Joel 2:10 - Tedim Bible Revision 2017

¹⁰ Amauʼ mai ah leipi liing a, vanpi nangawn liing damdam hi. Ni le kha zong mial ta a, aksite zong taang nawn lo hi.

Tedim Bible

¹⁰ Amau’ mai-ah leipi liing a, vanpi nangawn liing damdam hi. Ni leh kha zong mial ta a, aksite zong taang nawn lo hi.

Joel 2:10 Iomraidhean Croise

Late 114:7

Leitung aw, suangpi, bualtui suaksak a, meisuang, ciktui a suaksak, Jakobʼ Pasianʼ omna, Topaʼ omna ah liing in.

Late 18:7

Ama hehna hangin leitung kipumpei-in kivei a, mual bulpite zong kisingin liing damdam hi.

Isaiah 13:10

Bang hang hiam cih leh vantung aksite le amauʼ aksi honpite in khuavak pia khia lo ding hi. Ni a suah tung a kipan mial dinga, kha in zong khuavak taang khiasak lo ding hi.

Isaiah 34:4

Vantung a a om khempeuh muat mang dinga, laidal bangin vantungte kizial ding hi. Leenggui panin a tehte pulhin, theikung panin a tehte a pulh bangin aksi hon khempeuh pulh ding uh hi.

Isaiah 5:30

Tua ni ciangin amaute in tuipi ging bangin Israel ngik ding uh hi. Mi khatpeuh in hih gam sung en leh khuamial le lungzinna bek om a, meiite in khua a mialsak hi.

Jeremiah 4:23

Leitung ka et leh limlemel nei lo a, vantungah zong khuavak om lo hi.

Joel 2:2

Tua ni pen a mial, a lungzinhuai, meii kai-in khuazinʼ ni ahi ding hi. Mual tung a meiipi kai bangin sim zawh lohin kauphe honpi hong leeng muaimuai hi. Cikmahin hih bang thu omngei nai lo a, cikmah ciangin zong omkik nawn lo ding hi.

Joel 2:31

Topaʼ ni, tua a lauhuai hun a hong tun ma-in ni hong mialin, kha, sisan hong bang ding hi.

Joel 3:4

“Taia khua, Sidon khua le Filistia gam khempeuh aw, kei bang hong cih nuamin a kinei na hi uh hiam? Bang khat peuhpeuh hangin hong thukkik nuamin a kinei na hi uh hiam? Kei a hong thukkik na hih uh leh, kei zong manlang takin kong thukkik pah ding hi.

Amos 5:8

Van a om aksi Seguk le Zawlzawngte bawlin, khuamial pen khuavak suaksak a, sun pen zan suaksakin, tuipi panin tuite sam khia a, leitungah tua tui a bua khia pa a min pen Topa ahi hi.

Nahum 1:5

Ama mai ah mual liante liing a, mual neute a tui suak hi. Ama mai ah leitang kicim a, leitung le a tunga om khempeuh a liing uh hi.

Mattiu 24:29

“Tua gimna hun a tun khit phetin ni hong mialin kha hong taang nawn lo dinga, vantung panin aksite hong kia dinga, vantung a om nate a pai ngei-in pai thei loin lampial gawp ding hi.

Mattiu 27:51

Tua laitakin biakinn sung deina puan, a lu panin a taw dongin kikekin phel nih a suak hi. Zin zong liingin suangtumpite kitam hi.

Sawltak 2:20

Topaʼ ni, a lian thupi ni, hong tun ma-in ni hong mialin, kha, sisan hong bang ding hi.

Mangmuhna 20:11

Tua ciangin tokhom kang a lian khat le a tungah a tupa ka mu hi. Ama omna panin lei le van leng khia mang a, a tunna mel uh kithei lo hi.

Mangmuhna 6:12

Ciaptehna gukna a hon ciangin ka khuadak le nakpi takin zin hong liing a, ni pen puan vom bangin hong vomin, kha pen sisan bangin a hong san hi.

Mangmuhna 8:12

A lina vantungmi in a peengkul hong tum a, ni seh thum suah seh khat kisat khia-in, kha zong seh thum suah seh khat mah kisat khia a, aksi zong seh thum suah seh khat mah kisat khia ahih manin a taanna uh seh thum suah seh khat ciat a bei hi. Sunin hun seh thum suah seh khat tang khua vak lo a, zanin zong hun seh thum suah seh khat tang mah kha le aksi taang lo hi.

Mangmuhna 9:2

Amah in tua kuahawm thukpi a hon ciangin meiphual pi panin meikhu bangin meikhu tampi hong pusuak a, tua meikhu hangin ni mialin khim a zing hi.