Hebru 9:9 - Tedim Bible Revision 2017

⁹ Hih bang om zia pen tu hun lai thu a lahna ahi hi. Bang hang hiam cih leh Pasian tungah a kipia letsongte le ganhing tawh biaknate in a bia miteʼ lungsim siangsak zo lo hi.

Tedim Bible

⁹ Tua dei in biakna leh piaknate tu lai tak hun ading lim ahi hi. Lungsim theihna tawh ngaihsun leng, tua biakna leh piaknate in a bia mite a kicingsak zo lo tham loin,

Hebru 9:9 Iomraidhean Croise

ROM (Romans) 5:14

Ahi zongin Adam hun a kipan Moses hun dongin sihna in mite uk a, Adam in Pasianʼ thupiak a man loh manin a khialh bangin a khial nai lo mite nangawn sihna khutnuai mah hi veve uh hi. Adam pen a hong pai lai ding mipaʼ lim ahi hi.

Galati 3:21

Tua ahihleh Thukham le Pasianʼ thuciamnate a kilehngat ahi uh hiam? Hi het lo hi. Mihingte tungah hong kipia Thukham in nuntakna taktak hong pia thei hileh tua Thukham zuihna hangin mi khempeuh in Pasian tawh kipawl theihna ngah ding uh hi.

Hebru 10:11

Jew siampite nisimin a nasepna uh munah dingin a kibang biakpiakna mah pia niloh uh a, ahi zongin tua a piak uh biakpiaknate in mawhna maisak thei lo hi.

Hebru 11:19

Pasian in a si sa nangawn hingkiksak thei ding hi, ci-in Abraham in a up mah bangin Abraham in a si sa a tapa Isaac a limin a ngahkik ahi hi.

Hebru 5:1

Siampi lianpen ahi peuhpeuh mipa pen a miteʼ mawhna hangin Pasianʼ tungah biakna le letsong a piaksak dingin ama mipihte lak panin kiteelin nasep a kiguan ahi hi.

Hebru 7:11

Israel mite in Leviʼ suanlekhak siampite tungtawnin Thukham ngah uh hi. Leviʼ suanlekhak siampiteʼ nasepna kicingtaak hileh Melkhizedek siampi nam zui-in siampi namdang a pian ding kisam nawn lo dinga, Aaron gui zui-in siampi om sa a kimang pah ding ahi hi.

Hebru 8:4

Jew Thukham tawh kizui-in Pasian tungah letsongte a pia ding siampite om khinta ahih manin leitungah Jesu a om lai hileh siampi hi thei het lo ding hi.

Hebru 9:24

Tua ahih manin a lim ahi mihingteʼ bawl Siangtho Mun sungah Jesu pai lo a, vantung mahmah ah va pai-in Pasianʼ omna ah eiteʼ tangin tu-in amah a va kilaak ahi hi.

1 PETER MASA 3:21

Tui pen note a hong hon khia tuiphumna lim hi a, pumpi panin nin sawp khiatna lim hi loin, Jesu Khris thawhkikna hangin lungsim siantho nadingin Pasianʼ tungah kamciamna lim ahi hi. Tua Jesu thawhkikna in note hong hon khia ahi hi.