Joel 3:12 - Tedim Bible Revision 2017

¹² “Minam dangte hong kithawi henla, Jehoshafat Kuam ah hong kuan suk uh hen. Kimkot ah a om minam dang khempeuhʼ thu a khen dingin Topa ahi keimah, tua munah ka tu ding hi.

Tedim Bible

¹² Minamte hong kithawi hen la, Jehoshafat Kuam-ah hong kuansuk uh hen. Kiimkot-a om minam khempeuhte’ thu khen dingin, Topa ahi keimah, tua munah ka tu ding hi.

Joel 3:12 Iomraidhean Croise

2 KHANG TANGTHU NIHNATE 20:26

A ni li ni-in Berakah Kuam ah amaute kikhawm uh hi; bang hang hiam cih leh amaute in tua lai ah Topa phat uh hi. Tua ahih ciangin tu ni dongin tua lai mun pen Berakah Kuam kici hi.

Late 7:6

Tho in, Topa, a hehsa-in thasaan inla, ka galteʼ hehna panin kei hong dal in. Khanglo in, ka Pasian aw, thukhen nading hun khat na seh khinzo hi.

Isaiah 2:4

Amah in minamte khatlekhat kikalah thu khenin, mi tampiteʼ thu khensak ding hi. Amaute in a namsaute uh lokhawhna tu, a teipite uh singhiang heuhna temkawi-in a seek ding uh hi. Minam khat le minam khat kido nawn lo ding uh a, galdo dingin kithawi nawn lo ding uh hi.

Isaiah 22:1

Maangmuhna Kuam tawh kisai thu hih bangin gen hi: Kikona tawh a kidim, a gamlum khuapi, lungdamin a diang khua aw, note khempeuh, innkhum zang ah na kah toh uh bang na cihnopna uh ahi hiam? A kithat nangma mite pen namsau tawh a kithat hi lo a, gal sung a si hi lo uh hi.

Isaiah 3:13

Topa in thupang dingin ama panmun hong la a, ama miteʼ thu a khen dingin a ding hi.

Ezekiel 30:3

Minamteʼ siat nading hun Topaʼ ni hong nai ta hi.

Ezekiel 39:11

Topa in, “Hih thu hong pian ni ciangin Israel gam sung Si Tuipi nisuahna lamah a om Khualzin Miteʼ Kuam a cihna sungteng, a kivui nadingun Gog ka pia ding hi. Gog le a galkap honpite, tua lai munah kivui ding ahih manin khualzin miteʼ lampi khaktan dinga, tua mun pen, ‘Gog Galkapteʼ Kuam,’ kici ding hi.

Joel 3:14

Thukhenna Kuam ah a tul a thenin om uh hi. Bang hang hiam cih leh tua lai munah Topaʼ ni hong tung baih ding hi.

Joel 3:2

Minam dang khempeuh kaikhawmin Jehoshafat Kuam ah ka paipih ding hi. Ka mihingte tungah a bawlnasa uh hangin tua munah amaute thu ka khen ding hi. Amaute in Israel mite, gam dangah thehthang uh a, ka gam sungteng phel hawm mangkhin uh hi.

Micah 4:3

Amah in minam tampiteʼ thu khensak dinga, Israel gam panin a gamla pekah a om, minam vanglianteʼ thu khensak ding hi. Amaute in a namsaute uh lokhawhna tu-in seek ding uh a, a teipite uh singhiang heuhna temkawi-in seek ding uh hi. Minam khatlekhat kido nawn lo ding uh a, gal kidona thei kha nawn lo ding uh hi.

Zekhariah 14:4

Tua ciangin Jerusalem nisuahna lamah a om Oliv Mual tungah Topa a ding ding hi. Tua ciangin nisuahna lam pan nitumna lamah Oliv Mual kitamin phel nih suak dinga, a kikalah kuampi om ding hi. A mual kim khat leilu lamah kikhiinin, kim khat leitaw lamah kikhiin ding hi.

Mangmuhna 19:11

Tua ciangin vantung a kihong ka mu a, sakol kang khat a om hi. A tungah a tuang pa pen a Citak a Thuman pa kici hi. Amah in thumanin thu khenin gal a do hi.