Johan 11:11 - Tedim Bible Revision 2017

¹¹ a nungzuite kiangah, “I lawmpa Lazaras ihmu zo hi. Ahi zongin amah a phong dingin ka pai ding hi,” a ci hi.

Tedim Bible

¹¹ Tua thu amah in gen a, tua nung ciangin Zeisu in, “I lawmpa Lazaras ihmu-in a om hi. A phong dingin ka pai ding hi,” a ci hi.

Johan 11:11 Iomraidhean Croise

2 KUMPI NIHNATE 4:31

Gehazi na mapai suakin naupangʼ maitang tungah a ciangkhut nga a, ahih hangin awging ahi a, nuntakna lim ahi zongin om lo hi. Tua ahih ciangin amah a dawn dingin hong kilehkikin ama kiangah, “Naupang khanglo nai lo hi,” a ci hi.

2 KHANG TANGTHU NIHNATE 20:7

Koteʼ Pasian aw, hih gamah a teeng mite na mi Israel-teʼ mai ah hawl khia-in, na lawmpa Abrahamʼ suanlekhakte tungah a tawntung dingin pia hi lo na hi hiam?

Paikhiatna 33:11

Tua bangin, mi khat in a lawmpa a hopih bangin maitang kituahin Topa in Moses hopih zel hi. Giahphual ah Moses a ciahkik ciangin, Nunʼ tapa, ama nasem tangval Joshua, puanbuk ah om lai hi.

Isaiah 41:8

Ahih hangin nang ka nasem pa Israel, ka lawm Abrahamʼ suanlekhak, ka hong teel sa Jakob aw,

Daniel 12:2

A si sa mi tampite in nuntakna a ngahkik ding uh hi. Pawl khatte nungta tawntung ding uh a, pawl khatte in a tawntung zumna le min siatna a ngah ding uh hi.

Mattiu 27:52

Hankhukte zong kihong a, Pasianʼ mi a si sa tampite zong kithokiksak hi.

Mattiu 9:24

“Na vekpi-un paikhia un. Hih numeino a si hi lo a, a ihmu bek ahi hi,” a ci hi. Ahi zongin amaute in Jesu zahpihin a nuihsan uh hi.

Marka 5:39

Amah sung tumin, “Bang hangin hici gamlum na hi uh hiam? Bang hangin kap na hi uh hiam? Numeino a si hi lo hi; a ihmu hi bek hi,” a ci hi.

Johan 11:10

Ahi zongin zan khuamial sungah lampai leh khuavak nei lo ahih manin puk thei hi,” a cih khit ciangin

Johan 11:12

Tua ciangin a nungzuite in, “Topa aw, amah ihmu ahihleh a nuamtuam hi ta ding hi,” a ci uh hi.

Johan 11:13

Jesu in amah si hi, a ci nuam hi napi-in, a nuamtuamin a ihmu hi, a ci-in a nungzuite in ngaihsun uh hi.

Johan 11:3

Tua ahih manin a nau numei tegel in Jesu kiangah, “Topa aw, na it mipa a ci na hi,” ci-in thu a zasak uh hi.

Johan 3:29

Mo pen zi nei ding tangvalpa ading bek ahi hi. Zineipa kiangah a ding a lawmpa in ama kampau ding bek ngai a, ama awging a zak ciangin nuam mahmah hi. Tua mah bangin tu-in ama hangin ka nuam a, keima lungdamna kicing ta hi.

Sawltak 7:60

Tua ciangin amah kunin nakpi takin kiko a, “Topa aw, hih miteʼ mawhna na maisak in,” a cih khit ciangin a si ta hi.

1 KORIN MASA 15:18

Khris thu a um, a si sa mite zong a mawkna mah hi lai ding hi.

1 KORIN MASA 15:34

Hoihtakin thu ngaihsun phakik unla, mawhna gamta nawn kei un. Note pawl khat in Pasian thei het lo na hih manun maizumhuai mahmah hi.

1 KORIN MASA 15:51

Kuamah kim in a theih loh thusim khat na ngai un. Eite khempeuh a si khin ding ihi kei a, thakhat thu-in a kikhel vat ding ihi hi.

Efesa 5:14

Tua ahih manin la sungah, “A ihmu mi aw, khanglo inla, sihna panin tho in. Tua hileh Khris in nang hong taan ding hi,” kici hi.

Thu-hilhkikna 31:16

Tua ciangin Topa in Moses kiangah, “En in, na pu na pate kiang a zuan ding na hi ta hi. Nang na om nawn loh ciangin hih mite pen na paina uh mite lakah a gam sung pasian-te uh tawh paktat ding uh a, amaute in kei hong nusia-in amaute tawh ka bawl ka thuciamna uh siasak ding uh hi.

1 THESALONIKA MASA 5:10

Amah a hong paikik ciangin a hing ihi a, a si ihi zongin amah tawh i om khawm theih nadingin eite adingin amah a hong si ahi hi.

Jeim 2:23

Lai Siangtho in, “Abraham in Pasian um a, a upna hangin Pasian in mihoihin a sang hi,” ci-in a genna thumanin tung takpi a, Abraham pen Pasianʼ lawmpa kici hi.