Hebru 7:26 - Tedim Bible Revision 2017

²⁶ Tua bangin a siangtho, paubaanna a nei lo, vantungah a lian penin a kikoih Siampi Lianpen Jesu i neih a hoih mahmah ahi hi.

Tedim Bible

²⁶ Tua bang siampi ukpa in siangtho-in, dikin, kihhuaina om loin, mawhneite tawh kikhen khia a, vante sangin a sangzaw munah a tung mi ahih ciangin, eite ading a kilawm hi.

Hebru 7:26 Iomraidhean Croise

Late 68:18

Topa nangmah Pasian tua munah na om theih nadingin a sangna ah kah to-in salte na paipih a, mihonte le mi lehdoteʼ tung nangawn panin piakkhong nate na ngah hi.

Paikhiatna 28:36

“Nangmah in kham citak tawh a peek khat na bawl dinga, min gelhna a kibawlte mah bangin tua tungah, ‘Topa ading siangtho,’ ci-in na gelh ding hi.

Isaiah 53:9

Amah in mawhna bawl lo, zuaugen ngei lo napi-in, amaute in migilote tawh sihna a kibang, mihaute tawh hankhuk a kibang a bawlsak uh hi,” a ci uh hi.

Ezekiel 44:27

biakinn tual sung nungah pai-in biakinn sungah na a sepkik theih nadingun kisiansuahna biakna pia ding uh hi. Topa Pasian in hih thu ka gen khin hi.

Gamlak-vakna 29:26

“A ni nga ni-in bawngtal kua, tuutal nih le kum khat a pha tuuno a pa sawm le li, a vekpi-in a sitbaang lo,

Mattiu 27:18

Bang hang hiam cih leh Jesu a hazat man bekun ama kiangah a paipih ahihna thu teltakin a thei hi.

Marka 16:19

(Tua bangin Topa Jesu in amaute tungah thu a gen khit ciangin vantungah kila to-in Pasianʼ tak lamah a tu hi.

Luka 1:35

Vantungmi in, “Nangma tungah Kha Siangtho hong tung dinga, nangma tungah Pasianʼ vangliatna hong om ding hi. Tua ahih manin a hong suak ding a siangtho naungek pen Pasianʼ Tapa kici ding hi.

Luka 23:22

Tua ciangin amaute tungah a thum veina thu gen a, “Amah in bang mawhna bawl ahi hiam? Sihna a thuak nadingin ama gamtatna bangmah ka mu kei hi. Tua ahih manin amah satin ka khah ding hi,” a ci hi.

Luka 23:41

Ei tegel pen i gamtatna tawh kizui-in thu hong kikhen ahih manin ahi ding mah ahi hi. Ahi zongin amah in khialhna bangmah nei lo hi,” a cih khit ciangin

Luka 23:47

Galkap mangpa in hih thupiang a muh ciangin Pasian phat a, “Hih pa, mihoih taktak khat ahi hi,” a ci hi.

Luka 24:26

Khris in minthanna a ngah nadingin hih bang teng a thuak ding kisam hi lo ahi hiam?” a ci hi.

Luka 24:46

amaute kiangah, “Khris in sihna thuakin, a ni thum ni-in sihna panin hingkik dinga,

Johan 14:30

Tu-in hih leitung a ukpa hong tung ta ahih manin note kiangah thu kong gen man nawn kei ding hi. Amah in keima tungah aana nei lo hi.

Johan 8:29

Kei a hong sawl paʼ lungkimna bang bekin gamta tawntung ka hih manin amah in kei guak hong nusia loin, hong ompih tawntung hi,” a ci hi.

Sawltak 3:14

Amah mihoih mi siangtho hi napi-in, amah na nial zawsop uh a, mi that khat a khahkhiat nadingin Pilat kiangah na ngen uh hi.

Sawltak 4:27

A cih mah bangin Herod le Pontias Pilat in hih khuapi sung teek mahah Gentail mite le Israel mite tawh kikupna nei uh a, nangmah in Khris dingin na bawl, a siangtho na Nasem pa Jesu thah dingin a vaihawm uh hi.

2 KORIN NIHNA 5:21

Khris tawh i kipawlna hangin eite zong Pasian tawh a kibangin midik i suah theih nadingin mawhna a nei lo Khris pen eiteʼ tang dingin Pasian in mawhnei mi a suaksak hi.

Hebru 1:3

Tua Tapa in Pasianʼ minthanna vang hong taang khiasak a, Pasianʼ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasianʼ taklam, vantungah a tu hi.

Hebru 12:2

Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.

Hebru 2:10

Na khempeuh ama adingin a piangsak Pasian in tate tampi minthanna a ngahsak theih nadingin a thuakna tawh hotkhiatna thu ah a makai dingin Jesu a bawl ding a kilawm mah ahi hi.

Hebru 2:17

Tua ahih manin mihingteʼ mawhna a kimaisak theih nadingin Pasianʼ na a sepna ah mite adingin hehpihna le cihtakna tawh Siampi Lianpen a suah theih nadingin a sanggamte tawh a kibangin mihing lim a hong puak ding a kisam ahi hi.

Hebru 3:1

Tua ahih manin Pasianʼ sapna a ngah mi siangthote aw, eiteʼ upna thu tawh kisai ah Siampi Lianpen a sem dingin Pasianʼ sawltak Jesuʼ thu ngaihsun dih un.

Hebru 7:11

Israel mite in Leviʼ suanlekhak siampite tungtawnin Thukham ngah uh hi. Leviʼ suanlekhak siampiteʼ nasepna kicingtaak hileh Melkhizedek siampi nam zui-in siampi namdang a pian ding kisam nawn lo dinga, Aaron gui zui-in siampi om sa a kimang pah ding ahi hi.

Hebru 8:1

Tu-in i gen nop thu pen hih bang ahi hi: Vantungah Pasianʼ tokhom tak lamah a tu tua bang Siampi Lianpen khat a nei ihi hi.

Hebru 9:14

tawntung Kha Siangtho hangin Pasian tungah a cingtaak biakpiak nadingin Khris in a piak ama sisan in na tam sem khia zo zaw dinga, a nungta Pasianʼ na i sep theih nadingin bangmahin a kimang lo nasepna panin ama sisan in i lungsim hong siangsak ding hi.

1 PETER MASA 1:19

tuuno bangin paubaanna a om lo, a manpha mahmah Khris, biakna-in a hong kipiakna tawh Pasian in note a hong suaktasak ahi hi.

1 PETER MASA 2:22

Khialhna bangmah gamta lo a, zuau a gen lam zong kiza ngei lo hi.

1 PETER MASA 3:22

Tu-in vantungah tua Khris pai khin a, Pasianʼ tak lamah omin, vantung mite le ukna aana a neite khempeuh tungah a ukin a om hi.

1 JOHAN MASA 2:2

Tua Jesu hangin eiteʼ mawhna hong kimaisak a, eite ading bek hi loin leitung mi khempeuhʼ mawhna zong a mai nading ahi hi.

1 JOHAN MASA 3:5

Khris pen mawhna a nei het lo hi a, miteʼ mawhna a la khia dingin Khris hong kilang ahihna thu na thei uh hi.

Mangmuhna 3:7

“Filadelfia khua pawlpi vantungmi kiangah lai gelh inla, Davidʼ tawhtang kemin, ama hon sa kong kuamah in a khak zawh loh, ama khak sa kong kuamah in a hon zawh loh, a thuman a siangtho paʼ thugen in: