Johan 1:49 - Tedim Bible Revision 2017

⁴⁹ Tua ciangin Nethanel in, “Sia aw, nang, Pasianʼ Tapa na hi hi. Israel miteʼ Kumpi zong na hi hi,” a cih ciangin

Tedim Bible

⁴⁹ Nathanael in, “Rabbi aw, nangmah in Pasian’ Tapa na hi hi. Israel mite’ kumpipa lah na hi hi,” a ci hi.

Johan 1:49 Iomraidhean Croise

Late 110:1

Topa in ka to kumpipa tungah, “Na galte nangma khengakna-in ka bawl matengin ka tak lamah tu in,” a ci hi.

Late 2:6

“Ka mual siangtho Zion tungah ka kumpi ka tusak khin hi,” ci hi.

Isaiah 9:7

Tu hun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

Daniel 9:25

Hih thu ciamteh inla thei in: Jerusalem lamkikna ding thu a kipiak hun a kipan sathau kinilh pa hong pai dong kum sagih mun sagih sung hi ding hi. Jerusalem kongzing lampi nei le kulhpi nei-in kilamkik dinga, kum sawm guk le nih mun sagih sung kip dinga, ahih hangin buai hunsung ahi ding hi.

Hosea 3:5

Tua khit ciangin Israel mite in Topa amauʼ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

Micah 5:2

Bethlehem Efrathah khua aw, nang pen Judah gamah khua neu pen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Zefaniah 3:15

Topa in na galte hong phiatkhiatsak khin a, hong langpang khempeuh hong hawl khiatsak khin hi. Topa ahi Israel kumpipa nang tawh hong om a, na launa ding bangmah om nawn lo hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh la no tungah hong tuang hi.

Mattiu 14:33

Tua ciangin gunkuang sungah a om nungzuite in Jesu bia uh a, “Pasianʼ Tapa taktak na hi hi,” ci-in a gen uh hi.

Mattiu 2:2

“Jew miteʼ kumpi ding ahi naungek a hong suak pen koi lai ah om ahi hiam? Nisuahna lam pan ama aksi hong suah ciangin ka mu uh a, amah a bia dingin a hong pai ka hi uh hi,” hong ci uh hi.

Mattiu 21:5

Tua a genna ah, “En un, na kumpipa uh hong pai hi. Kiniamkhiatna tawh lapi tung le la no tungah tuangin hong pai hi, ci-in Zion khua mite kiangah gen un,” a ci hi.

Mattiu 23:7

Mihon lakah mite in hopihin, ‘Sia aw,’ a cih ding uh a ut uh hi.

Mattiu 23:8

Ahi zongin note pen, ‘Sia,’ na kicih ding uh hi lo hi. Sia khat bek na nei uh a, no a dangte khempeuh unau khat na hi uh hi.

Mattiu 27:11

Tu-in gam ukpa Pilat mai ah Jesu kidingsak ahih manin amah in, “Nang, Jew miteʼ Kumpipa na hi hiam?” ci-in a dot ciangin Jesu in, “Nang zong tua mah nong ci hi,” ci-in a dawng hi.

Mattiu 27:42

“Amah in midangte hon khia thei napi-in a mahmah kihon khia thei lo hi. Amah, Israel miteʼ Kumpi ahi hi. Tu-in singlamteh tung panin hong kum suk leh i um ding hi.

Mattiu 4:3

Tua ciangin ama kiangah Dawimangpa hong pai a, “Pasianʼ Tapa na hih takpi leh hih suangte anlum a suah nadingin thu pia in,” a ci hi.

Marka 15:32

Israel miteʼ kumpipa Khris tu-in singlamteh tung panin hong kum suk leh amah um ni!” a kici uh hi. Jesu tawh a kikhai khawm mi nihte in zong a simmawh bawl uh hi.

Luka 1:35

Vantungmi in, “Nangma tungah Kha Siangtho hong tung dinga, nangma tungah Pasianʼ vangliatna hong om ding hi. Tua ahih manin a hong suak ding a siangtho naungek pen Pasianʼ Tapa kici ding hi.

Luka 19:38

“Pasian in Topaʼ tangin a hong pai kumpipa, thupha pia tahen. Vantungah nopna om henla, Pasianʼ min thang tahen,” ci-in a awng uh hi.

Johan 1:18

Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

Johan 1:34

Tua ahih manin hih mipa pen Pasianʼ Tapa hi, ci-in thei ka hih manin teci ka pang hi,” a ci hi.

Johan 1:38

Jesu kihei a, amau tegel in a zuih lam a muh ciangin, “Bang zong na hi uh hiam?” ci-in a dong hi. Amaute in, “Sia aw, koi lai ah om na hi hiam?” ci-in a dawng uh hi.

Johan 1:50

Jesu in, “Theikung nuai ah ka hong mu hi, ka hong cih manin Pasian Tapa le Israel mite Kumpi ka hih lam hong um na hi hiam? Hihte sangin a thu lian zaw na mu lai ding hi,” a ci hi.

Johan 18:37

Tua ciangin Pilat in, “Tua ahihleh nang kumpi hi lo na hi hiam?” a cih leh Jesu in, “Kumpi hi, nangmah in na hong ci hi. Hih thuman a gen khia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Johan 4:31

Mite a hong tun ma hunsung tengin a nungzuite in, “Sia aw, an ne in,” ci-in a kun uh hi.