Hebru 9:21 - Tedim Bible Revision 2017

²¹ Tua banah Moses in Biakbuk le biakna-in a kizang a sunga na om khempeuh zong sisan a theh hi.

Tedim Bible

²¹ Biakna buk leh, a biakna nate zong tua mah bangin si tawh a theh hi.

Hebru 9:21 Iomraidhean Croise

Paikhiatna 24:6

Moses in a sisan kim khat la-in, kuangte sungah koih a, sisan kim khat biakna tau tungah a theh hi.

Paikhiatna 29:12

Bawngtal sisan tawm khat la-in na khutme tawh biakna tau kite na nuh dinga, si a om lai teng biakna tau bulah na sung khia ding hi.

Paikhiatna 29:20

nangmah in tuutal go-in, a si tawm khat la-in Aaronʼ taklam bil dawn le ama tapateʼ taklam bil dawnte le amauʼ taklam khutpi dawnte le amauʼ taklam khepi dawnte nuhin, si a om lai teng biakna tau kiimah na theh ding hi.

Paikhiatna 29:36

Kilem nadingin mawhna hanga biakna-in nisimin bawngtal khat na pia ding hi. Sianthosak nadingin sathau na nilh ciang le kilemna na bawl ciangin biakna tau adingin khialhna hanga biakna khat zong na pia ding hi.

Paikhiatna 40:9

“Tua ciangin sathau la-in, biakbuk le a sunga om khempeuh na nuh dinga, biakbuk le a inn sung van khempeuh na ap ding hi. Tua ciangin a siangtho biakna van a suak ding hi.

Siampi Laibu 8:15

Kilemna bawl nadingin Moses in a bawngtal go a, a si la-in a kiim a biakna tau kite a khutme tawh nuhin, biakna tau siangthosak a, biakna tau bulah a site sung khia-in a ap hi.

Siampi Laibu 8:19

Moses in tua tuutal go-in, biakna tau tung kimkot ah a si theh hi.

Siampi Laibu 9:18

Mosesʼ thupiak bangin amah in mite adingin thunuam a biakna bawngtal le tuutal zong a go hi. A tapate in ama kiangah a si paipih uh a, amah in biakna tau kimkot ah theh a,