Johan 10:41 - Tedim Bible Revision 2017

⁴¹ Ama kiangah mi tampi tak hong kikhawm uh a, “Johan in nalamdang bangmah bawl lo hi. Ahi zongin Johan in hih mipa thu a gen khempeuh a vekpi-in mankim hi,” a ci uh hi.

Tedim Bible

⁴¹ Mi tampite a kiangah va pai uh a, “Johan in nalamdang a lah loh hangin hih mi thu Johan in a genna khempeuh a man hi,” a ci uh hi.

Johan 10:41 Iomraidhean Croise

Mattiu 14:2

Amah in a nuai-a uliante kiangah, “Hih pa pen Johan hi a, sihna panin a hingkik hi ding hi. Tua ahih manin hih bang nalamdang bawlna ding vangliatna nei hi ding hi,” a ci hi.

Marka 1:37

amah a muh uh ciangin, “Mi khempeuh in nang hong kan uh hi,” a ci uh hi.

Luka 12:1

Mi a tul tampite hong kikhawmin khatlekhat a kisik kha gawp dongin kinehcipin a om laitakin Jesu in a nungzuite kiangah thu gen masa a, “Farisi miteʼ kineihkhemna ahi, a silngo uh limtakin kidawm un.

Luka 5:1

Khat vei, Gennesaret Tuili gei ah Jesu dingin a om laitakin, mite in Pasianʼ thu za nuamin Jesu hong nehcip uh hi.

Johan 1:27

Keima khit ciangin note lakah amah in nasep hong kipan ahih hangin, kei pen ama khedap khau a sutsak ding nangawnin ka kilawm zo nai kei hi,” ci-in a dawng hi.

Johan 2:11

Jesu in nalamdang a bawl masak pen Galilee gam Kana khua ah hih bangin Pasianʼ pianzia a neihna kilangsak a, a nungzuite in zong amah a um uh hi.