Johan 11:40 - Tedim Bible Revision 2017

⁴⁰ Jesu in, “Na up nakleh Pasianʼ vangliatna na mu ding hi, ci-in hong gen khin hi lo ka hi hiam?” a ci hi.

Tedim Bible

⁴⁰ Zeisu in, “Nang na up leh, Pasian’ minthan’na na mu ding hi, hong ci zo hilo ka hi hiam?” a ci hi.

Johan 11:40 Iomraidhean Croise

2 KHANG TANGTHU NIHNATE 20:20

Tua ciangin zingsangin amaute tho baihin Tekoa gamlak ah a paikhia uh hi. Amaute a paikhiat laitakin Jehoshafat dingin, “Judah gam le Jerusalem-a a teengte aw, ka thugen za un! Topa na Pasian uh um un; tua hileh note na kip ding uh hi. Ama kamsangte um un; tua hileh na maavang ding uh hi,” a ci hi.

Late 63:2

Tua ahih manin biakinn sungah nang mahmah le na vangliatna na minthannate kei hong musak in.

Late 90:16

Na nasemte tungah na nasepna, a tate uh tungah na minthanna, na vang hong kilangsak in.

Paikhiatna 16:7

Topaʼ tungah na phunna uh amah in za khin ahih manin zingsang ciangin Topaʼ vangliatna na mu ding uh hi. Bang hang hiam cih leh koteʼ tungah na phun uh, kote a bang hi mawk ka hi uh hiam?” a ci hi.

Mattiu 17:20

Jesu in, “Na upna uh a cingtaak lohna hang ahi hi. Ahi taktakin note kiangah kong genin ah: Ankam tang cia bang upna na neih nak uh leh, hih mual kiangah, ‘Hih lai panin hua lai ah kin in,’ ci le-uhcin kin khia ding hi. Na hih theih loh uh khat zong om lo ding hi.

Marka 9:23

Jesu in, “Bang hangin na hih theih leh, ci na hi hiam? A umte adingin na khempeuh hi thei hi lo ahi hiam?” a ci hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasianʼ pianzia a neihna ka mu cian uh hi. Hih pianzia pen Pasianʼ Tapa khat bek hihna tawh a neih pianzia ahi hi.

Johan 11:4

Ahi zongin Jesu in tua thu a zak ciangin, “Hih natna pen sih nading natna hi lo a, Pasianʼ Tapa in Pasianʼ pianzia a neihna mite in a theih nading le Pasian a phat theih nadingin a na ahi hi,” a ci hi.

Johan 12:41

Isaiah in Jesuʼ neih Pasianʼ pianzia mu ahih manin hih bangin thu a gen ahi hi.

Johan 9:3

Jesu in, “A mittawtna pen ama mawhna le a nu le a pateʼ mawhna hang hi lo a, ama tungah Pasianʼ vangliatna a kilat theih nadingin a mittaw ahi hi.

ROM (Romans) 6:4

I Paʼ vangliatna tawh sihna panin Khris a kithawhkiksak mah bangin eite zong nuntakna thak i nuntak theih nadingin tui i kiphum ciangin amah tawh kiphum khawmin a si khawm ihi hi.

2 KORIN NIHNA 3:18

Tua ahih manin eite khempeuh i maitang hong kiliah nawn loin Topaʼ minthanna vang taang i kilangsak hi. Topa kiang panin a hong pai Kha Siangtho ahi tua minthanna vang in amah tawh a kibang dingin eite hong bawl pha a, minthanna khat panin minthanna sang zaw ah hong omsak hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuʼ maitang a taangsak Pasianʼ vangliatna thu theih nading khuavak ka ngah theih nadingun kote lungsim sungah khuavak hong taangsak hi.