Joel 3:16 - Tedim Bible Revision 2017

¹⁶ Zion Mual panin Topa hong hawk suk a, Jerusalem panin hong awngkek a, vanpi le leipi a liing damdam hi. Ahi zongin Topa pen ama miteʼ belh pa hi a, Israel mite a hu ding hi.

Tedim Bible

¹⁶ Zion Mual panin Topa hong hawk suk a, Jerusalem panin hong awngkeek a, vanpi leh leipi liing damdam hi. Ahi zongin Topa in, ama mite’ belhpa hi a, Israel mite’ munmuanhuai ahi hi.

Joel 3:16 Iomraidhean Croise

Late 18:2

Topa pen keima suangpi, ka munkip muanhuai, kei a hong hon khia pa, ka Pasian, ka suangpi, ka belh pa, ka lum, ka kihotkhiatna ki, ka munkip ahi hi.

Late 29:11

Topa in ama mite tungah thahatna pia tahen. Topa in ama mite tungah nopsakna thupha pia tahen.

Late 61:3

Bang hang hiam cih leh nang, keima bukna na hi a, galteʼ langah tausang muanhuai na hi hi.

Paunak 18:10

Topaʼ min pen tausang muanhuai tawh kibang a, thuman mite in belin lungmuangin om thei uh hi.

Isaiah 33:16

Tua hileh na tangtung ding uh a, kulh muanhuai mahmah sungah a om bangin lungnuam takin na om ding uh hi. Annek tui dawn na kitasam kei ding uh hi.

Isaiah 33:21

Tua khua sungah Topa in ama minthanna vang hong langsak dinga, a zai gunte le a zai lui geite ah i teeng ding hi. Tua tuite tungah ei hong do ding gal gunkuang hong kihot nawn lo dinga, gal teembaw zong hong pai nawn lo ding hi.

Isaiah 42:13

Mi thahatpa bangin Topa kuan khia a, gal a do mipa bangin ama hehna sosak hi. Amah kiko-in nakpi takin awng khia a, ama hatna a galte tungah a lak hi.

Isaiah 51:16

Vantungte zalin lei bulpi ka phut a, Zion kiangah, ‘Nang pen keima mi na hi hi. Nang tungah thu kong hilh khin a, ka khut tawh nang ka hong hu hi,’ ka ci hi,” a ci hi.

Jeremiah 16:19

Aw Topa, ka hatna le ka kulhpi, lungkham hun ciangin ka bukna pa aw, leimong panin gamdang mite nangma kiangah hong pai ding uh a, “Ka pu ka pate un zuau thu le bangmahin a kimang lo milimte longal bangmah dang a luah kei ding uh hi.

Jeremiah 17:17

Kei hong lausak kei in. Gimna hong tun ciangin kong belh pa na hi hi.

Ezekiel 38:19

Tua ni ciangin ka hehluatna tawh Israel gamah nakpi takin zin liing hen, ka ci ding hi.

Hosea 11:10

Humpinelkai bangin a galte uh ka hawk san gawp dinga, tua ciangin ka mite in kei hong zui ding uh hi. Nitumna lam gam panin kei kiangah hong nawh tai ding uh hi.

Amos 1:2

Amos in, “Zion Mual panin Topa hong hawk suk a, Jerusalem khua panin hong awngkek hi. Tua ahih manin lo nona gam teng keu gawp a, Karmel mual dawn dum dide teng kausan ta hi,” a ci hi.

Amos 3:8

Humpinelkai a hawk ciangin lau loin ki-om thei ahi hiam? Topa Pasian in thu a gen ciangin kua in ama thu gen loin om thei ding ahi hiam?

Nahum 1:7

Topa hoih hi; lungkham hunin a mite huh a, amah a beel mite limtakin a kem hi.

Haggai 2:6

“A sawt loin vanpi le leipi, tuipi le leitung ka lok gawp ding hi.

Haggai 2:7

Minam dang khempeuh lok gawp ding ka hih manin a neihsa uh sum le paite, hih munah hong kipuak dinga, biakinn sungah a dimin van hong om ding hi.

Zekhariah 10:12

Ka mite ka thahatsak dinga, amaute in kei hong bia-in ka thu hong mang ding uh hi, Topa in ci hi.

Zekhariah 10:6

Judah mite ka thahatsak dinga, Israel mite ka hon khia ding hi. Amaute ka khasiat dinga, inn ah ka ciahpih ding hi. Amaute cikmah hunin ka nial ngei loh bang keekin nuam takin a om ding uh hi. Kei pen Topa, amauʼ Pasian ka hi a, amauʼ thungetnate ka pia ding hi.

Zekhariah 9:12

Lametna a om no salte aw, ciahkik unla, a muanhuai mahmah na mun ngei uh zuankik un. Noteʼ thuakna sa a zah nihin thupha ka hong piak nading tu ni-in note kiangah kong gen hi.

Hebru 12:26

Tua hun lai-in thu a gen ciangin leitung kiliing a, ahi zongin tu-in amah in thu hong ciam a, “Leitung bek liingsak loin vantung tawh zong khatvei ka liingsak lai ding hi,” hong ci hi.

Mangmuhna 11:13

Tua hun laitakin nakpi takin zin liing a, a khuapi seh sawm suah seh khat tang ding kisiacip a, tua zin liing in mi tul sagih a sisak hi. A si lo a hing laite lau mahmah uh a, vantung Pasian a liatna thu a phat uh hi.

Mangmuhna 11:19

Tua ciangin vantungah a om Pasian biakna innpi kihong a, a Thuciamna Singkuang zong biakinn sungah a om a kimu hi. Tua ciangin nakpi takin khua phia-in a ging lianpi om a, van gingin zin liing a, gialpi a kia hi.

Mangmuhna 16:18

Tua ciangin khua hong phia-in, a ging lianpi hong om a, van hong gingin nakpi takin zin hong liing hi. Zin liing khempeuh lakah a husia pen ahih manin mihing a pian zawh hih bang zin liing omngei nai lo hi.

1 SAMUEL MASA 15:29

Israel-teʼ minthang Pasian in zong zuaugen lo dinga, zong kisik lo ding hi; bang hang hiam cih leh a kisik dingin amah mi hi lo hi,” a ci hi.