Johan 1:17 - Tedim Bible Revision 2017

¹⁷ Pasian in Moses tungtawnin Thukham hong pia a, ahi zongin Jesu Khris hangin itna le cihtakna thu hong pai hi.

Tedim Bible

¹⁷ Bang hang hiam i cih leh, Thukhamna Moses khut tungah kipia hi; ahih hangin hehpihna leh thuman thutak in Zeisu Khazih khut tungah a hong piang hi.

Johan 1:17 Iomraidhean Croise

Piancilna 22:18

na suanlekhakte thupha ka piak bangin, leitung minam khempeuh in thupha a ngah nadingun hong ngen ding uh hi. Bang hang hiam cih leh nang in ka thu na mang hi,” a ci hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

Late 85:10

Itna kip le thutak kigawm dinga, thuman le kilemna kihual ding uh hi.

Late 98:3

Amah thutakin, it tawntungna nei ahih manin Israel-te tungah a thuciamna a tungsak hi. Leitung mi khempeuh in eiteʼ Pasianʼ gualzawhna mu khinta uh hi.

Micah 7:20

Ka pu ka pate uh tungah na ciam sa bangin, Abrahamʼ suanlekhakte ahi nangma mite tungah na cihtakna le nong itna kip nong lak ding hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasianʼ pianzia a neihna ka mu cian uh hi. Hih pianzia pen Pasianʼ Tapa khat bek hihna tawh a neih pianzia ahi hi.

Johan 14:6

Jesu in ama kiangah, “Keimah in Lampi ka hi a, Thuman le Nuntakna zong ka hi hi. Kei hong suang loin Pa kiangah kuamah tung thei lo ding hi.

Johan 18:37

Tua ciangin Pilat in, “Tua ahihleh nang kumpi hi lo na hi hiam?” a cih leh Jesu in, “Kumpi hi, nangmah in na hong ci hi. Hih thuman a gen khia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Johan 5:45

Hih bangin kong gen ciangin ka Pa kiangah note a hong mawhsak ding pa hi, ci-in hong ngaihsun kei unla, note in suan belin na neih uh Moses pen a hong mawhsak ding pa ahih zawkna thu thei ta un.

Johan 7:19

Moses in note tungah Thukham hong pia napi-in kuamah in na zui kei uh hi. Tua hi napi, bang hangin thah dingin kei hong sawm na hi uh hiam?” a ci hi.

Johan 8:32

Tua ciangin thuman na thei ding uh a, tua thuman in note hong suaktasak ding hi,” a cih leh

Johan 9:29

Pasian in Moses a hopihna thu ka thei uh a, hih mipa ahihleh koi lai panin hong piang ahi hiam cih nangawn ka thei kei uh hi,” a ci uh hi.

Sawltak 28:23

Tua ahih manin Paul tawh a kimuh nading uh a ni khat seh uh a, tua a kiciam ni-un Paul a zintunna munah Jew mite tampi tak a kikhawm uh hi. Paul in zingsang a kipan nitak dongin amaute tungah Pasianʼ Ukna thu gen tel a, Jesuʼ thu man hi, ci-in a up theih nadingun Moses Thukham le kamsangteʼ laigelhte siksanin a gen hi.

Sawltak 7:38

Amah pen Israel mite tawh gamlak ah a om pa hi a, Sinai Mual tunga ama kiangah thu a gen vantungmi le i pute tawh a kikhawl pa ahi hi. Eite tungah hong gen sawn dingin Pasian kiang panin a tul ngei lo thu a ngah ahi hi.

ROM (Romans) 6:14

Note pen thukhamʼ sawlna hangin nasem hi loin Pasianʼ hong lah thuhoihteʼ hangin nasem na hih uh manin mawhnaʼ sawlna mangin na gamta nawn kei un.

2 KORIN NIHNA 1:20

Pasianʼ thuciamte khempeuh a hih pa pen amah ahi hi. Tua ahih manin Jesu Khris hangin Pasian phatin, “Amen,” i cihna zong hih thu hang mah ahi hi.

Galati 3:17

Tu-in ka hong gen nop thu in: Pasian in Abraham tawh thuciamna bawl a, tua a thuciamna peksat sawm lo hi. Tua ahih manin tua thuciamna a kibawl zawh kum za li le kum sawm thum khit ciangin a kinung piak Thukham in tua thuciamna pek satin phiat thei lo ding hi.

Thu-hilhkikna 33:4

Jakob mihonteʼ neih dingin Moses in kote tungah ngeina khat hong pia hi.

Thu-hilhkikna 4:44

Moses in Israel mite tungah thu pia hi.

Thu-hilhkikna 5:1

Moses in Israel-te khempeuh samin amaute kiangah, “Israel-te aw, tu ni-a noteʼ zakin kong gen thukhamte le ngeina kipte ngai unla, note in thei-in limtakin zuih ding na ngaihsun ding uh hi.

Hebru 9:22

Thukham kizatna sungah na khempeuh sisan tawh kisiansuah a, sisan a kiluansak khit ciang bekin mawhna kimaisak thei pan hi.