Jeremiah 8:3 - Tedim Bible Revision 2017

³ Hih a gilo minamteʼ lakah a om lai sunteng in ka hawl khiatna munah nuntak ding sangin sih ding a teel zaw ding uh hi, Vanglian Topa in kong ci hi.

Tedim Bible

³ Hih a gilo minamte’ laka a omlai sun teng in ka hawlkhiatna munah nuntak ding sangin sih ding a teelzaw ding uh hi, a vanglian Topa in kong ci hi.

Jeremiah 8:3 Iomraidhean Croise

1 KUMPI MASATE 19:4

Ahih hangin a mahmah gamlak ah ni khat lam pai lai-in poding kung nuai khat ah a tu hi. Tua ciangin amah in a sih nading thu ngenin, “Pha zo hi; tu-in Topa aw, ka nuntakna hong la ta in; bang hang hiam cih leh ka pate sangin kei ka hoih zaw kei hi,” a ci hi.

Jeremiah 23:3

Ka mite a om lai sunteng, ka hawlkhiat nading gamte panin ka kaikhawmkik dinga, a gam uh ah ka ciahsakkik ding hi. Amaute pungin a khang ding uh hi.

Jeremiah 23:8

‘A hawl khiatna leilu lam gam le gamdangte khempeuh panin Israel miteʼ suanlekhakte kaikhawmin a makaih Topa a nuntak bangin,’ ci-in a kiciam zaw ding uh hi. Tua ciangin amaute amauʼ gam sung mahah a teeng ding uh hi,” a ci hi.

Jeremiah 29:14

Topa in kong cih in ah, note in nong mu ding uh a, na saltanna uh hong beisakin, kong hawl khiatna gam khempeuh le mun khempeuh panin kong kaikhawmkik dinga, note kong lak khiatna gam mahah kong tunpihkik ding hi, Topa in kong ci hi.

Jeremiah 29:28

Bang hang hiam cih leh amah in Babylon khua-ate lai hong khakin, sawt veipi saltang ding na hih manun, inn lamin a sungah teeng unla, huan bawlin a sunga na cinte uh ne un, hong ci hi,” ci-in a gelh hi. Hih bangin Zefaniahʼ kiangah a laikhakna thu tawh kisai Shemaiah kiangah a gen dingin Pasian in kei hong sawl hi.

Jeremiah 40:12

Tua ciangin Jew mi khempeuh a kithehthangna mun khempeuh panin Judah gamah hong ciahkik uh a, Mizpah khua Gedaliah kiangah hong pai uh hi. Leenggahzu le khuakhal an tampi a kaikhawm uh hi.

Jeremiah 44:2

“Vanglian Topa, Israel miteʼ Pasian in kong genin ah: Note in Jerusalem khua le Judah gam khuapi khempeuh tungah ka tunsak gimna na mu zo uh hi. En un, tu ni-in tua khuate a sia sa mahin om lai a, kuamah teeng lo hi.

Jeremiah 44:6

Tua ahih manin Judah gam khuapite sung le Jerusalem khua kongzing lakah ka hehna le ka thangpaihna ka bua a, ka kuangsak hi. Tu ni-a na muh uh bangin tuate kisia-in gamlak suak khinta hi.

Jeremiah 6:9

Vanglian Topa in kei hong hopih a, “Leenggah lo ah a sangte a kilawh khit bangin Israel mi a om lai sunteng lo siang vet in,” hong ci hi.

Daniel 9:7

Topa, nang na hih leh na siangtho a, ahih hangin kote ka hih uh leh a zumhuai-in ka gamta uh hi. Judah gam le Jerusalem khua sunga teeng Israel mite khempeuh thuman lo uh ahih manin, a nai a gamla gam tuamtuam ah na thehthang zo hi.

Siampi Laibu 26:33

Keimah in minam dangte lakah note kong thehthang dinga, keimah in namsau a paai panin dokin note kong delh ding hi. Na leitang uh gamkhing suak dinga, na khuapite uh a sia hi ding hi.

Amos 3:1

Israel mite aw, noteʼ lang khat a Topaʼ thugen, hih thu limtakin ngai un: Egypt gam panin na minam bupun note kong paikhiatpih hi.

Jonah 4:3

Tua ahih ciangin Topa aw, tu-in ka nuntakna hong la in, ci-in kong thum hi. Bang hang hiam cih leh ka nuntak sangin si leng kei adingin a hoih zaw hi,” a ci hi.

Micah 2:3

Tua ahih ciangin Topa in hih bangin ci hi: Noteʼ tungah gimna tunsak ding ka ngaihsun a, tua gimna tawh na kipelh thei kei ding uh hi. Note adingin hunhoih lo hi ding ahih manin kiphatsakna tawh na gamta nawn kei ding uh hi.

Thu-hilhkikna 30:1

“Noteʼ mai ah ka koih, na teel ding thu thupha le samsiatna, hih nate khempeuh note tungah hong tungin, Topa in note hong hawl khiatna minamte lakah hih thute phawkkikin,

Thu-hilhkikna 30:4

A kihawl khia na mite uh van mong pekah a om leh zong, Topa na Pasian un tua lai panin note hong khawmin, tua lai panin amah in hong paipih ding hi.

Mangmuhna 6:16

mualte le suangtum lianpite kiangah, “Kote tungah hong kia suk unla, tokhom tungah a tupaʼ maitang le Tuunoʼ hehna panin kote hong liah un.

Mangmuhna 9:6

Tua hun ciangin mite in a sih theih nading uh a zonzon uh hangin sih theih nading lampi mu lo ding uh a, si nuam mahmah napi-un si thei het lo ding uh hi.