Joel 2:8 - Tedim Bible Revision 2017

⁸ Amauʼ lampi san ciat hong tawn uh a, a kiphu kha kuamah om lo uh hi. Amau mah dal nadingin a kibawlte hong phu gawp uh a, khawl het loin hong paisuak uh hi.

Tedim Bible

⁸ Amau’ lampi san ciat hong tawn uh a, kuamah a kiphukha om lo uh hi. Amau mah dalna dinga kibawlte hong phu gawp uh a, khawl het loin hong paisuak uh hi.

Joel 2:8 Iomraidhean Croise

2 KHANG TANGTHU NIHNATE 23:10

Tua ciangin amah in mi khempeuh a galhiam ciat uh tawh kumpipa a cingin, biakinn leitaw lam pang pan leilu lam pang, biakna tau le inn kiimah a koih hi.

2 KHANG TANGTHU NIHNATE 32:5

Amah in lungsim kho takin sep ding kipan a, a cim sa kulh khempeuh ciang pha-in tua tungah tausangte koih to a, tua pua lamah kulh dang khat a ciang hi. Amah in David khuapi sungah Millo a muanhuai-in a bawl pha hi. Amah in galhiamte le lumte zong tampi bawl hi.

Nehemiah 4:17

Kulh-a cian ding na a nawn mite in a khut lang khat uh tawh a van puak uh lenin a khut lang khat uh ah galhiam tawi uh hi.

Nehemiah 4:23

Tua ahih ciangin keimah a kipan ka behte, ka nasemte le kei hong cingte, a kuamah peuh puan suah man om loin, mi khempeuh in ka khut uh ah galhiam ka tawi den uh hi.

JOB (Job) 33:18

Pasian in mihingte siatna thuaksak lo a, sih nading panin amaute a hon khia hi.

JOB (Job) 36:12

Ahi zongin ama thu mang kei le-uh, namsau tawh si ding uh a, misiteʼ gam zuan ding uh hi.

Paunak 30:27

Kauphete: Kumpi nei lo napi-in a kituak diamdiamin hon tat thei uh hi.

Solomon la 4:13

Tua huan sungah singkungte hoihtakin khang a, mang kawlsing cinna huan tawh kibang hi. Singgah limci pente tua lai ah gah a, henna leh nard sing namtuite tua lai ah a po hi.

Isaiah 5:27

Tua a hong pai mite kuamah gim lo uh a, kuamah tuk lo uh hi. Kuamah lusu lo a, kuamah ihmu lo uh hi. Dialkaih khat zong kol lo a, khedap khau khat zong kitat lo hi.

Joel 2:7

Galte bangin hong sim uh a, galkapte bangin kulh tungah hong kah uh hi. A vekpi-in tangtakin mai hong nawt uh a, a hong heem pai kuamah om lo hi.

Joel 2:9

Khuapi sung hong kidenna uh a, kulh tung khawngah tai zaizai uh hi. Inn tung khawngah kah to ngeingai uh a, gutate bangin tawlet ah hong lut uh hi.