Hebru 8:4 - Tedim Bible Revision 2017

⁴ Jew Thukham tawh kizui-in Pasian tungah letsongte a pia ding siampite om khinta ahih manin leitungah Jesu a om lai hileh siampi hi thei het lo ding hi.

Tedim Bible

⁴ Thukham bangin biakna pia ding mite a om uh ahih ciangin tua Topa leitungah a om leh, siampi ahi kei ding hi.

Hebru 8:4 Iomraidhean Croise

Gamlak-vakna 16:40

Topa in Moses tungtawnin Eleazar tungah a gen bangin Korah le a pawlte tawh a kibang kha lo dingin, siampi ahi lo, Aaronʼ suanlekhakte ahi lo mi peuhmah, Topaʼ mai ah paknamtui hal dingin a pai loh nading, Israel mite tungah phawksakna khat ahi hi.

Gamlak-vakna 18:5

Israel mite tungah hehna a om nawn loh nadingin biakbuk nasep le biakna tau nasep note in na sem ding uh hi.

Hebru 10:11

Jew siampite nisimin a nasepna uh munah dingin a kibang biakpiakna mah pia niloh uh a, ahi zongin tua a piak uh biakpiaknate in mawhna maisak thei lo hi.

Hebru 11:4

A upna hang mah tawh Abel in Kainʼ piakna sangin a san theih huai zaw biakpiakna Pasianʼ tungah a na pia hi. Pasian in ama biakna na sang ahih manin a upna hangin mihoih hi, ci-in Pasianʼ pahtakna a na ngah hi. Abel a sih zawh a sawtpi hi khin napi-in tu dong mahin upna thu a hong gengen lai a suak hi.

Hebru 5:1

Siampi lianpen ahi peuhpeuh mipa pen a miteʼ mawhna hangin Pasianʼ tungah biakna le letsong a piaksak dingin ama mipihte lak panin kiteelin nasep a kiguan ahi hi.

Hebru 7:27

Siampi lianpen dangte in nisimin amauʼ mawhna hangin biakna pia masa-in, tua ciangin midangteʼ mawhna hangin a piak niloh bang hi loin, amah khatvei bek a kipiakna tawh a tawntung adingin a kimang paisuak ahi hi.

Hebru 8:3

Pasian tungah letsong a tuamtuamte a pia ding le ganhing tawh biakna a pia dingin siampi lianpen a sem peuhpeuhte a kiseh ahih mah bangin eiteʼ Siampi Lianpen pa in zong bang khat teitei a piak ding kisam hi.

Hebru 9:9

Hih bang om zia pen tu hun lai thu a lahna ahi hi. Bang hang hiam cih leh Pasian tungah a kipia letsongte le ganhing tawh biaknate in a bia miteʼ lungsim siangsak zo lo hi.