Johan 1:25 - Tedim Bible Revision 2017

²⁵ Amaute in Johan kiangah, “Nang pen Khris lah hi lo, Elijah lah hi lo, kamsang lah hi lo na hih leh bang hangin tuiphum mawk na hi hiam?” ci-in a dot uh ciangin

Tedim Bible

²⁵ Amaute in, “Khazih hi lo, Elijah hi lo, kamsangpa hi lo na hih leh, bang dingin na baptaiz hiam?” ci-in a dongkik uh hi.

Johan 1:25 Iomraidhean Croise

Mattiu 21:11

Mihonpite in, “Galilee gam Nazareth khua pan a kamsang Jesu hi,” ci-in a dawng uh hi.

Mattiu 21:23

Biakinn tual sungah Jesu lutkik a, thuhilhin a om laitakin siampi liante le upate ama kiangah hong pai uh a, “Hih nate kua thu tawh bawl a, na bawl nading kua in aana hong pia ahi hiam?” ci-in a dot uh ciangin

Mattiu 3:6

Amaute in a mawhnate uh hong pulak uh a, Johan in Jordan Gun sungah amaute a tuiphum hi.

Johan 1:24

Hih thu a dong mite pen Farisi mite in a sawl uh ahi hi.

Sawltak 5:28

“Hih mipaʼ min tawh thu na hilh nawn loh nadingun khauh takin thu kong pia uh hi. Tu-in na gamtatna sate uh thei un. Jerusalem khua sung khempeuh ah thu na genthang uh a, ama sihna pen kote nong ngawh nuam uh hi,” a ci hi.

Thu-hilhkikna 18:15

“Topa na Pasian un note lak ahi na sanggamte uh lak panin note adingin kei tawh a kibang kamsang khat hong khangsak ding hi. Note in ama thu na ngai ding uh hi.

Thu-hilhkikna 18:18

Amau sanggamte lak panin nang tawh a kibang kamsang khat amaute adingin ka khangsak ding hi. Ama gen dingte ka hilh dinga, amah ka thupiak khempeuh amaute tungah a gen ding hi.