Johan 1:51 - Tedim Bible Revision 2017

⁵¹ 4 Tua ciangin Jesu in, “Keʼn a mantak kong genin ah, vantung a kihong na mu ding uh a, Mihing Tapa le vantung kikalah Pasianʼ vantung mite a kum suk a kah to na mu ding uh hi,” a ci hi.

Tedim Bible

⁵¹ Ke’n aman takpi kong cih-inah, van kihongin Pasian’ vantungmite in Mihing Tapa tungah kahsuk kahto a, om na mu ding hi,” a ci hi.

Johan 1:51 Iomraidhean Croise

Piancilna 28:12

Amah in mang man a, leitungah kahlei khat kiphutin, a kahlei dawn in van ban hi. Pasianʼ vantung mite tua kahlei tungah kah to-in a kum suk a mu hi.

Ezekiel 1:1

Kum sawm thum ka phak kum, a kha lina, a ni nga ni-in Babylon gam a om Khebar Gun gei ah sal a om Jew midangte tawh ka om laitakin maang ka mu hi. Tua ka maangmuhna ah van hong kihong a, Pasian ka mu hi.

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang dinga, ka tuute gim ka pia ding hi.

Mattiu 25:31

“Mihing Tapa a vantung mite tawh Kumpi-in hong pai khawm uh ciangin a kumpi tokhom tungah hong tu ding hi.

Mattiu 26:24

Mihing Tapa ahihleh Lai Siangtho sungah a kigelh sa mah bangin a si ding ahi hi; ahi zongin Mihing Tapa a lehhek pa in gimna thuak ding hi. Tua mipa pen a piang vet lo hileh ama adingin hoih zaw ding hi,” a ci hi.

Mattiu 3:16

Jesu a kituiphum khit phetin tui sung panin a paikhia pah hi. Tua laitakin vantung hong kihong a, vakhu bangin Pasianʼ Kha Siangtho hong kum sukin ama tungah a khawl a mu hi.

Mattiu 4:11

Tua ciangin Dawimangpa paikhia a, vantung mite hong pai-in Jesu huhin an a vak uh hi.

Mattiu 8:20

Jesu in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihingʼ Tapa in a luptheih nading mun koi mahah nei lo hi,” ci-in a dawng hi.

Mattiu 9:6

Ahi zongin Mihing Tapa in leitungah mawhmaisak theih nading thu nei hi, ci-in na theih nadingun kong lak ding hi,” a cih khit ciangin khutlekhe zaw mipa kiangah, “Tho in; na lupna pheek pua inla na inn ah ciah in,” a ci hi.

Marka 1:10

Tui sung panin Jesu a thawhkhiat khit phetin vantung kihongin, ama tungah vakhu bangin Kha Siangtho a hong kum suk a mu hi.

Marka 14:62

Jesu in, “Ka hi hi; Vanglian Pasianʼ tak lamah Mihing Tapa omin meii lakah a hong pai na mu ding uh hi,” a ci hi.

Luka 2:13

Tua khit phetin tua vantungmi tawh vantung mihonpite thakhatin hong omin Pasian phatna la sa uh a,

Luka 2:9

Amaute kiangah Topaʼ vantungmi khat hong kilang a, Topaʼ minthanna vang in amaute hong taan ahih manin a lau mahmah uh hi.

Luka 22:43

Tua ciangin vantung panin ama kiangah vantungmi khat hong pai a, Jesuʼ tha a hatsak hi.

Luka 22:69

Ahi zongin tu a kipanin a Vanglian Pasianʼ tak lamah Mihing Tapa tu ding hi,” ci-in a dawng hi.

Luka 24:4

Amaute in lamdang sa-in a om laitakun amaute gei ah puan pak a silh mi nih hong ding vat uh hi.

Luka 3:21

Mi khempeuh a kituiphum khit uh ciangin Jesu zong a kituiphum hi. Jesu in thu a nget laitakin vantung kihong a,

Johan 1:50

Jesu in, “Theikung nuai ah ka hong mu hi, ka hong cih manin Pasian Tapa le Israel mite Kumpi ka hih lam hong um na hi hiam? Hihte sangin a thu lian zaw na mu lai ding hi,” a ci hi.

Johan 10:1

Tua ciangin Jesu in, “A mantakin ci lehang, tuukulh kongah lut loin a mun dang panin kahin a lut mite pen a guta a buluh ahi hi.

Johan 10:7

Tua ahih manin Jesu in amaute kiangah thu genkik leuleu a, “A mantakin ci lehang, kei pen tuuteʼ paina kongpi ka hi hi.

Johan 13:16

A mantakin ci lehang, sila pen a topa sangin lian zaw ngei lo a, a kisawl pa zong a sawl pa sangin lian zaw ngei lo hi.

Johan 13:38

Jesu in, “Kei hong sihpih ngam ding na hi hiam? A mantakin kong genin ah, kei thum veina hong nial khit matengin ak khuang lo ding hi,” ci-in a dawng hi.

Johan 14:12

A mantakin ka hong genin ah, kei hong umte in keima sep nate mah sem ding hi. Pa kiangah kei ciah ding ka hih manin keima sep sangin zong a lian zaw sem lai ding uh hi.

Johan 16:20

A taktakin ka hong genin ah, note dahin na kap ding uh a, ahi zongin leitung mite lungdam ding uh hi. Note na dah ding uh a, ahi zongin na dahna uh lungdamna hong suak ding hi.

Johan 16:23

“Tua hun ciangin kei kiangah bangmah nong ngen nawn kei ding uh hi. A mantakin kong genin ah, keima min suangin na nget peuhpeuh uh Pa in hong pia ding hi.

Johan 21:18

A mantakin ci lehang, na khangno lai-in na kawnggak gakin na utna peuh ah na pai zialzial thei hi. Ahi zongin na khangham ciangin na khutte na zan dinga, midangte in na khutte hong henin na ut lohna pi ah hong paipih ding uh hi,” a ci hi.

Johan 3:3

Jesu in, “A mantakin kong genin ah, mi khatpeuh a suahkik kei leh Pasianʼ Ukna sungah lut thei lo ding hi,” a ci hi.

Johan 3:5

Jesu in, “A mantakin kong genin ah, mi khatpeuh tui le Kha Siangtho tawh a suahkik kei leh Pasianʼ Ukna sungah lut thei lo ding hi.

Johan 5:19

Tua ahih manin Jesu in amaute kiangah, “A mantakin gen lehang: Tapa in ama thu bek tawh bangmah sem lo a, a Pa in a sep a muh teng bek a sem ahi hi. Tua hi a, a Pa in a sep teng mah a Tapa in zong a sem ahi hi.

Johan 5:27

Amah pen Mihing Tapa ahih manin thu khen theih nading aana ama tungah a pia hi.

Johan 6:26

Jesu in, “A mantakin ci lehang: Ka nalamdang bawlte na muh uh ciangin kei hong umin a hong zong na hi kei uh a, an na kham takun na nek uh manin a hong zong na hi bek uh hi.

Johan 6:32

Jesu in, “A mantakin ci lehang: Moses in a piak an pen vantung an hi lo hi. Vantung an taktak pen ka Pa in hong pia hi.

Johan 6:47

A mantakin kong genin ah, kei hong umte bek in nuntak tawntungna ngah hi.

Johan 6:53

Tua ahih manin Jesu in amaute kiangah, “A mantakin kong genin ah, Mihing Tapaʼ sa na nek kei uh a, a sisan na dawn kei uh leh note sungah nuntakna om lo ding hi.

Johan 8:34

Tua ciangin Jesu in, “A mantakin ci lehang mawhna a bawl mi peuhmah mawhnaʼ sila ahi uh hi.

Johan 8:51

A mantakin ci lehang, keima thuhilhna a zui peuhpeuh si nawn lo ding hi,” ci-in a dawng hi.

Johan 8:58

Jesu in, “A taktakin ci lehang, Abraham a pian ma-in kei ka om khin hi,” ci-in a dawng hi.

Sawltak 10:11

Vantung kihong a, sik li a nei a peek deda khat a kiu ciatah khau kivawhin leitungah a hong kikhai suk a mu hi.

Sawltak 7:56

“En un! Vantung kihong a, Pasianʼ tak lamah Mihing Tapa a ding ka mu hi,” a ci hi.

2 THESALONIKA NIHNA 1:7

tu-a gimna a thuak note le kote tungah zong nopsakna hong pia ding hi. Vantung panin Topa Jesu le a vanglian a vantung mite, meikuang tawh hong kilat ciangin,

2 THESALONIKA NIHNA 1:9

Ama mite khempeuh le thu um mite khempeuh hangin minthanna le pahtawina a ngah dingin Topa hong pai Ni ciangin a noptuak mahmah Topaʼ minthanna huam sung panin amaute kihawl khia dinga, tawntung suksiatna dan a thuak ding uh hi. Ahi zongin note in kong gen uh thute um na hih manun tua nopna sungah na om ding uh hi.

1 TIMOTI MASA 3:16

I biakna pen a thuthuk a thu lian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuh ah ama thu ki-umin, vantungah amah kila to hi.

Hebru 1:14

Vantung mite pen Pasianʼ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Juda 1:14

Tanglai pekin Adam pan khang sagihna Enok in zong hih thu mah na gen khol a, a genna ah, “En un, Topa, a mi siangtho honpite tawh hong pai dinga,

Mangmuhna 19:11

Tua ciangin vantung a kihong ka mu a, sakol kang khat a om hi. A tungah a tuang pa pen a Citak a Thuman pa kici hi. Amah in thumanin thu khenin gal a do hi.

Mangmuhna 4:1

Hih thu teng khit ciangin ka khuadak leh vantungah kong a kihong sa-in a om ka mu hi. Peengkul awging tawh a kibang, kei kiangah thu a hong gen sa awging mah in, “Hih lai ah hong pai to in. Tunung ciangin thupiang dingte kong lak ding hi,” hong ci hi.