in, mualte kinsak zawh nading upna ka neih hangin itna ka neih kei leh ka kimanna bangmah om lo hi.

2 KORIN NIHNA 5:21

Khris tawh i kipawlna hangin eite zong Pasian tawh a kibangin midik i suah theih nadingin mawhna a nei lo Khris pen eiteʼ tang dingin Pasian in mawhnei mi a suaksak hi.

Galati 3:13

Lai Siangtho in, “Sing tungah a kikhai mi peuhmah Pasianʼ samsiat mi ahi hi,” na ci ahih manin eite adingin Khris in samsiatna a thuak manin Thukham zuih lahna hangin samsiatna panin eite a hong tan khia ahi hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khris mahmah in eiteʼ mawhna ama pumpi mahmah tawh singlamteh tungah a pua hi. B

1 PETER MASA 3:18

Khris mahmah zong note adingin si a, Pasianʼ kiangah hong tunpih theih nadingin mihoih khat pen mihoih loteʼ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

1 JOHAN MASA 2:2

Tua Jesu hangin eiteʼ mawhna hong kimaisak a, eite ading bek hi loin leitung mi khempeuhʼ mawhna zong a mai nading ahi hi.

1 SAMUEL MASA 23:9

Saul in ama tungah a sia a sawmna David in thei hi. Amah in a siampi Abiathar kiangah, “Hih lai ah siampi puan hong paipih in,” a ci hi.

1 SAMUEL MASA 28:6

Saul in Topa tungah thu a dot ciangin, Topa in mang tawh hitaleh, Urim tawh hitaleh, kamsangte tawh hitaleh dawng lo hi.