Johan 1:10 - Tedim Bible Revision 2017

¹⁰ Amah, leitungah om a, amah tawh leitung a kibawl hi napi-in leitung mite in amah na thei kha lo uh hi.

Tedim Bible

¹⁰ Amah in leitungah a om zo hi. Amah tawh leitung kipiangsak hi. Leitung in amah a thei kei hi.

Johan 1:10 Iomraidhean Croise

Piancilna 16:13

Tua ahih ciangin ama tungah thu a gen Topa pen, “Nang, a mu thei Pasian khat na hi hi,” a ci hi. Bang hang hiam cih leh amah in, “Keimah in Pasian mu khin taktakin, amah ka muh khit ciangin hing lai hi lo ka hi hiam?” a ci hi.

Piancilna 17:1

Abram kum sawm kua le kum kua a phak ciangin ama tungah Topa kilang a, “Kei, Vanglian Pasian ka hi hi. Hoihtakin gamta inla, paubaang kei in.

Piancilna 18:33

Abrahamʼ tungah a thugen ding a man khit ciangin ama pai nading ah Topa pai a, Abraham zong ama inn ah a ciahkik hi.

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a hum san uh mipa bangin amah kisimmawh a, eite in amah i thusim kei hi.

Mattiu 11:27

“Ka Pa in kei tungah na khempeuh hong pia khin hi. Pa sim loh Tapa a thei kuamah om lo a, Tapa le Tapa in a theihsak nop mite sim loh, pa a thei kuamah om lo hi.

Johan 1:11

A khua le a tui ah va pai a, ahi zongin a khuapih a tuipihte in ama thugen na ngai lo uh hi.

Johan 1:18

Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

Johan 1:3

Pasian in Thu tawh na khempeuh piangsak a, a kipiangsak na khempeuh, Thu tawh loin a kipiangsak khat beek om lo hi.

Johan 1:5

Tua khuavak pen khuamial lakah taang a, khuamial in tua khuavak a zo kei hi.

Johan 17:25

A Thuman ka Pa aw, leitung mite in nang hong thei lo uh hi. Ahi zongin keimah in nang ka hong thei a, kei na hong sawlna thu hih mite in zong a thei uh hi.

Johan 5:17

Ahi zongin Jesu in amaute kiangah, “Ka Pa in tu ni dongin na sem tawntung ahih manin kei zong ka sep ding mah ahi hi,” a ci hi.

Sawltak 14:17

Ahi zongin amah in a bangci Pasian hiam cih hong lahna-in mite adingin na hoih nono a hong pia hi. Amah in van panin guah hong zusakin, a hunhunin anlak hun ding hong tungsak hi. Amah in noteʼ nek ding an hong pia a, lungdamin a hong omsak hi,” a ci uh hi.

1 KORIN MASA 1:21

Pasian in ama pilna hong zang a, mihingte in amauʼ pilna tawh pasian a theih zawh loh nadingun a bawl hi. Tua ahih manin mite in, “A haihuai thu,” ci-in a ngaihsut uh i thuhilhna a umte, Pasian in hotkhiatna a pia zaw hi.

1 KORIN MASA 2:8

Hih leitung a uk mite kuamah in hih pilna thu thei lo uh hi. Thei hi le-uh, a minthang Topa pen singlamteh tungah na that lo ding uh hi.

1 KORIN MASA 8:6

eite adingin Pasian khat bek, Pa khat bek a om hi. Ama adingin i nuntakna pa, na khempeuh a piangsak pa ahi hi. Eite tungah nuntakna a hong pia, na khempeuh a piangsak Topa Jesu Khris khat bek a om hi.

Kolose 1:16

Vantung le leitungah a om na khempeuh, kha thu tawh kisai vangliatna, tote, mi ukte, aana neihnate a kipan a kimu thei hitaleh a kimu thei lo hitaleh na khempeuh, Pasian in amah zangin a piangsak hi. Leitung a kipanin huih lakah a om khempeuh dongin, Pasian in Khris adingin a mahmah zangin a piangsak hi.

Hebru 11:3

Pasianʼ kampauna tawh leitung le vantung piang a, tu-a i muh theih nate a om nai lopi panin hong piang hi, ci-in i upna bek mah tawh a thei ihi hi.

1 JOHAN MASA 3:1

Pa Pasian in eite bangzah takin hong itna thu thei un. Ama hong itna lian mahmah ahih manin eite pen Pasianʼ tate hong kici a, hong kicih mah bang ihi takpi hi. Leitung mite in tu hun ciang dong Pasian thei lo uh ahih manin eite zong a hong thei lo uh ahi hi.