Johan 10:10 - Tedim Bible Revision 2017

¹⁰ Gutate pen a gu ding, a that ding le a siasak ding bekin hong pai hi. Kei ka hih leh tuute a nungta maimai bek hi loin nuntakna cingtaak a neih theih nadingun a hong pai ka hi hi.

Tedim Bible

¹⁰ Gutate in gu ding that ding leh susia ding longal a hong pai kei uh hi. Kei ka hih leh, tuute in nuntakna ngah tham loin nuntakna a dimtak a ngah nadingun kong pai hi.

Johan 10:10 Iomraidhean Croise

Isaiah 56:11

Uite in nakpi takin duh uh a, kham hun cih nei ngei lo uh hi. Tuucingte in zong thutheihna nei lo uh hi. Amaute khempeuh amau tum ciatin gamta uh a, a vekpi-un amauʼ phattuam nading bek a zong ciat uh hi.

Hosea 7:1

Israel-te a ci uh damsakkik ning, ci-in ka ngaihsut ciangin, amauʼ mawhna le amauʼ siatna bekbek kimu thei hi. Amaute in mi khemin, inn luhin na gu uh a, kong lak nangawn ah miʼ na sut uh hi.

Mattiu 18:10

“Hih naupangnote khatpeuh na simmawh khak loh nadingun kidawm un. Note kiangah kong genin ah: Amaute a kem vantung mite pen vantungah ka Pa kiangah om tawntung uh hi.

Mattiu 18:11

Bang hang hiam cih leh Mihing Tapa pen a mangthang mite a hon dingin a hong pai ahi hi.

Mattiu 20:28

Mihing Tapa zong nasem nei dingin hong pai hi loin midangte ading na semin, mi tampi tat nading a si dingin a hong pai ahih mah bangin note zong a tua ci ding na hi uh hi,” a ci hi.

Mattiu 21:13

Amaute kiangah, “Pasian in Lai Siangtho sungah, ‘Ka inn pen thungetna inn kici ding hi,’ ci napi-in, note in guktaakna phualpi na suaksak uh hi,” a ci hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lut nuam kei uh a, a lut nuamte lah na lutsak kei uh hi.

Marka 11:17

Tua ciangin mite kiangah thu hilh a, “Ka inn pen mi khempeuh adingin thungetna inn kici ding hi,” ci-in Pasian in a genna thu Lai Siangtho sungah kigelh hi lo ahi hiam? Ahi zongin note in guta buluhteʼ bukna mun na suaksak uh hi, ci-in thu a hilh hi.

Luka 19:10

Bang hang hiam cih leh a mangthangte a zong ding le a hon khia dingin Mihing Tapa a hong pai ahi hi,” a ci hi.

Johan 10:1

Tua ciangin Jesu in, “A mantakin ci lehang, tuukulh kongah lut loin a mun dang panin kahin a lut mite pen a guta a buluh ahi hi.

Johan 10:11

“Kei, tuucing hoih ka hi hi. Tuucing hoih in a tuute sihpih ngam hi.

Johan 12:47

Ka thugenna za napi-in a zui lo mite tungah thu ka khen kei ding hi. Leitung mite mawhsakin thukhen dingin a hong pai ka hi kei a, a hon khia dingin a hong pai ka hizaw hi.

Johan 12:6

Hih bangin kam a pauna pen mizawngte a khualna hang hi lo a, amah sumkem ahih manin a sumte gu-in a ututin a zang zel pa ahihna hang hizaw hi.

Johan 3:17

Pasian in leitungah a Tapa hong sawlna pen mawhsakna thukhen dingin a hong paisak hi loin, leitung mite a hon khia dingin a hong paisak hizaw hi.

Johan 5:40

na nuntak theih nadingun kei kiangah nong pai nuam kei veve uh hi.

Johan 6:33

Pasian in a hong piak an pen vantung panin hong pai-in leitung mite a nungtasak pa ahi hi,” a ci hi.

Johan 6:51

Kei pen vantung panin a hong pai suk nuntakna an ka hi hi. Tua an a ne mi peuhmah nungta tawntung ding hi. Leitung mite a nuntak nadingin ka piak ding an pen keima sa ahi hi,” a ci hi.

ROM (Romans) 2:21

Midangte a hilh note in, nomau mah kihilh lo ding na hi uh hiam? “Guta kei un,” ci-in mi hilh napi-in nomau mahmah guta hi lo na hi uh hiam?

1 TIMOTI MASA 1:15

Khris Jesu, mawhneite a hon khia dingin leitungah hong pai hi, cihna thu a man hi a, a uphuai a sanhuai thu ahi hi. Keimah zong tua mawhnei mite lakah a mawhpha bel ka hi hi.

Hebru 6:17

Pasian in ama geelnasa a kheel ngei het lo ding ahihna thu a thuciamna a ngah ding mite tungah teltakin theisak nuam ahih manin a thuciam banah kiciamna khat a bawl lai hi.

Hebru 7:25

Tua hi a, mite adingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a hon khia thei ahi hi.

2 PETER NIHNA 1:11

Tua hileh eiteʼ Topa le Honpa Jesu Khris Uk tawntungna sungah nuam takin na lut thei ding uh hi.