Joel 3:13 - Tedim Bible Revision 2017

¹³ Amaute gilo mahmah uh ahih manin an lak huna buhsi bangin at gawp unla, leenggahtui dawhna a dimletin a luang, leenggah cilna kuang sunga om leenggah bangin tuancil gawp un,” a ci hi.

Tedim Bible

¹³ Amaute gilo mahmah uh ahih manin, anlak huna buh at bangin at gawp un la, leenggahtui dawhna dim letin a luang leenggah cilna kuang sunga om leenggah bangin, tuancil gawp un.

Joel 3:13 Iomraidhean Croise

Piancilna 13:13

Tua laitakin Sodom mite migilo hi a, Topaʼ tungah nakpi takin a khialte ahi hi.

Piancilna 15:16

Khang lina ciangin hih lai munah amaute hong paikik ding uh hi. Bang hang hiam cih leh Amor miteʼ mawhna kicing nai lo hi,” a ci hi.

Piancilna 18:20

Tua ciangin Topa in, “Sodom le Gomorrah a kimawhsakna lianin, amauteʼ khialhna nasia mahmah kici ahih manin,

Isaiah 17:5

An a la mi in ankung ding laite kaikhawmin ante a kilak khit ciangin leitang a hawmguakin a om tawh kibang dinga, mi khat in Refaim Kuam sungah ansang a kaihkhop khit ciangin lo lai a hawmguakin a om tawh zong kibang ding hi.

Isaiah 63:3

Mite lak panin kuamah in kei hong huh lo a, keimah guak in leenggah cil bangin minam dangte ka cil hi. Sinsona tawh amaute ka cil a, hehna tawh amaute ka tuancil hi. Ka puan tungah amauteʼ si hong kitheh gawp a, ka puan khempeuh tungah sisan hong baang khin hi.

Jeremiah 51:33

Vanglian Topa, Israel-teʼ Pasian in ka hong genin ah, Babylon mite tawl khat khit ciangin an lak bangin kila dinga, sual tunga ancil bangin a kicil gawp ding hi.

Kah la 1:15

Topa in ka galkap a thahat pente nuihsan lel a, amah in kei a hong sim ding, ka tangvalte a susia dingin galkap honpi a hong kuansak hi. Amah in ka nungakte leenggah gawizan bangin a hong gawizansak hi.

Hosea 6:11

No Judah mite zong gim kong piak ding hun kiseh khinzo hi. Ka mihingte a ngei uh bangsakkik ning,

Mattiu 13:39

tahum tang a vawh galpa pen Dawimangpa ahi hi. Anlak hun pen leitung bei nading hun hi a, an la nasemte pen vantung mite ahi hi.

Marka 4:29

An a min ciangin an lak ding hun ahih manin amah in a phiaukawi tawh an at ding a kipan hi,” a ci hi.

Thu-hilhkikna 16:9

“An na lak masak ni uh a kipanin nipikal sagih na sim to ding uh hi.

Mangmuhna 14:14

Tua ciangin ka khuadak leh meiipi a bang a kang biakbuak om a, tua meiipi tungah mihing tawh a kibang khat tu-in, kham lukhu khu-in, a khut ah phiaukawi hiam khat a tawi ka mu hi.

Mangmuhna 19:15

Minam dangte a zawh gawp nading namsau hiam khat a kam sung panin a pusuak hi. Amah in sik ciangkhut tawh minam dangte ukin, a Vanglian Pasianʼ heh mahmahna tawh leenggah cilna ah leengtui a suk khia ding hi.