Hosea 12:3 - Tedim Bible Revision 2017

³ Jakob in a nu sung nangawn pek panin a sanggampa sawk pah a, a khangham ciangin zong Pasian tawh kilaii hi.

Tedim Bible

³ Jakob in a nu’ sung nangawn pek panin a sanggampa sawk pah a, a khangham ciangin zong Pasian tawh kilai hi.

Hosea 12:3 Iomraidhean Croise

Piancilna 25:26

Tua khit ciangin a sanggampa hong suak khia a, ama khut in Esauʼ khetul len hi. Tua ahih ciangin ama min dingin Jakob kiphuak hi. Amauʼ suah ciangin Isaac kum sawm guk a pha hi.

2 KUMPI NIHNATE 17:18

Tua ahih ciangin Israel mite tungah Topa heh a, ama muhna panin amaute hem khia hi. Kuamah dang om nawn loin Judah gam mi bek om lai hi.

2 KUMPI NIHNATE 17:20

Tua ciangin Topa in Israel suanlekhakte khempeuh nialin amaute gimsak a, ama muhna panin amaute a paihkhiat dongin amaute a siasak migiloteʼ khut sungah amaute a pia hi.

Jeremiah 2:9

“Tua ahih manin Topa in kong cih in ah, note kong mawhsak lai dinga, na tate uhʼ tate zong ka mawhsak ding hi.

Ezekiel 7:3

Israel-te aw, tu-in na bei nading uh hong tung ta a, note in ka hehna tu-in na thuak ta ding uh hi. Na gamtatna sa uh tawh kizui-in thu kong khen dinga, na gamtat siatna uh tawh kizui-in gim kong pia ding hi.

Ezekiel 7:8

A sawt loin ka hehna thu na thuak ding uh a, na gamtatna sate uh hangin thu hong khenin, a muhdahhuai na gamtatnate uh hangin gim kong pia ding hi.

Hosea 4:1

Israel mite aw, Topaʼ thugen ngai un. Hih gam sungah a teeng mite tungah Topa lungkim lo ahih manin hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Hosea 4:9

Miteʼ thuak dingin a kilawm gimna mah siampite in zong thuak ding uh a, amauʼ gamtatna bangin gim pia-in amauʼ siatna bangin ka thukkik ding hi.

Amos 2:4

Topa in hih bangin ci hi: Judah mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in ka thukhamte nialin ka thuhilhnate zui lo uh hi. A pu a pate un a na biak sa pasian man lote mah in amaute lam pialsak uh hi.

Micah 6:2

No mual liante le a kip tawntung leitung bulpite aw, Topaʼ thu ngai un. Topa in ama mite tawh thu nei a, Israel tawh thu kiseel ding hi.

ROM (Romans) 9:11

Pasianʼ teelna pen a teel miteʼ nasepna hang hi loin Pasianʼ sapna tawh kisai zaw hi, ci-in a kilat nadingin a tate a sia a pha a gamtat theih ma, a suah ma pek mahin