Johan 10:24 - Tedim Bible Revision 2017

²⁴ Jew mihonte ama kiangah hong kikhawm uh a, “Thu kitel loin bang tanvei koih hong sawm na hi hiam? Khris na hih leh zong teltakin hong gen in,” ci-in a dot uh ciangin

Tedim Bible

²⁴ Tua lai takin Judah mite in Zeisu kimkotin hong kikhawm uh a, “Bang tanvei ko hong lungkhamsak ding na hi hiam? Nang Khazih na hih leh, tangtakpi-in hong gen in,” a ci uh hi.

Johan 10:24 Iomraidhean Croise

1 KUMPI MASATE 18:21

Tua ciangin mi khempeuhʼ nai ah Elijah hong pai-in, “Ngaihsutna kibang lo thu nih kikalah bang tanvei khensat loin om niloh ding na hi uh hiam? Topa pen Pasian ahihleh amah zui un; tua hi loin Baal pen Pasian ahihleh amah zui un,” a ci hi. Ahi zongin mite in kam khat beek dawng lo uh hi.

Mattiu 11:3

“Nang pen a hong pai ding pa na hi hiam, tua ahih kei leh a dang na lamen lai ding ka hi uh hiam?” ci-in a dongsak hi.

Marka 8:32

Hih thu a kitel takin amaute kiangah a gen hi. Peter in Jesu paikhiat pihin, “Hih bangin thu gen kei in,” ci-in a taii hi.

Luka 3:15

Thu lian khat peuhpeuh hong piang ding hi, ci-in miteʼ lawpna hong khang semsem a, hih pa pen Khris hi kha ding hi, ci-in mite in a lungsim uh ah a ngaihsun uh hi.

Johan 1:19

Jerusalem khua-a Jew mi uliante in Johan kiangah siampite le Levi mite paisak uh a, “Nang kua na hi hiam?” ci-in a dongsak uh hi.

Johan 10:31

Tua ciangin Jew mihonte in amah deng dingin suang tawm leuleu uh ahih manin

Johan 10:33

mihonte in, “Nasep hoih na sep manin hong deng nuam ka hi kei uh a, Pasian na simmawh bawl manin hong deng nuam ka hi uh hi. Nang pen mi hi lel hi napi-in Pasian na kineih nuam hi,” ci-in a dawng uh hi.

Johan 16:25

“Tu hun ciang dong hih thute thu gentehna zangin kong gen hi. Ahi zongin thu gentehna ka hong zat nawn loh hun hong tung dinga, tua hun ciangin a teltakin Pa Pasianʼ thu kong gen ding hi.

Johan 8:25

Tua ciangin amaute in, “Nang kua na hi hiam?” ci-in a dot uh ciangin Jesu in, “A kipat cil a kipan ka hong gen sa mah ka hi hi.

Johan 8:53

Koteʼ pupi Abraham zong si ahih manin amah sangin a lian zaw dingin ki-um na hi hiam? Tua banah kamsangte khempeuh zong si ahih manin nang a kua-in kingaihsun na hi hiam?” a cih uh ciangin,

Johan 9:22

Jesu pen Khris hi, ci-in a gen peuhpeuh, kikhopna inn panin hawl khia ni, ci-in Jew mi uliante in thukimna nei khin uh ahih manin, Jew mi uliante a kihtakna uh hangin a nu le a pate in hih bangin a gen uh ahi hi.

2 KORIN NIHNA 3:12

Hih bang lametna nei ka hih manun hang takin a om ka hi uh hi.