Johan 10:27 - Tedim Bible Revision 2017

²⁷ Keima tuute in ka aw za-in thei uh ahih manin kei hong zui uh hi.

Tedim Bible

²⁷ Ka tuute in keima aw a ngai uh a, ka tuute ka thei a, keima nung hong zui uh hi.

Johan 10:27 Iomraidhean Croise

1 KUMPI MASATE 18:21

Tua ciangin mi khempeuhʼ nai ah Elijah hong pai-in, “Ngaihsutna kibang lo thu nih kikalah bang tanvei khensat loin om niloh ding na hi uh hiam? Topa pen Pasian ahihleh amah zui un; tua hi loin Baal pen Pasian ahihleh amah zui un,” a ci hi. Ahi zongin mite in kam khat beek dawng lo uh hi.

Isaiah 66:22

Ka bawl ding vantung thak le leitung thak pen ahihleh keima mai ah kip ding hi. Tua mah bangin na suan na khakte uh le na min uh kip ding hi, Topa in ci hi.

Mattiu 16:24

Tua ciangin Jesu in a nungzuite kiangah, “Mi khatpeuh ka nungzui a suahnop leh, ama deihna bangin gamta nawn loin, a singlamteh kisuanin hong zui ding hi.

Mattiu 17:5

Tua bangin a pau laitakun meii ngo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Mattiu 25:12

amah in, ‘Note ka hong thei het kei hi,’ na cih san hi.”

Mattiu 7:23

Tua ciangin keimah in amaute kiangah, ‘Note ka hong thei ngei kei hi. Siatna a gamta mite aw, kei kiang panin kihem khia un,’ ka ci ding hi.

Marka 10:21

Tua ciangin Jesu in itna tawh tua mipa enin, “Na khat bek na kisam lai hi. Pai inla, na neih khempeuh na zuak khit ciangin mizawngte tungah na sum khotte va pia in. Tua hileh vantungah sum na hau ding hi. Tua khit ciangin ka nung hong zui in,” a ci hi.

Marka 8:34

Tua ciangin Jesu in mihonpite le a nungzuite ama kiangah sam a, “Mi khatpeuh ka nungzui a suahnop leh ama deihna bangin gamta nawn loin a singlamteh kisuanin hong zui ding hi.

Luka 13:27

Ahi zongin amah in, ‘Note koi panin a hong pai cih kong thei kei hi. A giloin a gamta note khempeuh aw, kei kiang panin paikhia un,’ hong ci ding hi.

Luka 9:23

Tua ciangin Jesu in a nungzuite le mi khempeuh kiangah, “Mi khatpeuh in kei hong zuih nop leh ama deihna bangin gamta nawn loin nisimin a singlamteh pua-in hong zui ding hi.

Johan 10:14

Kei, tuucing hoih ka hi hi. Pa in kei hong thei-in, kei zong Pa ka theih mah bangin keimah in ka tuute ka thei a, ka tuute in zong kei hong thei uh hi. Tua ahih manin ka tuute ka sihpih ngam hi.

Johan 10:16

Hih tuukulh sungah a om lo tuu dang ka nei lai hi. Tuate zong tuukulh sungah ka khum dinga, amaute in keima thu ngai-in, keima khut sungah ka tuu om sate tawh hon khat suak khawm ding uh hi.

Johan 10:8

Keima hun ma-in a hong pai mite ahihleh guta buluhte ahih manun tuute in amaute don lo uh hi.

Johan 12:26

Ka nasemte keima omna ah a om theih nadingin ka na a sem nuam peuhmah in kei hong zui ding uh a, ka Pa in ka na a sem mite a pahtawi ding hi,” a ci hi.

Johan 21:22

Jesu in, “Ka hong paikik mateng amah a nungta dingin ka deih nakleh nang bang phamawh sa na hi hiam? Nangmah in ka nung hong zui peuh in,” ci-in a dawng hi.

Johan 5:25

A taktakin ci lehang: A si mite in Pasianʼ Tapaʼ aw a zak hun uh hong tung ding hi bek loin tu-in a hun hong tung khin hi ta a, ama aw a za mi khempeuh nungta ding uh hi.

Johan 8:12

Tua khit ciangin Jesu in mihonte kiangah a thugenna khat ah, “Kei pen leitung khuavak ka hi hi. Kei hong zuite in khuavak nuntakna nei ding uh a, khuamial gamtatna nei lo ding uh hi,” a ci hi.

Johan 8:43

Bang hangin ka thugente theithei lo na hi uh hiam? Ka thugente na ngaih nop loh man uh ahi hi.

Sawltak 3:23

Tua kamsang paʼ thugen a mang lo khempeuh, a Jew mipihte kiang panin kikhen khia-in kisusia ding hi,’ ci hi.

1 KORIN MASA 8:3

Mi khat in Pasian a it leh Pasian in tua mipa a na thei hi.

Galati 4:9

Ahi zongin note in tu-in Pasian meltheih khinin, tua ahih kei leh Pasian in note hong meltheih khinta ahih manin, a bang hangin bangmah a hih zo lo, a gina lo tua bangte lamah kiheikik nuam a, sila va suakkik nuam na hi uh hiam?

2 TIMOTI NIHNA 2:19

Ahi zongin Pasian in a phuh sa sutpi kilok zo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna su kha lo ding hi,” cihna kigelh hi.

Hebru 3:7

Tua ahih ciangin Lai Siangtho sungah, “Tu ni-in Pasianʼ aw na zak uh leh

Mangmuhna 14:4

Hih mite in numei tawh paktatna gamta ngei nai lo uh a, paubaanna a nei lote ahi uh hi. Amaute in Tuuno a paina peuhpeuh ah zui uh a, midang khempeuh sung panin a kitan khia sa, Pasian le Tuuno tungah a kipia masa mite ahi uh hi.

Mangmuhna 3:20

Kongkhak ah dingin kong ka hong kiu hi. Ka aw za-in kong hong honte kiangah lutin an ka nekhawm ding uh hi.