Joel 2:23 - Tedim Bible Revision 2017

²³ “Zion mite aw, kipak unla, Topa na Pasian uh tungah lungdam ta un. Note in an na hauh theih nadingun nidang a bangin khuapi guah, tuk guah le phalbi guah, a hoihbek zah hong zusak hi.

Tedim Bible

²³ “Zion mite aw, kipak un la, Topa, na Pasian uh tungah lungdam un. Note in an na hauh theih nadingun, ni danga bangin khuapi guah, tuk guah leh phalbi guah, a hoih bek hong zusak hi.

Joel 2:23 Iomraidhean Croise

1 KUMPI MASATE 8:36

vantung panin za-in na mi Israel, na nasemteʼ khialhna maisak inla, amauteʼ zuih ding lampi hoih hilh inla, na mite tungah gamh-in na piak sa leitang tungah guah zusak in.

JOB (Job) 33:23

“Mihingteʼ tavuan a phawksak, Pasianʼ vantungmi tul tampite lak panin vantungmi khat amah a huh dingin hong paikhia ding hi.

JOB (Job) 37:13

Pasian in mihingte gim a piak nading ahi a, pahtakna a lah nading ahi zongin, leitungah tu-a bangin a piangsak hi.

Late 104:34

Topa in hong lungdamsak ahih manin ka lasaknate in zong amah lungdamsak tahen.

Late 147:8

Amah in vanpite meiipi tawh tuamin, leitung adingin gun bawl a, mualte tungah lopa a posak hi.

Late 149:2

Amah a Bawlpa tungah Israel lungdam henla, amauʼ Kumpipaʼ tungah Zion mite kipak tahen.

Late 28:7

Topa, ka hatna le ka lum hi a, amah ka muang hi. Tua ahih manin kei hong kihuh a, lungdamin ka diang a, ka lasakna tawh ama tungah lungdamna ka ko hi.

Late 32:11

Thumante aw, Topa tungah lungdamin kipak un. Lungsim man mi khempeuh aw, lungdamin awng un!

Late 84:6

Amaute in Kuam keu mun kantanin a pai laitakun tua kuam pen ciktui tampi tawh kidim a, guahzu masate in zong tua mun pen bualtuite tawh a kidimsak hi.

Paunak 16:15

Kumpipa maitai leh nuntakna hi a, ama pahtakna pen tuk hunin guah a zusak meiipi tawh kibang hi.

Isaiah 30:21

Tak lamah na kihei ciang uh ahi a, veilamah na kihei ciang uh ahi zongin, “Hih pen lampi hi, hih tawn un,” cihna aw, na nung lam panun na bil un a za ding hi.

Isaiah 30:23

Khaici na tuh nadingun amah in guah hong zusak dinga, lei panin a piang an hoih tampi tak hong pia ding hi. Tua ni ciangin gankhahna, mun zaina ah na ganhingte un lopa ne ding uh hi.

Isaiah 41:16

Amaute na haih ding uh a, huih in amaute mut khia dinga, huihpi in amaute thehthang ding hi. Tua ciangin Topa’ hangin na lungdam ding uh a, Israel-teʼ Siangtho Paʼ hangin na minthang ding uh hi.

Isaiah 61:10

Topa’ hangin nakpi takin ka lungdam dinga, ka Pasianʼ hangin kipakin ka diang ding hi. Bang hang hiam cih leh zipi pa puan hoih tawh kizemin, mothak nu a suang manphate tawh a kizep mah bangin amah in hotkhiatna puan kei hong silhsakin, thumanna puanpi tawh kei hong tuam khin hi.

Jeremiah 3:3

Tua hang mahin guahtui kikangsak a, guah nunung hong zu lo hi. Ahi zongin numei paktatte tawh a kibang hi napi-in na maizum thei kei lailai hi.

Jeremiah 5:24

A lungsim sung uh ah, ‘A huna guah hong zusak a, tuk guah, khal guah hong pia a, anlak hun ding a hong sehsak den Topa i Pasian zahtak ni,’ a ci kei uh hi.

Kah la 4:2

Kham bangin a manpha Jerusalem tangvalnote, leibeel bang lelin kibawl khinta hi.

Ezekiel 34:26

“Amaute thupha pia-in ka mual siangtho kiimah ka omsak ding hi. A kisap hunhunin thupha guahtui ka zusak ding hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai dinga, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

Siampi Laibu 26:4

keimah in note tungah guahtui a hunin kong pia dinga, leitang in an hong piangsakin, lo-a kungte in amauʼ gah gah ding uh hi.

Amos 4:7

Tua ahih manin anlak hun ding kha thum bek in a sap laitak, lo lai-a om ante in guahtui a sap mahmah laitakin guah ka zusak kei a, khuapi khat bekah zusakin a dangte ah ka zusak kei hi. Lo khat bekah guah zu a, a zuk lohna lote a keutum hi.

Zekhariah 10:1

Singkung lopa a sel hunin Topa kiang pan guah ngen un. Meii kaisakin, guah zusak a, ankung khempeuh a dumsak pa, Topa ahi hi.

Zekhariah 10:7

Israel mite, galkap hatte bang ding uh a, zukham lungnuam, bang ding uh hi. A suan a khakte un hih gualzawhna phawkin lungdam ding uh a, Topaʼ bawlna hangin kipak ding uh hi.

Zekhariah 9:13

Grik mite, sim nadingin Judah, thal bangin keekin, Israel thaltangin ka zang dinga, Zion mite, namsau-in ka zang ding hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh la no tungah hong tuang hi.

Sawltak 14:17

Ahi zongin amah in a bangci Pasian hiam cih hong lahna-in mite adingin na hoih nono a hong pia hi. Amah in van panin guah hong zusakin, a hunhunin anlak hun ding hong tungsak hi. Amah in noteʼ nek ding an hong pia a, lungdamin a hong omsak hi,” a ci uh hi.

Thu-hilhkikna 11:14

na an uh le na leenggahzu uh le na sathau uh na kaihkhop theih nadingun amah in guah masa le guah nunung, a hunin na leitang uh adingin hong zusak ding hi.

Thu-hilhkikna 28:12

Noteʼ leitang ah ama hunin guah a zusak ding le na sepna khempeuh uh thupha a pia dingin Topa in a na hoih kholna vantung note hong hon ding hi. Note in minam tampite tungah leitawi na pia ding uh a, ahih hangin note in leitawi na la kei ding uh hi.

Thu-hilhkikna 32:2

Ka thuhilhte guah mal bangin zu-in, ka thugente daitui bangin kia henla, lo ngeek tunga guah phin leh ankung tunga guahzu bang tahen.

Filippi 3:1

A tawpna ah, sanggamte aw, Topa in note tungah lungdamna hong tungsak tahen. Ka hong gelh sa thute ka hong gelhkik ding cimtak huai ka sa kei a, note adingin lungmuan huai zaw lai hi.

Filippi 3:3

Bang hang hiam cih leh eite in Kha Siangthoʼ hong huhna tawh Pasian bia-in, Jesu Khris tawh i kipawl manin lungdamin, a tung lam a kilang vun-atna limte muanin nei lo ihih manin, amaute hi loin, eite pen vun-atna man taktak a zang mite ihi zaw hi.

Filippi 4:4

Topa sungah lungdam tawntung un, ka hong cih sa bangin tu-in zong lungdam un, ka hong cikik hi.