Hebru 9:19 - Tedim Bible Revision 2017

¹⁹ Moses in zong mite tungah Thukham sunga om thute a piak lai-in bawng no sisan, keel sisan le tui sungah puknah le tuumul san diahin, tuate tawh Thukham laibu le mite theh a,

Tedim Bible

¹⁹ Bang hang hiam na cih uh leh, Thukham khempeuh Moses in mi khempeuh kiangah a hilh khit ciangin tui tawh kihel bawngno’ si, keel’ si, a san tuumul leh pumpeeng ngeekte la-in Lai Siangtho ahi zongin, mi khempeuh tungah ahi zongin a theh a,

Hebru 9:19 Iomraidhean Croise

Late 51:7

Puknah tawh hong nul in; kei ka siang ding hi. Hong sil in; vuk sangin ka ngo zaw ding hi.

Paikhiatna 12:22

Puknah lom khat la unla, kuang sunga om sisan sungah diahin, kuang sunga om sisan tawh baang tung zawl le kongkhak khuam nihte nuh un. Zingsang matengin a inn kongkhak pua ah kuamah paikhia lo ding hi.

Isaiah 52:15

Tua ahih ciangin amah in minam tampite dipkuasak dinga, ama hangin kumpite in a kam uh cih ding uh hi. Bang hang hiam cih leh amaute tungah a kigen ngei lo nate mu ding uh a, amaute in a zak ngei loh uh nate thei tel ding uh hi,” a ci hi.

Ezekiel 36:25

Note tungah tui siangtho kong theh dinga, na milim biakna uh le note hong ninsak na dang khempeuh panin kong siangsak ding hi.

Siampi Laibu 1:10

“Meihal biak nadingin ama letsong pen tuu hitaleh keel hitaleh a hon lak panin ahihleh, amah in a sitbaang lo a pa khat pia ding hi.

Siampi Laibu 3:6

“Topaʼ tungah thunuam a a piak ding ama biakna pen tuu le keel honte sung panin a nu hitaleh a pa hitaleh ganhing khat ahihleh, amah in a sitbaang lo pia ding hi.

Gamlak-vakna 19:18

Tua ciangin a siang mi khat in puknah la-in a sungah diah dinga, puanbuk tung le a nazat khempeuh tung le tua lai ah a om mi khempeuh tung le guh ahi a, a kithat mi ahi a, misi ahi a, han ahi zongin a lawng mipa tungah theh ding hi.

Gamlak-vakna 19:6

Siampipa in taamtak sing le puknah le a ausan khaute la-in bawngla a kihalna sungah tuate khul ding hi.

Mattiu 27:28

Tua lai panin Jesuʼ puan suahkhiatsak uh a, puansan khat a silhsak uh hi.

Marka 15:17

Jesu, puansan silhsak uh a, ling lukhu bawlin a lu tungah a khusak uh hi.

Marka 15:20

Tua bangin a simmawh bawl khit uh ciangin a puansan suahkhiatsak uh a, ama puan ngeite a silhsakkik uh hi. Tua ciangin singlamteh tungah thah dingin a paikhiatpih uh hi.

Johan 19:2

Galkapte in a kumpi lukhu dingin ling vialin Jesu khusak uh a, a kumpi puan dingin puansan a silhsak khit uh ciangin

Johan 19:5

Tua ahih manin Jesu zong ling lukhu khu kawm leh puansan silh kawmin hong pusuak a, Pilat in mihonte kiangah, “En un, hih lai ah na mipa uh om hi,” a ci hi.

Hebru 1:1

A beisa hunah Pasian in kamsangte zangin i pupite tungah a lam tuamtuam tawh a khenkhenin thu na gen ngei zo hi.

Hebru 10:22

Tua ahih manin mawhna thu ah kisuanna lungsim om nawn loin, tui siangtho tawh i pumpi a kisawp sa-in muanna le lungsim takpi tawh Pasian kiang zuan ni.

Hebru 10:4

Tua hi a, bawngtal sisan le keel sisan in mawhna siangsak zo ngei lo hi.

Hebru 12:24

thuciamna thak a hong vaihawm Jesu kiang, Abelʼ sisan sangin thu hoih zaw a gen sisan a kithehna mun na tung zo uh hi.

Hebru 9:12

Siangtho Pen Mun ah a tawntungin a kimang dingin khatvei bek Khris a va lut ciangin biakpiak nadingin keel sisan le bawng no sisante va keng loin ama sisan va keng a, eite adingin tawntung hotkhiatna a hong ngahsak hi.

Hebru 9:13

Keel sisan, bawngtal sisan le bawngla kihal tum vute, biakna vai-in a siang lo mite tungah a kitheh ciangin biakna vai-in miteʼ pum tung siangthosak thei ahihleh,

Hebru 9:18

Tua mah bangin thuciamna masa zong sisan a kizat ciangin thu suak thei pan hi.

1 PETER MASA 1:2

Pa Pasian in ama ngimna sa bangin note hong teel a, note in Jesu Khrisʼ thu mangin, ama sisan tawh sianthona a ngah dingin a Kha Siangtho tawh note mi siangtho-in a hong bawl hi. Note tungah hehpihna le nopsakna thupha hong tam tun semsem tahen.