Johan 10:11 - Tedim Bible Revision 2017

¹¹ “Kei, tuucing hoih ka hi hi. Tuucing hoih in a tuute sihpih ngam hi.

Tedim Bible

¹¹ Keimah in migi tuucing ka hi hi. Migi tuucing in a tuute tang dingin a nuntakna a paai hi.

Johan 10:11 Iomraidhean Croise

2 SAMUEL NIHNA 24:17

Tua ciangin mite a vat vantungmi a muh ciangin David in Topaʼ tungah thu gen a, “En in, ka mawh hi; a khial pa pen kei ka hi hi. Hih mite in bang khialhna nei ahi uh hiam? Kong thum hi; kei le ka innkuante bek gim hong pia in,” a ci hi.

Late 23:1

Topa pen tuucin bangin hong cing hi a, kisapna teng kicing ta hi.

Late 80:1

Tuu hon bangin Josef a paipih, Israel Tuucingpa aw, ngai in! Kherub tungah a tupa aw,

Isaiah 40:11

Amah in tuucingpa bangin ama tuuhonte an vak dinga, ama tuuhonte kaikhawmin a ang sungah pua dinga, no ngek lai a neite dam takin a paipih ding hi.

Isaiah 53:6

Eite khempeuh in tuu bangin lam i khial khin a, eite khempeuh eimau san ciatah i pai khin hi. Topa in eite khempeuhʼ mawhnate ama tungah a suan hi.

Ezekiel 34:2

“Mihing ahi Ezekiel aw, keima tuu hon ahi Israel mi a cingte mawhsakna thu gen in. Amaute kiangah thu gen inla, Topa Pasian ahi keima thugen, amaute kiangah hih bangin gen in: Israel mi a cing note aw, gimna na thuak ding uh hi. Nomau mahmah na kivak uh a, tuute na don kei uh hi.

Ezekiel 34:23

Amaute a cing dingin ka nasem pa David ka koih dinga, amah in amaute hoihtakin an vakin a kem ding hi.

Ezekiel 37:24

Ka nasem pa David pen amauteʼ kumpi hi dinga, mi khatʼ ukna nuai ah amaute kigawmin, ka thukhamte hoihtakin zui ding uh hi.

Micah 5:4

Amah in Topaʼ thahatna tawh a mite uk dinga, Topa ama Pasianʼ vangliatna tawh a uk ding hi. Leitung mi khempeuh in ama liatna phawk ding uh ahih manin ama mite lungmuang takin om thei ding uh hi.

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang dinga, ka tuute gim ka pia ding hi.

Mattiu 20:28

Mihing Tapa zong nasem nei dingin hong pai hi loin midangte ading na semin, mi tampi tat nading a si dingin a hong pai ahih mah bangin note zong a tua ci ding na hi uh hi,” a ci hi.

Johan 10:2

Ahi zongin tuukulh kong tawnin a lut mipa ahihleh a tuute a cing pa ahi hi.

Johan 15:13

Lawmteʼ tang ding sih ngamna sangin lawmte itna a lian zaw om nawn lo hi.

Efesa 5:2

Khris in eite a hong it manin Pasian in eiteʼ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

Hebru 13:20

Ama sihna hangin Tuucing Lianpa suakin, a sisan tawh tawntung thuciamna a kipsak i Topa Jesu pen sihna panin a thokiksak, eite tungah nopsakna a hong pia Pasian in,

1 PETER MASA 5:4

Tuucing pipa hong pai ciangin a mual ngei lo minthanna lukhu a hong pia ding hi.

1 JOHAN MASA 3:16

Itna i cih bangci theih ding ihi hiam cih leh: Khris in eite adingin a nuntakna hong pia hi. Ei zong i Khristian mipihte adingin i nuntakna i piak ngam ding ahi hi.

Mangmuhna 7:17

Bang hang hiam cih leh Tokhom laizang ah a om Tuuno, amaute a kem pa hi dinga, nuntakna tui omna ah amaute paipih dinga, Pasian in a khitui khempeuh uh nulsak ding hi,” hong ci hi.