Johan 1:26 - Tedim Bible Revision 2017

²⁶ Johan in, “Keimah in tui sungah mite a phum lel ka hi hi. Ahi zongin tu mahmah in noteʼ muh ngei loh mipa, noteʼ lak mahah hong om hi.

Tedim Bible

²⁶ Johan in zong, “Keimah in tui sungah ka baptaiz hi. Nomau lakah ding-in a om na theih loh uh ka nungah hong pai mi khat a om hi.

Johan 1:26 Iomraidhean Croise

Mattiu 3:11

Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpi takin lian zaw a, ama khedap a tawisak ding nangawnin ka kilawm zo nai kei hi.

Mattiu 3:6

Amaute in a mawhnate uh hong pulak uh a, Johan in Jordan Gun sungah amaute a tuiphum hi.

Marka 1:8

Keimah in tui sungah note kong phum a, amah in Kha Siangtho sungah note hong phum ding hi,” a ci hi.

Luka 3:16

Tua ahih ciangin Johan in amaute kiangah, “Keimah in tui sungah note ka hong phum hi; ahi zongin kei sangin nakpi takin a lian zaw khat hong pai lai ding hi. Ama khedap khau a sutsak ding nangawnin kei ka kilawm zo nai kei hi. Amah in Kha Siangtho le mei sungah note hong phum ding hi.

Johan 16:3

Amaute in ka Pa ahi a, kei ka hi zongin hong thei lo uh ahih manin tu-a bangin note a hong bawl ding uh ahi hi.

Johan 17:25

A Thuman ka Pa aw, leitung mite in nang hong thei lo uh hi. Ahi zongin keimah in nang ka hong thei a, kei na hong sawlna thu hih mite in zong a thei uh hi.

Johan 17:3

Nang bek a man Pasian na hihna thu le nangmah in na hong sawl Jesu Khris hong theihna pen amaute adingin nuntak tawntung ngah nading lampi ahi hi.

Johan 8:19

Tua ciangin amaute in, “Na pa koi ah om ahi hiam?” ci-in dong uh a, Jesu in, “Kei ka hi a, ka Pa ahi zongin na hong thei kei uh hi. Kei hong thei hi le-uhcin ka Pa zong na thei ding uh hi,” ci-in a dawng hi.

Sawltak 1:5

Johan in tui sungah mite phum a, ahi zongin a sawt loin Pasian in Kha Siangtho tawh note hong kidimsak ding hi,” ci-in thu a pia hi.

Sawltak 11:16

Tua ciangin Topa in, ‘Johan in tui sungah hong phum a, ahi zongin Pasian in Kha Siangtho tawh note hong kidimsak ding hi,’ a cih sa thu ka phawkkik hi.

Sawltak 19:4

Tua ciangin Paul in, “Johanʼ hilh tuiphumna pen mawhna a kisik mite ading ahi hi. Amah in Israel mite kiangah, ‘Keima nung a hong pai ding pa Jesu um un,’ ci-in gen hi,” a ci hi.

1 JOHAN MASA 3:1

Pa Pasian in eite bangzah takin hong itna thu thei un. Ama hong itna lian mahmah ahih manin eite pen Pasianʼ tate hong kici a, hong kicih mah bang ihi takpi hi. Leitung mite in tu hun ciang dong Pasian thei lo uh ahih manin eite zong a hong thei lo uh ahi hi.