Johan 1:14 - Tedim Bible Revision 2017

¹⁴ Tua Thu mihing hong suakin kote lakah hong om a, itna nei-in citak mahmah ahih manin Pasianʼ pianzia a neihna ka mu cian uh hi. Hih pianzia pen Pasianʼ Tapa khat bek hihna tawh a neih pianzia ahi hi.

Tedim Bible

¹⁴ Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Johan 1:14 Iomraidhean Croise

Late 2:7

Topaʼ thukhenna tu-in kong gen ding hi: Amah in keima tungah, “Nang pen ka tapa na hi a, tu ni-in na Pa ka suak hi.

Late 45:2

Mihingte lakah nangmah na hoih pen a, thugen na siam a, na kam khum zungzung hi. Tua ahih manin Pasian in nang thupha hong pia tawntung hi.

Late 85:9

I gam sungah minthanna a om theih nadingin amah a zahtakte adingin ama hong hotkhiatna hong om takpi hi.

Isaiah 40:5

Topa’ kam in gen khin ahih manin, Topa’ minthanna vang hong kilang dinga, mi khempeuh in mu khawm ding uh hi,” a ci hi.

Isaiah 53:2

Bang hang hiam cih leh amah pen kungno khat ahi a, lei keu sungah a om singzung khat bangin ahi zongin ama mai ah khangto lel hi. Eiteʼ et dingin amah in lim le deihhuaina mel bangmah nei lo a, eiteʼ deih dingin hoihna nei lo hi.

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei dinga, ama min Immanuel kici ding hi.

Ezekiel 37:27

Amaute tawh teeng khawmin, amauteʼ Pasian ka hi dinga, amaute pen keima mite hi ding uh hi.

Mattiu 1:16

Jakob ta Josef hi a, Josef pen Khris a kici Jesuʼ nu Mary’ pasal ahi hi.

Luka 2:11

Tu ni-in David khuapi sungah, note a hong hon khia ding Khris Topa a suak hi.

Luka 2:7

Zintun nading mun dang khempeuh mi dim khinta ahih manin ganbuk ah tung uh a, a tacil ahi ta pasal khat nei-in, puan tawh tunin gan annekna kuang sungah a sial hi.

Luka 9:32

Peter le a lawm tegel lusu-in ihmu uh a, ahi zongin amaute hong khanglo-in, Jesuʼ minthanna vang le amah tawh a ding khawm mi nihte a mu uh hi.

Johan 1:1

A kipat cil-in Thu na om a, tua Thu, Pasian tawh na om khawm a, tua Thu, Pasian ahi hi.

Johan 11:40

Jesu in, “Na up nakleh Pasianʼ vangliatna na mu ding hi, ci-in hong gen khin hi lo ka hi hiam?” a ci hi.

Johan 14:6

Jesu in ama kiangah, “Keimah in Lampi ka hi a, Thuman le Nuntakna zong ka hi hi. Kei hong suang loin Pa kiangah kuamah tung thei lo ding hi.

Johan 14:9

Jesu in, “Filip aw, hih tanvei om khawm khin napi kei hong thei nai lo lai na hi hiam? Kei a hong mu khinte in Pa a mu khin ahih manin bang hangin, ‘Pa hong lak in,’ ci thei na hi hiam?

Johan 17:22

Nang le kei pum khat ihih mah bangin amaute zong pum khat a suah theih nadingun keima tungah na hong piak pianzia mah amaute tungah ka pia hi.

Johan 17:24

Pa aw, leitung a pianmapekin kei na hong itna hangin na hong piak pianzia a mu dingin keimah na hong piak mite zong ka omna ah a hong pai theih nading ka deihsak hi.

Johan 18:37

Tua ciangin Pilat in, “Tua ahihleh nang kumpi hi lo na hi hiam?” a cih leh Jesu in, “Kumpi hi, nangmah in na hong ci hi. Hih thuman a gen khia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Johan 2:11

Jesu in nalamdang a bawl masak pen Galilee gam Kana khua ah hih bangin Pasianʼ pianzia a neihna kilangsak a, a nungzuite in zong amah a um uh hi.

Johan 3:16

Pasian in leitung mite hong it mahmah ahih manin ama Tapa a um mi khempeuh si nawn loin a hin tawntung theih nadingun a Tapa neihsun a hong piak dongin a hong itna a hong lak hi.

Johan 3:18

Amah a um mite in mawhsak thukhenna thuak lo ding uh hi. Amah a um lote pen Pasianʼ Tapa neihsun um lo uh ahih manin mawhsak thukhenna a thuak khinta uh ahi hi.

Johan 6:51

Kei pen vantung panin a hong pai suk nuntakna an ka hi hi. Tua an a ne mi peuhmah nungta tawntung ding hi. Leitung mite a nuntak nadingin ka piak ding an pen keima sa ahi hi,” a ci hi.

Johan 8:32

Tua ciangin thuman na thei ding uh a, tua thuman in note hong suaktasak ding hi,” a cih leh

ROM (Romans) 8:3

Mihingte thahat lo ihih manin Thukham in ahih zawh loh thute Pasian in a hih zo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingteʼ mawhna lungsim mah a nei-in a hong pai hi.

ROM (Romans) 9:5

le a thupi pupiteʼ suanlekhakte hi uh a, leitung si le sa tawh kisai-in Khris zong amau minam sung panin a piang ahi hi. Hih thute hangin mi khempeuh in na khempeuh a uk Pasian phat tawntung ta uh hen! Amen.

1 KORIN MASA 15:47

A masa Adam pen leitung leivui tawh a kibawl hi a, a nunung Adam pen vantung panin a hong pai ahi hi.

2 KORIN NIHNA 12:9

Ahi zongin Topa in kei kiangah, “Na tha a nem ciangin keima vangliatna hat mahmah ahih manin nangma kisapna pen keima hehpihna hi bek hi,” ci-in hong dawng hi. Tua ahih manin keima sungah Khris vangliatna hong om theih nadingin lungdam takin ka thaneemna ka kisialh pih semsem hi.

Galati 4:4

Ahi zongin a hun a cin ciangin eite khempeuh Pasianʼ tate i suah theih nadingin Thukham nuai ah a om mite a hong tan khia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.

Efesa 3:8

Pasianʼ mi khempeuh lakah kei a neu pen hi napi-in, Khris hangin a kigen zo lo thu manpha ahi Lungdamna Thu, Gentail mite lakah a gen ding,

Kolose 1:19

Tua Tapa in Pasianʼ pianzia a kimin a neih nading, Pasian mahmah in a seh sa ahi hi.

Kolose 2:3

Khris pen Pasianʼ pilna le a thuthuk khempeuh a kitheih theih nading ahi hi.

Kolose 2:9

Bang hang hiam cih leh mihing hong suahna sungah Khris in Pasianʼ pianzia khempeuh a kimtakin nei a,

1 TIMOTI MASA 3:16

I biakna pen a thuthuk a thu lian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuh ah ama thu ki-umin, vantungah amah kila to hi.

Hebru 1:3

Tua Tapa in Pasianʼ minthanna vang hong taang khiasak a, Pasianʼ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasianʼ taklam, vantungah a tu hi.

Hebru 1:5

Bang hang hiam cih leh Pasian in vantungmi khat peuhpeuh tungah, “Ka Tapa na hi hi. Tu ni-in na Pa ka suak hi,” ci ngei lo hi. Tua mah bangin, “Kei, ama Pa ka hi dinga, amah, ka Tapa ahi ding hi,” ci-in zong kampau ngei lo hi.

Hebru 10:5

Tua ahih manin leitungah Khris hong pai ciangin Pasian kiangah, “Ganhing le khawh sa tawh biakna na deih kei a, nang kong biak nadingin pumpi khat nong vaihawmsak hi.

Hebru 2:11

Mawhna panin mite a siangthosak pa le sianthosakna a ngah mite in, Pa, a kibang a neikhawm uh hi. Tua hi a, Jesu in mite, “Sanggam,” a cih ding zum ngaihsut lo ahih manin,

Hebru 5:5

Tua mah bangin Khris zong, a mahmah in siampi lianpen nasep a sem tawm mawk hi loin Pasian in ama kiangah, “Nang, ka Tapa na hi hi. Tu ni-in na Pa ka suak hi,” na ci hi.

1 JOHAN MASA 4:14

Pa Pasian in leitung mite a hon khia dingin a Tapa a hong paisakna thu kote in thei-in midang kiangah gen belin ka nei uh hi.

1 JOHAN MASA 4:9

Pasian in eite hong itna hong bangci lah hiam cih leh: Ama hangin eite in nuntakna i ngah theih nadingin a Tapa neihsun Pasian in leitungah a hong paisak hi.

2 JOHAN NIHNA 1:7

Bang hang hiam cih leh leitungah midangte a khem tampi hong om ta a, tua mite in Jesu Khris, mihing banga hong paina thu a nial uh hi. Tua bang mite pen mi khemte hi a, Khrisʼ Gal ahi uh hi.

Mangmuhna 19:13

Sisan sungah a kidiah puan tualpi khat silh a, amah pen, “Pasianʼ Thu,” cihna min tawh a kisam hi.

Mangmuhna 21:3

Tokhom panin nakpi takin awging khat ka za a, “Tu-in Pasian omna inn pen mite tawh om khawm ta hi. Pasian in amaute ompih dinga, amaute pen ama mite hi ding uh hi. Pasian mahmah amaute tawh om khawm dinga, amah pen amauteʼ Pasian hi ding hi.