Johan 1:16 - Tedim Bible Revision 2017

¹⁶ A kicing ama hong itna hangin eite khempeuh tungah thupha a banbanin hong pia hi.

Tedim Bible

¹⁶ Ama kicin’na pan i ngah hehpihna in khat banah khat i ngah sawnsawn hi.

Johan 1:16 Iomraidhean Croise

Late 84:7

Amaute a paikawmun a tha uh hat semsem a, pasian-teʼ Pasian Zion ah mu ding uh hi.

Zekhariah 4:7

Thuhaksa pente nangawn in na ma hong khaktan zo lo ding hi. Biakinn na lamkik dinga, a khupna suang na cian laitakin, mite in ‘Hoih mahmah hi,’ ci-in awng ngeingai ding uh hi, hong ci hi,” a ci hi.

Mattiu 13:12

Bang hang hiam cih leh a nei sate tungah kipia thuahin hau semsem dinga, a nei lote tung panin a neihsa sunsun nangawn kilaksak ding hi.

Mattiu 3:11

Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpi takin lian zaw a, ama khedap a tawisak ding nangawnin ka kilawm zo nai kei hi.

Mattiu 3:14

Ahi zongin Johan in na tuiphum nuam lo a, “Nang in kei nong tuiphum dingin a kilawm zaw kimlai, keiʼ phum dingin nang hong pai zawsop na hi hiam?” a na ci hi.

Luka 21:15

Bang hang hiam cih leh tua hun ciangin noteʼ gen ding thu le pilna kong guan dinga, na galte uh khat beek in noteʼ thugen hong nial zo loin, zong hong sel zo lo ding uh hi.

Johan 3:34

Pasian in a sawl mipa tungah ama Kha a kicingin pia ahih manin a sawl mipa in Pasianʼ thugente mah a gen ahi hi.

ROM (Romans) 5:17

Mi khat bekʼ mawhna hangin sihna in hong uk ahihleh mi khat mah ahi Jesu Khris hangin nakpi takin a lian Pasianʼ hehpihna le mi hoih a sanna a ngah mite nungta-in thahat zaw kan ding uh hi.

ROM (Romans) 5:2

Ama hangin upna tawh tu-a i omna Pasian hehpihna sungah a tung ihi a, Pasian tawh minthanna ngahkhawm ding, ci-in lamen ihih manin i lung a dam hi.

ROM (Romans) 5:20

Khialhna a tam semsem nadingin thukham hong kipia hi. Ahi zongin khialhna a tamna munah Pasianʼ hehpihna hong lian zaw zel hi.

ROM (Romans) 8:9

Note sungah Pasianʼ Kha Siangtho hong om nakleh nomau pumpi deihna bangin gamta loin Kha Siangtho deihna bangin na gamta ding uh hi. Khris lungsim a nei lote Khris tawh kipawl lo hi.

Efesa 1:23

Tua pawlpi pen Khrisʼ pumpi hi a, tua pawlpi adingin a mahmah kipia-in, mun khempeuh a om pawlpite, thu khempeuh ah a cingtaaksak hi.

Efesa 3:19

Khris hong itna a kicing takin theih khit zawh loh ding ahi ta zongin note in thei-in, Pasian thu a cingin na theih nadingun thu ka hong ngetsak hi.

Kolose 1:19

Tua Tapa in Pasianʼ pianzia a kimin a neih nading, Pasian mahmah in a seh sa ahi hi.

Kolose 2:3

Khris pen Pasianʼ pilna le a thuthuk khempeuh a kitheih theih nading ahi hi.

1 PETER MASA 1:11

Khris in gimna thuakin, tua khit ciangin minthanna a ngah nading thu Kha Siangtho in a gen ciangin, amaute sungah a om tua Khrisʼ Kha Siangtho in kua a cihna hi a, bang hun ciang hi ding hiam, ci-in a kankan uh pen tu hun thu a gen ahi hi.

1 PETER MASA 1:2

Pa Pasian in ama ngimna sa bangin note hong teel a, note in Jesu Khrisʼ thu mangin, ama sisan tawh sianthona a ngah dingin a Kha Siangtho tawh note mi siangtho-in a hong bawl hi. Note tungah hehpihna le nopsakna thupha hong tam tun semsem tahen.