Hebru 7:3 - Tedim Bible Revision 2017

³ Melkhizedekʼ pa le a nu a kipanin a suahna thu, a sihna thu le a khang tangthu peuhmah a kiciaptehna om lo ahih manin Pasianʼ Tapa tawh a kibang hi a, siampi mah hi tawntung paisuak hi.

Tedim Bible

³ pa om lo, nu om lo, a suan a khak om lo, a nuntakna kipatna ahi zongin, a beina ahi zongin nei loin, Pasian’ Tapa tawh kibangin siampi-in a tawntungin a om hi.

Hebru 7:3 Iomraidhean Croise

Paikhiatna 6:18

Kohathʼ tapate: Amram, Izhar, Hebron le Uzziel hi a, Kohath kum za le kum sawm thum le kum thum nungta hi.

Mattiu 4:3

Tua ciangin ama kiangah Dawimangpa hong pai a, “Pasianʼ Tapa na hih takpi leh hih suangte anlum a suah nadingin thu pia in,” a ci hi.

Hebru 4:14

Tua ahih manin eite in Pasianʼ omna vantung a va tung khin sa, Siampi Lianpen ahi Pasianʼ Tapa Jesu nei khin ihih manin i san sa upna thu kip takin len ni.

Hebru 7:1

Abraham in a galsimna ah kumpite thatin gualzo-in a hong ciah ciangin A Lianpen Pasianʼ siampi ahih banah Jerusalem khua kumpi zong ahi Melkhizedek in Abraham na dawnin thupha a pia hi.

Hebru 7:17

Bang hang hiam cih leh Lai Siangtho in, “Melkhizedek nam bangin tawntung siampi na hi hi,” na ci hi.

Hebru 7:2

Abraham in a na ngah khempeuh sung panin Melkhizedek tungah sawm-ah-khat a pia hi. Melkhizedek min a khiatna in, “Thuman Kumpi,” a cihna hi phot a, tua banah Jerusalem khua kumpi zong hi lai ahih manin ama min pen, “Kilemna Kumpi,” cihna zong ahi hi.

Hebru 7:6

Ahi zongin Melkhizedek ahihleh Leviʼ suanlekhak hi lo napi-in Abrahamʼ tung panin sawm-ah-khat na la-in thuciamna a ngah mipa zong thupha a na pia lai hi.