Hebru 9:11 - Tedim Bible Revision 2017

¹¹ Ahi zongin tu-in a hoih zaw thu a sem ding Siampi Lianpen Khris hong tung khinta a, ama lutna biakbuk pen a kipiangsak tawm, khut tawh a kibawl biakbuk hi loin a lian zaw, a cingtaak zaw mun ahi hi.

Tedim Bible

^11-12 Tu-in khut tawh kibawl lo, hih leitung tawh kipawl lo, a lianzaw, a kicing zaw bukah, a nung ciangin a suak ding phattuamnate siampi ahi Khazih in eite ading a tawntung tatkhiatna thupha hong ngahsak khit ciangin, keel’ si, bawng’ si tawh hi lo, amahmah sisan tawh Siangtho Bel Mun sungah khatvei a tum hi.

Hebru 9:11 Iomraidhean Croise

Piancilna 49:10

Judah in kumpi ciangkhut len tawntung dinga, a suan a khakte in zong ukna aana nei tawntung ding hi. Minam dangte in ama tungah siah puak dinga, zahtakna tawh ama mai ah kun ding uh hi.

Late 40:7

Tua ciangin keimah in, “En in, laibu sungah keima thu a kigelh khin sa bangin ka hong pai hi.

Isaiah 59:20

Topa in ama mite tungah, “Note a hong hu dingin Jerusalem ah kong pai dinga, mawhna panin a kihei khia mi peuhmah ka hong hon khia ding hi.

Jeremiah 33:8

Kei tungah hong bawl uh mawhna khempeuh panin amaute ka siangsak dinga, kei tungah a hong mawhnate uh le a hong langpanna khempeuhte uh ka maisak ding hi.

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawl khol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Mattiu 11:3

“Nang pen a hong pai ding pa na hi hiam, tua ahih kei leh a dang na lamen lai ding ka hi uh hiam?” ci-in a dongsak hi.

Marka 14:58

“Mihingteʼ lam hih biakinn ka susia dinga, ni thum khit ciangin mihingteʼ lam ahi lo a dang khat ka lam ding hi,” a cihna ka za uh hi, ci-in hong gen uh hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasianʼ pianzia a neihna ka mu cian uh hi. Hih pianzia pen Pasianʼ Tapa khat bek hihna tawh a neih pianzia ahi hi.

Johan 4:25

Tua ciangin numei in, “Khris a kici Messiah hong pai nading thu ka thei hi. Amah hong pai ciangin thu khempeuh hong gen ding hi,” a cih ciangin

Sawltak 7:48

Ahi zongin kamsang pa in, ‘Topa in hih bangin ci hi: Vantung pen keima tokhom hi a, leitung zong ka khengakna mun ahi hi. Kei ading bang biakinn hong lamsak thei dinga, ka om nading koi lai mun hi thei ding ahi hiam? Hih nate khempeuh keima bawl sa hi lo ahi hiam, ci hi,’ ci-in a gen mah bangin mihingteʼ lam sa inn sungah a Lianpen Pasian a teeng hi lo hi.

2 KORIN NIHNA 4:18

Bang hang hiam cih leh a kimu thei nate a mitsuan ka hi kei uh a, a kimu thei lo nate a mitsuan ka hi uh hi. A kimu thei nate tomno sung bek kimang a, a kimu thei lo nate a tawntungin a kip ahi hi.

2 KORIN NIHNA 5:1

Bang hang hiam cih leh hih ka teenna ka leitung pumpi uh a sih ciangin mihingte bawl ahi lo, Pasian in a kip tawntung dingin kote adingin a hong bawlsak inn, vantungah a nei ding ka hihna uh ka thei uh hi.

Kolose 2:11

Amah tawh na kipawlna uh hangin mihingte in pumpi vun a at uh bang hi loin, Khrisʼ vun-atna ahi mawhnopna lungsim tawh kipelhna a ngah khinta na hi uh hi.

Hebru 10:1

Jew Thukham pen mailam hunah a taktak a hong tung ding lim lah kholhna hi bek ahih manin tua Thukham tawh kizui-in a kum a kumin a kipia biakpiakna in Pasian kiang a zuan mite mi cingtaak suah zo ngei lo hi.

Hebru 12:27

“Khat vei liingsakkik lai ding,” a cih ciangin a kipiangsak nate kiliingsakin kipaai khia dinga, a kiliingsak lo nate kip lai ding ahihna thu hong kilangsak hi.

Hebru 13:14

Eite adingin hih leitungah a kip khuapi om lo ahih manin a hong piang lai ding khuapi a zong ihi hi.

Hebru 2:17

Tua ahih manin mihingteʼ mawhna a kimaisak theih nadingin Pasianʼ na a sepna ah mite adingin hehpihna le cihtakna tawh Siampi Lianpen a suah theih nadingin a sanggamte tawh a kibangin mihing lim a hong puak ding a kisam ahi hi.

Hebru 3:1

Tua ahih manin Pasianʼ sapna a ngah mi siangthote aw, eiteʼ upna thu tawh kisai ah Siampi Lianpen a sem dingin Pasianʼ sawltak Jesuʼ thu ngaihsun dih un.

Hebru 4:15

Eiteʼ neih Siampi Lianpen pa in i ginat lohna ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

Hebru 7:1

Abraham in a galsimna ah kumpite thatin gualzo-in a hong ciah ciangin A Lianpen Pasianʼ siampi ahih banah Jerusalem khua kumpi zong ahi Melkhizedek in Abraham na dawnin thupha a pia hi.

1 JOHAN MASA 5:20

Pasianʼ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesu Khris tawh i kipawlna hangin Pasian taktak mah tawh a kipawl thei ihi hi. Tua Jesu pen Pasian taktak mah hi a, nuntak tawntungna a pia thei ahi hi.

2 JOHAN NIHNA 1:7

Bang hang hiam cih leh leitungah midangte a khem tampi hong om ta a, tua mite in Jesu Khris, mihing banga hong paina thu a nial uh hi. Tua bang mite pen mi khemte hi a, Khrisʼ Gal ahi uh hi.