Johan 10:20 - Tedim Bible Revision 2017

²⁰ Mi tampi tak in, “Hih pa pen dawivei, mihai hi lel ahih manin a thugen ngaih taak lo hi,” ci uh a,

Tedim Bible

²⁰ Amau lakah mi tampite in, “Amah dawilawm nei mihai ahi hi; ama thu bang hangin ngai na hi uh hiam?” a ci uh hi.

Johan 10:20 Iomraidhean Croise

Isaiah 53:8

Nenniamna le thukhenna tawh amah kipaikhiat pih hi. A hingteʼ gam panin amah kikhen khia-in, ama miteʼ khialhna hangin amah in gimna thuak hi, ci-in ama khang mite kua in thei ahi hiam?

Jeremiah 29:26

“Topa in siampi Jehoiada tangin nangmah siampi-in hong koih khinzo a, Topaʼ biakinnpi sungah a ukpi ding na hi ta hi. Tua ahih manin thu a hilh mawkmawk mihaite thong kiasakin kol na bulh ding hi.

Mattiu 10:25

Tua ahih manin sang naupangte pen a siapa uh tawh a kibat uh leh a lungkim ding uh hi a, silate pen a tote uh tawh a kibat uh leh a lungkim ding uh ahi hi. Innteek lutang pa pen Beelzebul hong ci uh ahihleh a innkuan pih mite tua sangin minsia zaw tawh hong ko zaw lai ding uh hi lo ahi hiam?

Mattiu 11:18

Bang hang hiam cih leh Tuiphumpa Johan hong pai a, amah in zu le an tangin a om ciangin, ‘Dawivei hi,’ a ci uh hi.

Mattiu 9:34

Ahi zongin Farisi mite in, “Dawimang lian pen pa min tawh hih bangin dawi a hawl khia ahi hi,” a ci uh hi.

Marka 3:21

A innkuanpihte in hih thu a zak uh ciangin Jesu a la dingin hong kuan khia uh hi. Bang hang hiam cih leh, “Jesu mihai suakta hi,” a kicihna thu a za uh hi.

Johan 7:20

Tua ciangin mihonte in, “Dawivei hi teh! Kua in nang thah hong sawm ahi hiam?” a ci uh hi.

Johan 8:52

Tua ciangin mihonte in, “Dawivei taktak na hihna thu tu-in ka hong thei uh hi. Kamsangte khempeuh le Abraham zong si napi-in, ‘Keima thuhilhna a zui peuhpeuh si nawn lo ding,’ na ci lailai hi.

Sawltak 26:24

Hih bangin amah kiphelna thu Paul in a gen ciangin Festas in, “Paul aw, mihai na hi ta hi. Na pil sinna teng in mihai hong suaksak ta hi,” ci-in nakpi takin a kiko hi.