Hebru 9:8 - Tedim Bible Revision 2017

⁸ A pua nung inn dei a om lai teng a sung nung ahi, a Siangtho Pen Mun a kihong nai lo ahihna thu Kha Siangtho in hong kilangsak hi.

Tedim Bible

⁸ A masa dei a om lai tengin Siangtho Bel Munah paina lampi a kilang nai kei hi ci-in Kha Siangtho in hih thu tawh a lak hi.

Hebru 9:8 Iomraidhean Croise

Isaiah 63:11

Tua ciangin amaute in hun lui lai, ama nasem Mosesʼ hun a phawk uh hi. Ama mi a makaite hon khia-in, tuipi sung panin a paikhiatpih Topa koi ah om ta ahi hiam? Amauteʼ tungah ama kha a pia pa,

Luka 1:80

Tua naungek a pumpi le a lungsim siamna hong khang a, Israel mite lakah a kilaak hun matengin sehnel gam sungah a om hi.

Johan 10:7

Tua ahih manin Jesu in amaute kiangah thu genkik leuleu a, “A mantakin ci lehang, kei pen tuuteʼ paina kongpi ka hi hi.

Johan 10:9

Kei, kongpi ka hi hi. Keimah tawnin a pai tuu khempeuh in lauhuaina tuak kha loin, a ututun sung tumin pusuakin lo nona mun a mu ding uh hi.

Johan 14:6

Jesu in ama kiangah, “Keimah in Lampi ka hi a, Thuman le Nuntakna zong ka hi hi. Kei hong suang loin Pa kiangah kuamah tung thei lo ding hi.

Sawltak 28:25

Tua ciangin Paul in, “Kha Siangtho in kamsang Isaiah tungtawnin na pu na pate uh tungah a thugen man mahmah hi. Tua a genna ah, ‘Pai inla, hih mite tungah hih bangin va gen in: Thu na ngaihngaih uh hangin na tel kei ding uh a, na etet uh hangin na mu kei ding uh hi. Bang hang hiam cih leh hih mite lungsim mawk a, a bil uh humcip uh a, mit sicip uh hi. Tua bang hi kei le-uh, a mit un khua mu dinga, a bil un khua za dinga, a lungsim un thu mu thei ding hi. Tua bang hileh kei lamah hong kihei ding uh a, keimah in amaute ka damsak ding hi,’ ci-in a gen hi,” a cih khit ciangin amaute khatlekhat kithutuak loin a paikhia uh hi.

Galati 3:8

Jew mite mah bangin Gentail mite in zong a upna uh hangin amah tawh a kipawl thei dingin Pasian in a bawl nading thu, Lai Siangtho in na ma-theih hi. Tua ahih manin Lai Siangtho in Abraham tungah Lungdamna Thuthak na ma hilh khol a, “Pasian in leitung mi khempeuh thupha a piak nadingin nangmah hong zang ding hi,” na ci hi.

Efesa 2:18

Khris hangin Jew mi le Gentail mi ahi eite khempeuh, Kha Siangtho huhna tawh Pa Pasian kiangah i pai thei hi.

Hebru 10:15

Kha Siangtho in zong hih thu hong theih pih ahih manin,

Hebru 3:7

Tua ahih ciangin Lai Siangtho sungah, “Tu ni-in Pasianʼ aw na zak uh leh

Hebru 9:3

Tua Siangtho Mun a kideina zomah Siangtho Pen Mun a kici a dei dang khat om leuleu hi.

2 PETER NIHNA 1:21

Bang hang hiam cih leh mihingte in a deih manin mailam thugen kholh theihna a kingah hi lo a, Kha Siangthoʼ sawlna tawh Pasianʼ kiang panin a hong pai thute a kigen ahi zaw hi.