Jeremiah 2:3 - Tedim Bible Revision 2017

³ Israel mite pen Topa adingin a tuam om hi a, ama anlakna ah a anpalte ahi uh hi. Amaute a ne peuhpeuh a mawh suak uh a, gimna a thuak uh hi, Topa in hong ci hi, ci-in va gen in,” hong ci hi.

Tedim Bible

³ Israel mite Topa’ ading-a a tuam om hi a, ama’ an lakna-ah an palte ahi uh hi. Amaute a ne peuhpeuh a mawh suak uh a, gimna a thuak uh hi, Topa in hong ci hi, ci-in va gen in,” hong ci hi.

Jeremiah 2:3 Iomraidhean Croise

Paikhiatna 22:29

“Na anlakna pan uh le sathau le leenggah na suknate uh panin a leet khiate piakkhiat ding na zekai kei ding uh hi. “Na tapa cilte uh keima tungah nong pia ding uh hi.

Paikhiatna 23:16

Note in lo-a na tuh uh, na nasepna uh a gah masa, anlak pawi na bawl ding uh hi. Note in lo panin na nasepna uh a gah na kaihkhop uh kum bei ciangin an kaihkhopna pawi na bawl ding uh hi.

Isaiah 41:11

Nangma tungah a heh mite khempeuh maizumna kithuaksakin kikoih khong ding hi. Nangmah hong dem mite a mawkna suakin siatna thuak ding uh hi.

Isaiah 47:6

Ka mite tungah ka heh a, ka luah gamh ka ninsak hi. Nangma khut sungah amaute kong pia a, nangmah in amaute na hehpih bawl kei hi. A khangham mite nangawn na ngongbawl mahmah hi.

Jeremiah 12:14

Ka mi Israel-teʼ luah dingin ka piak gamh a susia nuam a gilo a veengte tawh kisai-in Topa in ka cih in ah, “En un, a gam uh panin amaute ka bot khia dinga, amauʼ khut sung panin Judah mite ka suaktasak ding hi.

Jeremiah 2:4

Jakob suan le Israel innkuan khempeuhte aw, Topaʼ kammal ngai dih un.

Jeremiah 30:16

Tua ahih manin no hong thatte kithat dinga, na galte khempeuh uh salin kimankik ding hi. No hong buluhte kibuluh dinga, no a hong mante, matin om zaw ding uh hi.

Jeremiah 50:7

Amau a mute in na ne gawp uh hi. A galte un, ‘Ko bangmah khialhna ka nei kei uh hi. Bang hang hiam cih leh a pute a pate un a muan leh a lametna uh Topaʼ tungah amaute a khial uh hi,’ a ci uh hi.

Joel 1:3

Hih thute khempeuh na tate uh kiangah gen unla, na tate un amauʼ tateʼ tungah na gen sawn uh henla, amaute in a khangsawnte tungah na gen sawn leuleu uh hen.

Amos 6:1

Israel minamte in muanin a hong neih, i minam lakah ulian ahi, Zion ah nuam takin a om hithiat, Samaria ah lungmuang takin a om note adingin zumhuai mahmah hi.

Habakkuk 1:11

Tua ciangin huihnung bangin paisuak uh a, amauʼ hatna bek a suang uh hi,” a ci hi.

Zekhariah 1:15

Tua bangin nuam takin a om hithiat minamte tungah ka heh mahmah hi. Ka mite tungah ka hehna ki-ip tentanin ka om laitakin, hih minam dangte in ka miteʼ gimna nasiasak semsem uh hi.

Zekhariah 2:8

Hih bangin maang ka muh khit ciangin, ama miteʼ na a sut gawp minam dangte kiangah thu a gen dingin Vanglian Topa in kei hong sawl a, Topaʼ mite a su mi peuhpeuh in a mitnauta bangin a manpha pen khat a su ahi hi.

Gamlak-vakna 18:12

“Sathau limci pen khempeuh le leenggahzu le an a limci pen khempeuh, Topaʼ tungah amauʼ piak anpalte, noteʼ tungah kong pia hi.

ROM (Romans) 11:16

Anlum a ki-em masa sung panin a them khat Pasian biakna-in a kipiak ciangin a anlum buppi zong Pasian-aʼ mah hi pah a, singkung khatʼ zung zong Pasian a kipiak ciangin a hiang khempeuh zong Pasian-aʼ mah ahi hi.

ROM (Romans) 16:5

Amauʼ inn-a kikhawm pawlpi mi khempeuh zong na hopihsak un. Asia gam sungah Khris thu a um masa pen pa ahi ka lawm it mahmah Epainetas zong na hopihsak un.

Efesa 1:4

Ama mai ah eite pen paubaanna a nei lo, mi siangthote ahi ding le Khris hangin ama mite ahi dingin leitung a pian mapek nangawnin Pasian in a hong teel sa ihi hi.

Thu-hilhkikna 14:2

Bang hang hiam cih leh note pen Topa na Pasian uh tungah a siangtho mite na hi uh a, leitung a om mite khempeuh sung panin ama neih dingin Topa in note hong teel ahi hi.

Thu-hilhkikna 26:19

ama bawl sa minam dangte khempeuh sangin phatna le minthanna le pahtawina a lian zaw a ngahin hong koih nading le ama gen sa mah bangin Topa noteʼ Pasian adingin a siangtho mi na hih nading uh hong gen khin hi,” a ci hi.

Thu-hilhkikna 7:6

“Bang hang hiam cih leh note pen Topa noteʼ Pasianʼ tungah a siangtho mi na hi uh hi. Leitung a om mite khempeuh sung panin ama mi ahi dingin Topa na Pasian un note hong teel zo hi.

Jeim 1:18

Ama piansakte khempeuh lakah eite a masa pen i suah theih nadingin thuman thutak zangin ama utthu tawh eite a hong piangsak tawm ahi hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasianʼ mite na hi uh a, khuamial sung panin a lamdang mahmah ama khuavak sungah a hong sam khia paʼ nasepna a lamdangte a gen khia dingin Pasian in a hong teel mite na hi uh hi.

Mangmuhna 14:4

Hih mite in numei tawh paktatna gamta ngei nai lo uh a, paubaanna a nei lote ahi uh hi. Amaute in Tuuno a paina peuhpeuh ah zui uh a, midang khempeuh sung panin a kitan khia sa, Pasian le Tuuno tungah a kipia masa mite ahi uh hi.