Johan 1:33 - Tedim Bible Revision 2017

³³ Keimah in amah ka theih nai loh hangin, tui sungah mite a phum dingin kei a hong sawl Pasian in, ‘A tungah Kha hong pai sukin a omna mipa pen Kha Siangtho sungah mite a phum ding pa ahi hi,’ ci-in hong gen khol hi.

Tedim Bible

³³ Tua pa ka thei kei hi. Ahih hangin tui sungah baptaiz dingin kei hong sawlpa in, ‘Mi khat tungah Kha Siangtho hong kumsuka, a tuang na muh leh, tuapa in Kha Siangtho sungah baptaizpa ahi hi,’ ci-in thu hong pia hi.

Johan 1:33 Iomraidhean Croise

Mattiu 3:11

Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpi takin lian zaw a, ama khedap a tawisak ding nangawnin ka kilawm zo nai kei hi.

Luka 3:16

Tua ahih ciangin Johan in amaute kiangah, “Keimah in tui sungah note ka hong phum hi; ahi zongin kei sangin nakpi takin a lian zaw khat hong pai lai ding hi. Ama khedap khau a sutsak ding nangawnin kei ka kilawm zo nai kei hi. Amah in Kha Siangtho le mei sungah note hong phum ding hi.

Johan 1:31

Amah a bangci mi hi ding cih thei lo napi-in, Israel mite in amah a theih nadingun tui sungah mite a phum dingin a hong pai ka hi hi,” a ci hi.

Johan 14:26

Ahi zongin Pa in keima tangin a hong sawl ding Huhpa Kha Siangtho a hong tun ciangin note tungah thu khempeuh hong hilh dinga, note tungah ka hong gen sa thu khempeuh zong hong phawksakkik ding hi.

Johan 3:34

Pasian in a sawl mipa tungah ama Kha a kicingin pia ahih manin a sawl mipa in Pasianʼ thugente mah a gen ahi hi.

Johan 3:5

Jesu in, “A mantakin kong genin ah, mi khatpeuh tui le Kha Siangtho tawh a suahkik kei leh Pasianʼ Ukna sungah lut thei lo ding hi.

Johan 7:39

Jesu in hih bang a gen ciangin amah a umte in a ngah ding Kha Siangtho thu a genna hi a, tua hun laitakin Pasianʼ pianzia nei-in sihna panin Jesu kithokiksak nai lo ahih manin Kha Siangtho kipia khia nai lo hi.

Sawltak 1:5

Johan in tui sungah mite phum a, ahi zongin a sawt loin Pasian in Kha Siangtho tawh note hong kidimsak ding hi,” ci-in thu a pia hi.

Sawltak 2:4

Amaute khempeuh Kha Siangtho tawh kidim uh a, tua Kha in minam dangteʼ pau tawh amaute a pau theisak hi.

1 KORIN MASA 12:13

Jew mi ihi a, Gentail mi ihi zongin, sila ihi a, sila ahi lo ihi zongin, eite minam tuamtuam ihih hangin Kha Siangtho khat bek mah in Jesuʼ pumpi a suak dingin ama sungah hong phum a, eite khempeuh tungah a hong kipia pen tua a kibang Kha Siangtho khat bek mah ahi hi.