Joel 2:22 - Tedim Bible Revision 2017

²² Ganhingte aw, lau nawn kei un. Gam sung tengah lo no ta a, singkungte gah ta-in, theigah le leenggah tampi a om hi.

Tedim Bible

²² Ganhingte aw, lau nawn kei un; gamsung tengah lo no ta a, singkungte gah ta-in, theigah leh leenggah tampi om hi.

Joel 2:22 Iomraidhean Croise

Piancilna 4:12

Lo na khawh ciangin nang adingin an hong piangsak nawn lo ding hi. Nang pen a galtai, leitung a a vakvai na hi ding hi,” a ci hi.

Late 36:6

Na thumanna pen Pasianʼ mualte tawh kibang a, na thukhennate pen tuipi thuk tawh kibang hi. Mihing le ganhing na hon hi, Topa aw.

Late 65:12

Ganhing tatna, a noptuak mahmah munte ah ganhing honte omin, mualte khempeuh zong lungdamna tawh kidim a,

Late 65:13

gamlak lo nona munte tuu hon tawh kizemin, kuampite an tawh kidim a, amaute lungdamin awngin la a sa khawm uh hi.

Late 67:6

Leitang in ama hauhna gah khia khinta a, Pasian, eima Pasian in eite thupha hong pia khin hi.

Isaiah 51:3

“Tu-in Zion ka hehnem ding hi. A kisia ama munte khempeuh puahpha-in, ama gamlakte Eden huan sung ka bangsak dinga, ama sehnel gamte Topa’ huan ka bangsak ding hi. Ama sungah lungdamna le kipahna, lungdamkohna le lasakna awging om ding hi.

Ezekiel 36:30

Na singgah kungte uh le na lo lai ante uh tampi tak ka phasak dinga, minam dangte lakah gilkial a mindaina na thuak kha nawn kei ding uh hi.

Ezekiel 36:35

Hih leitang pen gammang tulak a bang ngei hi napi-in tu-in Eden Huan a batna le a kisusia, a kiluh gawp, a kinusiacip khuapite pen tu-in a muanhuai kulh tawh ki-umin a sungah mi a teenna thu mi khempeuh in gen belin nei ding uh hi.

Ezekiel 36:8

Ahi zongin Israel mual tung gamte ah no ka mi Israel-te adingin singkungte in teh le gah hong neikik ding uh a, a sawt loin note, inn ah a hong ciahkik ding na hi uh hi.

Jonah 4:11

Tua ahihleh keimah in ganhing tampi tham lo, a taklam khut le a veilam khut nangawn a khen thei nai lo naupang tul za le tul sawm nih sangin a tam zawteʼ teenna, a lian mahmah Nineveh khuapi pammaih sa lo ding ka hi hiam?” ci-in a dawngkik hi.

Haggai 2:16

An seu sawm nih pha ding ci-in ansal ah na pai uh ciangin seu sawm bek na pha a, leenggahzu thawlpi sawm nga pha ding ci-in leenggahzu kholna beel pi ah na pai uh ciangin thawlpi sawm nih dim bek a na pha hi.

Zekhariah 8:12

Lungnuam takin lokho singpua-in nuam a sa ding uh hi. Leengguite gah pha dinga, guah tampi zu-in lo ah an tampi piang dinga, a suakta lai ka minamte tungah hih bang thupha khempeuh ka tungsak ding hi.

1 KORIN MASA 3:7

Khaici vawh pa le tui buak pa a thupi hi lo a, a khangsak Pasian a thupi hi bek hi.