Hebru 9:12 - Tedim Bible Revision 2017

¹² Siangtho Pen Mun ah a tawntungin a kimang dingin khatvei bek Khris a va lut ciangin biakpiak nadingin keel sisan le bawng no sisante va keng loin ama sisan va keng a, eite adingin tawntung hotkhiatna a hong ngahsak hi.

Tedim Bible

¹² Siangtho Pen Mun ah a tawntungin a kimang dingin khatvei bek Khrih a va lut ciangin biakpiak nadingin keel sisan le bawngno sisante va keng loin ama sisan va keng a, eite a dingin tawntung hotkhiatna a hong ngahsak hi.

Hebru 9:12 Iomraidhean Croise

Daniel 9:24

“Na mite le khuapi siangtho, a mawhna le a gamtat khialhnate a beina ding hun kum sawm sagih mun sagih sung a kiseh zo hi. Tua ciangin mawhna kimaisak dinga, a tawntung thutang thu a hong tung ding hi. Gen kholhna le maangmuhna thu a mantakin hong tangtung dinga, a Siangtho Pen Mun biakinnpi kisiansuah ding hi.

Siampi Laibu 16:15

“Tua ciangin amah in mite ading ahi khialhna hanga biakna keel go-in, dalna puan sungah a si paipih dinga, bawngtal si a theh mah bangin a si thehin, hehpihna tokhom tung le hehpihna tokhom mai ah theh ding hi.

Siampi Laibu 4:3

a khial pa pen sathau a kinilh siampipa ahih a, mite tungah tua bangin mawhna hong tut leh, ama gamtatna sa a khialhna hangin a sitbaang lo bawngtalno khat Topaʼ mai ah khialhna hanga biakna-in amah piasak un.

Siampi Laibu 8:2

“Aaron le amah tawh a om a tapate, a puante, a nilh sathau, khialhna hanga biakna a bawngtal, a tuutal nihte le silngo sawh loh anlum lawh la inla,

Siampi Laibu 9:15

Tua ciangin a masa-a khialhna hanga biakna mah bangin amah in miteʼ biakna pia-in, mite ading ahi khialhna hanga biakna keel la-in go a, khialhna hanga biak nadingin a pia hi.

Zekhariah 3:9

Joshuaʼ omna mai ah, mai sagih a nei suang khat ka koih hi; tua suang tungah lai ka gelh dinga, ni khat sungin hih gam miteʼ mawhna ka paih khiatsak ding hi.

Marka 3:29

Ahi zongin Kha Siangtho langpangin thu a gente in mawhna kip su kha uh ahih manin a mawhna uh kimaisak ngei lo ding hi,” a ci hi.

Luka 1:68

“Israel miteʼ Topa Pasian phat ciat ni. A mite a huh dingin hong pai-in amaute a suaktasak hi.

Sawltak 20:28

Kha Siangtho in noteʼ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

Efesa 1:7

Khris hong sihna hangin eite in suahtakna ngahin, i mawhnate hong kimaisak ahi hi. Tua zah dongin Pasianʼ hong hehpihna thu bangzah takin lian ahi hiam?

Kolose 1:14

tua a Tapa in eite hong khah khia a, i mawhna hong kimaisak khinta hi.

1 THESALONIKA MASA 1:10

a hong tung ding Pasianʼ hehna panin eite a hong hon khia, sihna panin Pasian in a thawhsakkik a Tapa Jesu, van panin a hong pai ding ngak dingin milim paisanin Pasianʼ lamah na kiheina uh thute mi khempeuh in gen belin a nei uh hi.

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

Hebru 1:3

Tua Tapa in Pasianʼ minthanna vang hong taang khiasak a, Pasianʼ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasianʼ taklam, vantungah a tu hi.

Hebru 10:19

Tua ahih ciangin sanggamte aw, Jesu hong sihna hangin Siangtho Pen Munah ututin lut theih nading thu i nei ta hi.

Hebru 10:4

Tua hi a, bawngtal sisan le keel sisan in mawhna siangsak zo ngei lo hi.

Hebru 13:12

Tua mah bangin Jesu in zong ama sisan tawh miteʼ mawhna a siansak theih nadingin khuapi pua lamah a si hi.

Hebru 5:9

Tua bangin a cingtaak mi a suah khit ciangin ama thu a mang mite khempeuh adingin tawntung hotkhiatna a kipatna hong suak a,

Hebru 7:27

Siampi lianpen dangte in nisimin amauʼ mawhna hangin biakna pia masa-in, tua ciangin midangteʼ mawhna hangin a piak niloh bang hi loin, amah khatvei bek a kipiakna tawh a tawntung adingin a kimang paisuak ahi hi.

Hebru 9:13

Keel sisan, bawngtal sisan le bawngla kihal tum vute, biakna vai-in a siang lo mite tungah a kitheh ciangin biakna vai-in miteʼ pum tung siangthosak thei ahihleh,

Hebru 9:14

tawntung Kha Siangtho hangin Pasian tungah a cingtaak biakpiak nadingin Khris in a piak ama sisan in na tam sem khia zo zaw dinga, a nungta Pasianʼ na i sep theih nadingin bangmahin a kimang lo nasepna panin ama sisan in i lungsim hong siangsak ding hi.

Hebru 9:15

Thuciamna masa in a huam khak mite, a mawhna panun a suahtak theih nading uh ngeina om pen a si suak khinta ahih manin, Pasianʼ sap mite in a ciam sa tawntung thupha a ngah theih nadingun Khris in thuciamna thak a hong vaihawm ahi hi.

Hebru 9:19

Moses in zong mite tungah Thukham sunga om thute a piak lai-in bawng no sisan, keel sisan le tui sungah puknah le tuumul san diahin, tuate tawh Thukham laibu le mite theh a,

Hebru 9:28

mi tampiteʼ mawhna a thuak dingin Khris zong khatvei bek a kipia hi. A nih veina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a hon khia ding ahi hi.

Hebru 9:7

Ahi zongin a dei sung nung sungah Siampi Lianpen pa bek kum khatin khatvei pai a, theih loh man a, amah le miteʼ khialhna hangin ganhing sisan tawh biakpiakna a bawl hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesu Khris kiang panin note tungah hehpihna le nopsakna thupha hong tung tahen. Tua Jesu Khris in eite hong it a, ama sihna tawh i mawhna panin eite hong suaktasak a,

Mangmuhna 5:9

Amaute in la thak khat sa uh a, “Nang Tuuno, tua laizial a la khia ding le a ciaptehnate a la khia dingin na kilawm hi. Nang hong kigo khin ahih manin mi namkim le pau namkim a pau mite sung panin na sisan tawh Pasian adingin mite na lei khin a,